एक कार्यक्रमका बीच लोकार्पण गरियो गाजलीगाथा
'गाजली-गाथा' गरिबीले दारेका र ठालुहरूले लघारेका अभिशप्त मान्छेहरूको जीवनको साझा कहिरन तथा पीडाले जलेका, कष्टले पिल्सिएका र हेपाइले उधिनेका सिङ्गो ग्रामीण महिलाको शब्दचित्र हो ।
रसुवा जिल्ला, उत्तरगया गाउँपालिका-२ डाँडागाउँका अम्बीर गुरूङ 'गोफ्ले'ले आमा गाजलीमाया गुरूङ्सेनीलाई सम्झदै आफ्ना मनको उद्देलनमार्फत् 'गाजली गाथा' नामक संस्मरण पुस्तक प्रकाशन गरेका छन् ।
काठमाण्डौंमा
पर्यटन व्यवसाय गरिरहेका गुरूङको कृति 'गाजली गाथा' एक कार्यक्रमका बीच लोकार्पणसमेत् गरिएको छ । नुवाकोटको तुप्चेमा भाद्र १९ गते सांसद हितबहादुर तामाङले लोकार्पण
गरिएको बताईएको छ ।
विभिन्न
विषयहरूमा रहेर लेखिएको उक्त १८९ पृष्ठ रहेको पुस्तक गाजलीमाया जस्तै दर्दनाक जीवन
बिताएका तमाम आमाप्रति समर्पण गरिएको छ ।
आमाका
जीवनका भोगाईसहित आफ्नो र परिवारको जीवनका भोगाई, दुःख, सुख, खुशी, सफलताको
बृतान्त, आमाको जीवनको अन्त्यसम्मका अनुभव वा श्रृङ्खलाबद्द परिघटनाहरूको जस्ताको
तस्तै चित्राङ्कृत गरेका छन् गुरूङले पुस्तकमा ।
नागार्जुन
साहित्य प्रतिष्ठानका सचिव माधव घिमिरे, नेपाल प्रज्ञा प्रतिष्ठानका सदस्य सचिव
धनप्रसाद सुवेदीको विवेचनासहित प्रकाशित पुस्तकको मूल्य २९९ राखिएको छ ।
कष्टम
ट्रेक्स नेपाल प्रालिका प्रवन्धक रहेका गुरूङ रसुवा-नुवाकोट पर्यटन समाजका
सल्लाहकार हुन् ।
गुरूङ पिता कर्णबहादुर गुरूङ र माता गाजलीमायाको कोखबाट वि.सं २०२५ बैशाख ८ गते डाँडागाउँमा जन्मिएका हुन् ।
 |
| गाजलीगाथा लोकार्पणको दृश्य, तुप्चे-नुवाकोट |
पुस्तक
लोकार्पणमा अतिथि साहित्यकारहरूले 'गाजली-गाथा' गरिबीले
दारेका र ठालुहरूले लघारेका अभिशप्त मान्छेहरूको जीवनको साझा कहिरन तथा पीडाले
जलेका, कष्टले पिल्सिएका र हेपाइले उधिनेका सिङ्गो ग्रामीण महिलाको
शब्दचित्र भएको बताएका छन् । सांसद
हितबहादुर तामाङ, नेपाल प्रज्ञा प्रतिष्ठानका सदस्य सचिव डा• धनप्रसाद
सुवेदी, प्रा•डा• प्रेम शर्मा, पूर्व सङ्घीय सांसद राममाया
बोगटीलगायतले गाजली गाथाको चर्चा गरेका थिए ।
पुस्तक लोकार्पणको पूर्ण विवरण
0 Comments :
Post a Comment