उत्तरगया, रसुवा, भाद्र २ गते । रसुवाको उत्तरगया-४ ढुंगेमा पहिरो पूर्व चेतना प्रणाली जडान गरिएको छ ।
एकसयभन्दा बढी घरधुरीहरू पहिरोको उच्च जोखिममा रहेका कारण
उक्त प्रणाली वा सेन्सर र साइरन जडान
गरिएको हो ।
गाउँपालिकाभित्र सञ्चालित 'प्रतिबद्द परियोजना' अन्तर्गत उक्त कार्य सम्पन्न भएको बताइएको छ । परियोजनामा पिन, आत्मनिर्भर सेवा केेन्द्र, सेभ द चिल्ड्रेन र कन्सोर्टियमको साझेदारी रहेको छ । परियोजनालाई युरोपियन युनियनको आर्थिक सहयोग गरेको छ ।
यो प्रविधि प्रयोगसँगै पहिरोको पूर्व सूचना जानकारी हुने
हुनाले पहिरोको जोखिम न्यून गर्न सकिने बताइएको छ ।
लामो समयदेखि प्रविधिको क्षेत्रमा कार्य गर्दै आइरहेको
रामलक्ष्मण इनोभेसनले उक्त प्रणाली जडान गरेको उत्तरगया-४ का वडा सदस्य वासु
न्यौपानेले बताए ।
रामलक्ष्मण इनोभेसनका अनुसार हाल जडान भएको प्रणालीको खर्च ५ लाख हाराहारीमा रहेको छ ।
No comments:
Post a Comment