गोरखनाथको पात्र देवता यात्रा टोली धुन्चे आइपुगे

 

रसुवा, प्रसिद्ध एवं पवित्र धार्मिक तीर्थस्थल गोसाइँकुण्डमा लाग्ने जनैपूर्णिमा मेलाको अवसरमा गुरु गोरखनाथको पात्र देवता यात्रा टोली सोमबार सदरमुकाम धुन्चे आइपुगेको छ । 

पात्रलाई गोसाइँकुण्ड लग्दा पहिलो रात धुन्चे‚ त्यसपछि चन्दनबारी र अन्त्यमा गोसाइकुण्डको स्नान एवम् दर्शन गराई सोही मार्ग काठमाडौं ल्याइने र पिरपाटीमा राखिनेछ ।

परापूर्वकालदेखि चल्दै आएको धार्मिक परम्पराअनुसार गुरु गोरखनाथको पात्र देवतालाई गोसाइँकुण्डमा स्नान गराउनका लागि यो टोली धुन्चे आइपुगेको हो।

पात्र देवता यात्रा टोलीको आगमनले हिमाली जिल्ला रसुवा र पवित्र गोसाइँकुण्ड क्षेत्रमा जनैपूर्णिमा मेलाको धार्मिक रौनकता अझ बढाएको छ। काठमाडौँबाट सुरु भएको यात्रा टोलीको पहिलो बास सदरमुकाम धुन्चेमा हुनेछ। दोस्रो दिन उकालो चढ्दै टोली मनमोहक चन्दनबारी  पुगेर बास बस्नेछ।

तेस्रो दिन टोली प्रसिद्ध गोसाइँकुण्ड पुग्नेछ, जहाँ पवित्र कुण्डमा पात्र देवतालाई स्नान गराइनेछ र विशेष पूजाआजा तथा दर्शन सम्पन्न गरिनेछ। धार्मिक विधिपूर्वक स्नान र दर्शन सकिएपछि टोली सोही मार्ग हुँदै काठमाडौँ फर्किनेछ र पात्र देवतालाई पुनः पिरपाटीमा लगेर प्रतिस्थापन गरिनेछ।

काठमाडौं लगेपछि गोरक्ष पात्रलाई माता दक्षिणकालीको दर्शन गराई पिरपाटीमै राखी झम्केश्वरी रथयात्राको दिन विधिपूर्वक गुरु गोरखनाथको मन्दिरमा पात्रलाई विराजमान गराइसकेपछि विधिवत रुपमा गोरक्ष पात्र देवता यात्रा समापन हुने परम्परा रहिआएको छ । 

शताब्दियौँदेखि चलिआएको यो परम्परामा राजा सहभागी हुने चलन रहेतापनि हाल त्यो चलन हटेको छ ।

हरेक वर्ष जनैपूर्णिमाका अवसरमा देशका विभिन्न भागबाट हजारौँ श्रद्धालुहरू गोसाइँकुण्ड पुग्ने गर्छन्। गुरु गोरखनाथको पात्र देवताको यो वार्षिक यात्रालाई गोसाइँकुण्ड मेलाको मुख्य धार्मिक आकर्षण र पवित्र परम्पराका रूपमा लिइन्छ।

परम्पराका अनुसार निम्न कार्य गरिने छ 

पशुपतिस्थित गोरखनाथ आश्रमबाट सुरु भएको यो यात्रा पात्रलाई गोसाइकुण्डतर्फ लैजाने परम्पराअनुसार अघि बढेको हो।

बासस्थान र मार्ग: पात्रलाई गोसाइकुण्ड लग्दा पहिलो रात धुन्चेमा बास बस्ने र त्यसपछि चन्दनबारी हुँदै गोसाइकुण्ड पुर्याउने कार्यतालिका हुन्छ।

दर्शन तथा समापन: गोसाइकुण्डमा स्नान र दर्शन गराएपछि सोही मार्ग हुँदै काठमाडौँ फर्काएर विधिपूर्वक यात्रा समापन गरिन्छ। [1, 2, 3]

रेडक्रस रसुवाका सभापति तामाङले दिए राजिनामा

रसुवा, चारदशकदेखि निरन्तर नेतृत्व गरेका नेपाल रेडक्रस सोसाइटी जिल्ला सभापति बाबुलाल तामाङले राजिनामा दिएका छन् । 

नेपाल रेडक्रस सोसाइटीको विधान २०२० (अठारौँ संशोधन २०७७) को धारा ’६६’ को ’ख’ (१) मा भएको वैधानिक व्यवस्था अनुसार जिल्ला कार्यसमिति समक्ष पेस भएको उक्त राजीनामा भदौ ८ गतेदेखि लागू हुने गरी स्वीकृत भएको रेडक्रस रसुवा जिल्ला शाखाले जनाएको छ ।

नेपाल रेडक्रस केन्द्रीय कार्यालयले १५ जिल्लालाइ स्पष्टिकरण सोधेर पत्राचार गरेपछि उनले राजिनामा दिएका हुन् । कार्यवाहक सभापतिको जिम्मेवारी पाएपछि देकीछोमो तामाङले आफ्नो पदीय दायित्व पूर्ण इमानदारीका साथ निभाउने प्रतिबद्धता व्यक्त गरिन् । 

शाखाका सभापति बाबुलाल तामाङले घरायसी तथा शारीरिक अस्वस्थताका कारण आफ्नो पदबाट राजीनामा दिनुभएपछि संस्थाको दैनिक कामकाज सञ्चालनका लागि उनलाई सो जिम्मेवारी दिइएको हो ।

रेडक्रस अभियानमा विगत ४१ वर्षदेखि निरन्तर र सक्रिय रूपमा क्रियाशील रहनुभएका निवर्तमान सभापति तामाङले पदमा रहेर काम गर्न असमर्थ रहेको उल्लेख गर्दै राजीनामा दिएको बताए ।  

जिल्लामा रेडक्रसको अभियानलाई अझ प्रभावकारी बनाउन, विपद् व्यवस्थापन र मानवीय सेवाका कार्यलाई चुस्त रूपमा अघि बढाउन कार्यसमितिका सम्पूर्ण पदाधिकारी, सदस्य र स्वयंसेवकहरूलाई एकजुट बनाएर लैजाने उनले कार्यवाहक सभापतिलाइ अनुरोध गरे । 

प्राथमिक उपचार, प्रजनन् स्वास्थ्य तथा महिनावारी स्वच्छता सम्बन्धि अभिमुखीकरण

 

रसुवा, धुन्चेस्थित रसुवा माध्यमिक विद्यालयमा शिक्षक तथा विद्यार्थीहरूका लागि एकदिने बेसिक लाईफ सपोर्ट (प्राथमिक उपचार, प्रजनन् स्वास्थ्य तथा महिनावारी स्वच्छता) सम्बन्धी अभिमुखीकरण कार्यक्रम सम्पन्न भएको छ ।

गोसाइँकुण्ड गाउँपालिका, स्वास्थ्य शाखा स्याफ्रुवेशी, रसुवाको आयोजनामा शुक्रबार उक्त कार्यक्रम सम्पन्न भएको हो। कार्यक्रमका लागि नेपाल मेडिक एण्ड माउन्टेनियर्स फाउन्डेसनुले प्राविधिक सहयोग पुर्‍याएको थियो।

कार्यक्रममा आपत्कालीन अवस्थामा अपनाउनुपर्ने प्राथमिक उपचारका विधिहरू बेसिक लाईफ सपोर्ट, प्रजनन् स्वास्थ्यका महत्त्वपूर्ण पक्षहरू र महिनावारी स्वच्छता व्यवस्थापनका विषयमा व्यावहारिक जानकारी गराइएको थियो। विद्यालय स्तरमै यस्ता संवेदनशील र जीवनोपयोगी विषयमा ज्ञान दिँदा शिक्षक तथा विद्यार्थी दुवै लाभान्वित हुने र यसले समूदाय स्तरमा समेत सकारात्मक सन्देश जाने जनाएको छ।

अभिमुखीकरणमा रसुवा माविका शिक्षक, शिक्षिका तथा विद्यार्थीहरूको उत्साहजनक सहभागिता रहेको थियो। 

तस्वीर: विमल घिमिरे 

असिनाले खायो ठूलाेस्याफ्रुकाे स्याउ

 

रसुवा, स्याउ ढकमक्क फुलेको समयमा असिना पानी परेपछि यसवर्ष स्याउ उत्पादन हुन सकेन। गोसाइँकुण्ड गाउँपालिका–५ का स्थानीय युवा सोनाम काल्साङ तामाङले ४ वर्षअघि २४६ रोपनी जग्गामा स्याउ खेती सुरु गरेका थिए।

उनले फुजी, गाला र गोल्डेन जातका १० हजार स्याउका बिरुवा रोपेका थिए। गतवर्ष ३० टन स्याउ बिक्री गरेका तामाङले यसवर्ष भने २ टन मात्र उत्पादन भएको बताए। फर्मबाटै प्रतिकिलो २५० रुपैयाँमा स्याउ बिक्री गर्दै आएको उनले जानकारी दिए।

तामाङ भन्छन्, जलवायु परिवर्तनको असर पनि हुन सक्छ, पानी पर्ने समयमा पानी पर्दैन र हिउँ पर्ने समयमा हिउँ पर्दैन। यहाँ हिउँ नपरेको ८ वर्ष भइसक्यो।

स्याउको फूलमा असिनाले हानेर सबै झारिदियो। पछि चिसो बढेपछि फुल्न बाँकी केही बोटमा फूल फुल्नै सकेन। यसले यसवर्ष स्याउ खेती गर्ने सबै किसानलाई निराश बनाएको छ।

ब्राबलकै अर्का युवा बुनिमा तामाङले ३ सय स्याउका बिरुवा रोपेर आम्दानी लिन थालेका छन्। उनले रोयल डेलिसियस, गोल्डेन र फुजी जातका स्याउको खेती गरेका छन्। यसवर्ष असिनाले क्षति पुर्‍याएपछि उत्पादन राम्रो भएन, तामाङले भने, लगानीको अभावले समस्या परेको छ, बैंकले कृषिमा सहुलियतपूर्ण ऋण दिए राहत मिल्ने थियो।

सदरमुकाम धुन्चे, भार्कु, ठूलो स्याफ्रु र ब्राबलमा परम्परागत स्याउ फस्टाउन नसकेपछि किसानहरू नयाँ जातका स्याउ रोप्न थालेका छन्। तर यसवर्ष असिनाका कारण उत्पादन हुन नसकेको किसानहरूको भनाइ छ।

लाङटाङ जिच कारखाना बन्दहुने अवस्थामा

 

रसुवा, नेपालकै जेठो र ऐतिहासिक पहिचान बोकेको रसुवाको चिज उद्योग दूध उत्पादन घटेपछि संकटमा परेको छ। सात दशकअघि स्थापना भएको रसुवाको चिज उत्पादन क्षेत्रमा पछिल्लो समय अनेकौं चुनौतीहरू थपिँदै छन्। 

दुग्ध विकास संस्थानअन्तर्गत रसुवाका पाँच उच्च हिमाली क्षेत्रहरू धुन्चे, चन्दनबारी, लाङटाङ, तातोपानी र गत्लाङमा यस वर्ष पनि वैशाखदेखि कात्तिक मसान्तसम्मका लागि चिज उत्पादन सुरु भइसकेको छ। 

पौष्टिक तथा औषधियुक्त घाँस पलाउने मौसम सुरु भएसँगै यी केन्द्रहरू पूर्ण क्षमतामा सञ्चालन भइरहेका छन्। हालसम्म पाँचवटै केन्द्रबाट १६ सय केजीभन्दा बढी चिज र एक हजार केजी मक्खन उत्पादन भइसकेको छ। उत्पादित चिज काठमाडौंस्थित लैनचौर केन्द्रीय भण्डारमा पठाउने तयारी भइरहेको छ। संस्थानले चिजको मूल्य प्रतिकेजी १ हजार ९ सय र बटर ९मक्खन० प्रतिकेजी १ हजार १ सय ५० निर्धारण गरेको छ। तर नेपालकै जेठो मानिने लाङटाङ चिज उत्पादन केन्द्र भने यस वर्ष विविध कारणले ढिलो गरी एक साताअघि मात्र सञ्चालनमा आएको छ। 

स्विस सरकारको सहयोगमा २००९ सालमा नेपालमै पहिलोपटक रसुवामा चिज उद्योगको स्थापना भएको थियो। २०१० सालमा क्यान्जिङ विमानस्थलमा चिज बोक्नका लागि हवाईजहाजसमेत आएको स्थानीय कर्म लामाले बताए। त्यसपछि स्थानीय बासिन्दाले चौंरीपालनलाई व्यावसायिक रूपमा अँगाल्दै आएका थिए। पछिल्ला वर्षहरूमा पर्यटन व्यवसायको विस्तारसँगै चौंरीपालक किसानहरू होटल तथा लज सञ्चालनतर्फ आकर्षित भएपछि चौंरीपालक कृषक अभावले चिज उद्योगहरूमा दूधको अभाव हुन थालेको हो। 

दिनहुँ युवा पुस्ता वैदेशिक रोजगारीतर्फ पलायन हुनु, पुराना चौंरीपालक किसानहरूको उमेर ढल्किँदै जानु, दूधको उत्पादन निरन्तर घट्दै जानुले केन्द्र सञ्चालन गर्न निकै मुस्किल परेको चन्दनबारी चिज उत्पादन केन्द्रका प्रमुख सुभाष राई बताउँछन्। चन्दनबारी तथा अन्य चिज केन्द्रहरू सीमित दूध संकलनकै भरमा सञ्चालन भइरहेका छन्। अर्कोतर्फ, दूध विकास संस्थानले पहिले किसानहरूलाई उपलब्ध गराउँदै आएको छाता, बाल्टिन र गमबुटजस्ता किसानलाई प्रेरित गर्ने सामग्रीमा कटौती गरेकोले पनि असर परेको किसानहरू बताउँछन्।

विनाशकारी भूकम्पका कारण यहाँ ६ सयभन्दा बढी चौंरी मरेपछि यहाँ चौंरीपालक कृषकहरू घटेका थिए। ‘विस्तारै बर्सेनि चौंरी पाल्ने घट्दै गएको घाँसका अभाव हुँदै गएकोले स्थानीय कृषक चौंरीपालन छाडेर होटल व्यवसायतर्फ लाग्न थालेका छन्। खर्क टाढा छ खर्कमा घाँस पनि अभाव हुने वर्षात्मा खर्कबाट दूध तार्न सकस हुन्छ,’ कृषक लाक्पा लामा बताउँछन्।

यहाँ उत्पादन हुने चिज र बटरलाई बजार अभाव हुने थिएन। यहाँ आउने स्वदेशी तथा विदेशी पर्यटकले मन पराउने हुनाले स्थानीय बजारमै सबै खपत हुन्थ्यो अब बन्द हुने अवस्थामा पुग्यो लामाले भने। 

चौंरीपालक किसानलाई राज्यले उचित राहत र प्रोत्साहन नदिए विश्वमै प्रसिद्ध लाङटाङ चिज इतिहासमा मात्र सीमित हुने जोखिम बढेको छ। लाङटाङमा बर्सेनि दूध उत्पादन घटेको छ। अहिले चौंरीपालक किसान दुई जना मात्र रहेका छन्। गत वर्ष पाँच जना थिए। यो क्रम अहिले घट्दो छ। स्थानीय चिज उत्पादन केन्द्रका प्रमुख ग्याल्बो लामाले भने— ‘भूकम्पअघि यहाँ ३३ जना किसानले झन्डै ३ सय ५० जति चौंरी पालेका थिए।’ लाङटाङमा दूध उत्पादन घटेपछि लामालाई अहिले दुग्ध विकास संस्थानले धुन्चेस्थित पाङले खर्क चिज उत्पादन केन्द्रमा पठाएको छ।

पूर्वाधार विकास, उपलब्धि, अभ्यास, चुनौती बारे छलफल

 

रसुवा, जिल्लाको पूर्वाधार विकास, यसका उपलब्धि, अभ्यास, चुनौती र आगामी सुधारका विषयमा छलफल कार्यक्रम धुन्चेमा सम्पन्न भयाे ।

जिल्ला विपत व्यवस्थापन सिमितकाे बैठक पछि रेडियो लाङटाङ ९०.३ मेगाहर्जको आयोजनामा जिल्लाको पूर्वाधार विकास, यसका उपलब्धि, अभ्यास, चुनौती र आगामी सुधारका विषयमा सरोकारवालाहरूबीच छलफल कार्यक्रम सम्पन्न भएको छ।

कार्यक्रमको मुख्य उद्देश्य जिल्लामा भइरहेको भौतिक र सामाजिक पूर्वाधार विकासको समीक्षा गर्दै भावी रणनीतिका बारेमा साझा धारणा बनाउनु रहेको आयोजकले बताएकाे छ । कार्यक्रममा जिल्लाका जनप्रतिनिधि, सरकारी निकायका प्रमुख तथा प्रतिनिधि, राजनीतिक दलका नेता, नागरिक समाज र सञ्चारकर्मीहरूको सहभागिता रहेको थियो ।

साे अवसरमा ५ वटै गाउँपालिकाबाट प्राविधिकहरू, डिभिजन सडक कार्यालय नुवाकोटका कार्यालय प्रमुख ईन्जिनियर बद्रीप्रसाद शर्मा ,गल्छी–त्रिशूली–मैलुङ–स्याफ्रुवेसी–रसुवागढी सडक योजना नुवाकोटका आयोजना प्रमुख इन्जिनियर कृष्णनाथ ओझाले प्रस्तुती गरेका थिए ।

भालुको खुट्टा जस्तो देखिने (आखेटोपहार) सहित दुई जना पक्राउ

रसुवा, गोसाइकुण्ड गाउँपालिका–६ धुन्चेमा भालुको जस्तो देखिने दुई वटा खुट्टा (आखेटोपहार) सहित प्रहरीले दुई जनालाई पक्राउ गरेको छ । 

जिल्ला प्रहरी कार्यालय रसुवाका प्रहरी नावय उपरीक्षक अशोक थापाका अनुसार गोसाईकुण्ड गाउँपालिका–६ धुन्चेस्थित पासाङल्हामु राजमार्ग सडकखण्डमा वन्यजन्तुको अवैध ओसारपसार भइरहेको विशेष सूचनाका आधारमा जाँच गर्दा उनीहरू पक्राउ परेका हुन् । पक्राउ पर्नेमा चालक आमाछोदिङ्मो–५ का २९ वर्षिय गोम्बो तामाङ र आमाछोदिङ्मो–३ का २४ वर्षिय तोप्देन तामाङ रहेका छन् । 

गत्लाङबाट त्रिशुलीतर्फ जाँदै गरेको प्र.३.०१ ००५ ख ९७८३ नम्बरको टिपरलाई जाँच गर्ने क्रममा गाडीको हाइड्रोलिक पाइपमुनि रातो डोरीले बाँधेर लुकाइराखिएको अवस्थामा उक्त वन्यजन्तुको खुट्टा फेला पारिएको प्रहरीले जनाएको छ ।

प्रहरीले बरामद गरिएको दुई वटा खुट्टा र टिपरसहित दुवै जनालाई आवश्यक कानूनी कारवाही तथा अनुसन्धानका लागि लाङटाङ राष्ट्रिय निकुञ्ज कार्यालयमा बुझाएको जनाएको छ ।

भोटेकोशी नदीमा हामफालेर एक जना बेपत्ता

रसुवा, गोसाइँकुण्ड गाउँपालिका–२ टिमुरेस्थित भन्सार यार्डको स्याउ पार्किङ क्षेत्रबाट भोटेकोशी नदीमा हामफालेर एक व्यक्ति बेपत्ता भएका छन् ।

बेपत्ता हुनेमा रसुवाकै कालिका गाउँपालिका–४ निवासी ४४ वर्षीय खेसम बहादुर तामाङ रहेका छन् । उनकाे आफूले बोकेको झोला नदी किनारमा राखेकाे भेटिएकाे छ ।

घटनाको खबर पाएलगत्तै सशस्त्र प्रहरी बल (BOP टिमुरे) बाट सशस्त्र प्रहरी निरीक्षक अम्बिर खत्रीको कमाण्डमा ७ जना, इलाका प्रहरी कार्यालय टिमुरेबाट प्रहरी निरीक्षक विक्रम कुँवरको कमाण्डमा ७ जना र नेपाली सेनाको श्रीनाथ गण घट्टेखोलाबाट उपसेनानी वीरेन्द्रकुमार चौधरीको कमाण्डमा १० जना गरी २४ जनाको संयुक्त सुरक्षा टोली उद्धारमा खटिएको छ।

संयुक्त सुरक्षा टोलीले भोटेकोशी नदी र तटीय आसपासका क्षेत्रमा बेपत्ता तामाङको खोजी कार्यलाई तीव्र बनाएको छ। घटनाको कारण भने खुल्न सकेको छैन र थप अनुसन्धान भइरहेको प्रहरीले जनाएको छ।  

त्रिशूली नदिमा इभी खस्यो, चालक बेपत्ता, उद्धार तथा खोजी कार्य तीव्र

 

रसुवा , गाेसाइकुण्ड गाउँपालिका ५ स्थित स्याफ्रुबेँसी नजिकै एउटा अनटेस्ट (On Test) विद्युतीय गाडी (EV) दुर्घटना भई खोलामा खसेको छ।

गाडी सहित चालक खोलामा खसेर बेपत्ता भएका छन्। दुर्घटनाको पूर्ण र थप विवरण आउन अझै बाँकी रहेको छ। चालक कालिका -३ निवासी सविन तामाङ रहेकाे र गाडी तथा चालककाे खाेजी सुरू भएकाे छ ।

हाल घटनास्थलमा उद्धार तथा खोजी कार्यलाई तीव्र पारिएको छ। बेपत्ता गाडी र चालकको खोजीका लागि नेपाली सेना, नेपाल प्रहरी र सशस्त्र प्रहरी बलको संयुक्त टोली खटिएको प्रमुख जिल्ला अधिकारी नरेन्द्र परियारले बताए ।

विपद् व्यवस्थापन सामग्री हस्तान्तरण

रसुवा, गोसाँईकुण्ड गाउँपालिकाले विपद् व्यवस्थापन तथा उद्धार कार्यलाई थप प्रभावकारी बनाउने उद्देश्यका साथ आज आवश्यक सामग्री हस्तान्तरण गरेको छ।

गाउँपालिकाले इलाका प्रहरी कार्यालय टिमुरे र सशस्त्र प्रहरी बल नेपाल (BOP) टिमुरेलाई विपद्का बेला प्रयोग हुने विभिन्न उद्धार सामग्रीहरू उपलब्ध गराएको हो।

वर्षायामको सुरुवातमै गरिएको यस सहयोगले गाउँपालिका क्षेत्र भित्र आइपर्ने प्राकृतिक विपद् जन्य घटना तथा आपत्कालीन अवस्थामा छिटो, छरितो र प्रभावकारी रूपमा उद्धार एवं राहत कार्य सञ्चालन गर्न ठूलो टेवा पुग्ने विश्वास लिइएको गोसाँईकुण्ड गाउँपालिकाले जनाएकाे छ।

जिल्ला समन्वय समितिको समीक्षा कार्यक्रम सुरू

रसुवा, जिल्ला समन्वय समिति रसुवाको आयोजनामा आर्थिक वर्ष २०८२/८३ को हालसम्मको प्रगति समीक्षा एवं आगामी आर्थिक वर्षको कार्यक्रम सम्बन्धमा समीक्षा कार्यक्रम सुरूभएकाे छ ।

असार १७ र १८ गते संचालन हुने उक्त दुई दिने कार्यक्रममा जिल्ला भित्रका स्थानीय तहहरू लगायत सरकारी कार्यालय विभिन्न संध संस्थाले चालु आर्थिक वर्षमा गरेका विकास निर्माण, बजेट कार्यान्वयन र सेवा प्रवाहको प्रगति विवरण प्रस्तुत गरेका छन ।

कार्यक्रममा आगामी आर्थिक वर्षका नीति, कार्यक्रम तथा बजेटलाई थप प्रभावकारी र जनमुखी बनाउने विषयमा विस्तृत छलफल भएको छ। जिल्ला समन्वय समितिका पदाधिकारीहरू, स्थानीय तहका जनप्रतिनिधिहरू र सरोकारवालाहरूको उपस्थिति रहेको उक्त कार्यक्रममा विकास निर्माणका कार्यलाई थप व्यवस्थित र पारदर्शी बनाउने प्रतिबद्धता समेत जनाइएको छ।

मानवअधिकार संरक्षण सम्बन्धी अन्तरक्रिया तथा सचेतमूलक कार्यक्रम सम्पन्न

 

रसुवा,रसुवाको धुन्चेमा मानवअधिकार संरक्षण सम्बन्धी एक दिवसीय अन्तरक्रिया तथा सचेतमूलक कार्यक्रम सम्पन्न भएको छ। 

जिल्ला समन्वय समितिको कार्यालय, धुन्चेमा आयोजित उक्त कार्यक्रममा स्थानीय जनप्रतिनिधि, सरकारी अधिकारी र सुरक्षा निकायका प्रतिनिधिहरूको सहभागिता रहेको थियो।

बागमती प्रदेशको आन्तरिक मामिला तथा कानून मन्त्रालयको आयोजनामा उक्त कार्यक्रम संचालन गरिएको हो।  असार १८ गते  आयोजित यस कार्यक्रममा समाजमा मानव अधिकारको रक्षा, कानुनी साक्षरता र नागरिक सचेतना अभिवृद्धि गर्ने विषयमा व्यापक छलफल भएको थियो।

कार्यक्रमका वक्ताहरूले ग्रामीण क्षेत्रमा मानव अधिकारको अवस्था र यसको संरक्षणका लागि सरकारी तथा गैरसरकारी निकायहरूबीचको समन्वयमा जोड दिएका थिए। सो अवसरमा सुरक्षा निकायका प्रतिनिधिहरूले कानुनी उपचारका प्रक्रिया र सुरक्षा सचेतनाका बारेमा जानकारी गराएका थिए।

एक विद्यालय, एक ल्यापटपू कार्यक्रम सुरु

 

रसुवा, गोसाईकुण्ड गाउँपालिकाले सूचना प्रविधिको विकास र डिजिटल सिकाईलाई प्रवर्द्धन गर्ने उद्देश्यका साथ एक विद्यालय, एक ल्यापटपू कार्यक्रम सुरु गरेको छ।

 आर्थिक वर्ष २०८२/८३ को वार्षिक स्वीकृत कार्यक्रम अन्तर्गत आज मिति २०८३ साल असार १९ गते गाउँपालिकाले पहिलो चरणमा पाइलटिङ (परीक्षण) को रूपमा पालिकाभित्रका धेरै विद्यार्थी संख्या भएका ५ वटा विद्यालयलाई निःशुल्क ल्यापटप वितरण गरेको हो।

गाउँपालिकाका अध्यक्ष कैसाङनुर्पु तामाङ, उपाध्यक्ष प्रतिमा तामाङ र प्रमुख प्रशासकीय अधिकृत सुरेश भट्टराईको विशेष उपस्थितिमा आयोजित एक कार्यक्रमका बीच विद्यालयका प्रतिनिधिहरूलाई ल्यापटप हस्तान्तरण गरिएको हो।

गोसाइँकुण्ड गाउँपालिका अन्तरगत रहेको विद्यालयहरु कोमिन श्यामेवाङफेल माध्यमिक विद्यालय स्याफ्रुवेशी ,रसुवा माध्यमिक विद्यालय धुन्चे, सरस्वती आधारभूत विद्यालय, भीमसेन आधारभूत विद्यालय र नेपाल राष्ट्रिय आधारभूत विद्यालय, टिमुरे लगायत पाँच विद्यालयलाइ ल्यापटप वितरण गरिएको थियो । 

कार्यक्रममा बोल्दै गाउँपालिकाका अध्यक्ष कैसाङ नुर्पु तामाङले आधुनिक शिक्षामा प्रविधिको भूमिका महत्त्वपूर्ण रहेको र यो कार्यक्रमले विद्यालयहरूको प्रशासनिक एवं शैक्षिक गतिविधिमा टेवा पुग्ने विश्वास व्यक्त गरे । 

त्यस्तै, उपाध्यक्ष प्रतिमा तामाङ र प्रमुख प्रशासकीय अधिकृत सुरेश भट्टराईले आगामी दिनमा यस कार्यक्रमको प्रभावकारिता हेरेर अन्य विद्यालयहरूमा पनि बिस्तार गर्दै लैजाने योजना रहेको जानकारी दिए । 

वितरण कार्यक्रममा गाउँपालिकाका जनप्रतिनिधि, कर्मचारी, विभिन्न विद्यालयका प्रधानाध्यापक तथा शिक्षकहरूको उपस्थिति रहेको थियो। प्रविधिको युगमा गाउँपालिकाले चालेको यस कदमलाई स्थानीयस्तरमा सकारात्मक रूपमा हेरिएको छ।

स्याफ्रुबेसीमा ११ पिन्ट रगत सङ्कलन

 

रसुवा, गोसाईँकुण्ड गाउँपालिकाको आयोजनामा शुक्रबार  खुला रक्तदान कार्यक्रम सम्पन्न भएको छ।  उक्त कार्यक्रममा ११ पिन्ट रगत सङ्कलन भएको हाे ।  

पहिलाे रक्तदाता गाेसाइकुण्ड गाउँपालिका -५ का युवा  दावा तामाङलाइ नेपाल स्यंसेवी रक्तदाता समाजका केन्द्रीय अध्यक्ष तथा नेपाल रेडक्रस साेसाइटीका केन्द्रीय काेषाध्यक्ष प्रेम सागर कर्माचार्य र गाेसाइकुण्ड गाउँपालिका अध्यक्ष कैसाङनुर्पु तामाङले ब्लड ब्याग हस्तान्तरण गरी रक्तदानकाे शुभारम्भ गरे । 

गम्भीर बिरामीहरूको ज्यान बचाउन र रगतको अभावलाई कम गर्ने उद्देश्यका साथ आयोजना गरिएको यस कार्यक्रममा स्थानीय युवा, जनप्रतिनिधि तथा सर्वसाधारणको उत्साहजनक सहभागिता रहेको थियो।

गाउँपालिकाको  आयोजनामा भएको यस मानवीय कार्यलाई सफल पार्न नेपाल स्वयंसेवी रक्तदाता समाज रसुवा र कालिका हिमालय एस एल सी २०५६ ब्याचले समन्वय गरेका थिए। त्यसैगरी, कार्यक्रमको सञ्चार तथा प्रचारप्रसारका लागि रेडियो रसुवा १०२.१ मेगाहर्जले मिडिया पार्टनरको रूपमा भूमिका खेलेको थियो।

कार्यक्रमका आयोजक तथा अभियन्ताहरूले रक्तदान जस्तो पवित्र र मानवीय कार्यमा उपस्थित भई रक्तदान गर्ने सम्पूर्ण रक्तदाताहरू, समन्वयकारी संस्थाहरू, प्राविधिक टोली तथा प्रत्यक्ष(परोक्ष रूपमा सहयोग पुर्‍याउने सम्पूर्ण सहयोगी मनहरू प्रति हार्दिक आभार तथा धन्यवाद व्यक्त गरेका छन्।

यस अघि प्रचारप्रसारका लागि सामाजिक सञ्जालमा रक्तदान सम्बन्धी सचेतनामूलक सामग्री प्रशारण गरिएको थियोे ।कार्यक्रममा १८वर्ष  देखि ६५ वर्ष उमेर समूहका स्वस्थ नागरिकहरूलाई रक्तदानका लागि आह्वान गरिएको थियो।

 रक्तदान, जीवनदानू भन्ने मूल नारालाई सार्थक तुल्याउँदै  आयोजना गरिएको यस कार्यक्रमले दुर्गम भेगमा समेत रक्तदान सम्बन्धि सकारात्मक चेतना फैलाउन ठुलो मद्दत पुर्‍याएको विश्वास लिइएको छ।

गोसाइँकुण्ड गाउँपालिका पूर्ण खोप सुनिश्चितता तथा दिगोपना पालिका घोषणा

रसुवा, गोसाइँकुण्ड गाउँपालिकालाई एक विशेष कार्यक्रमका बीच पूर्ण खोप सुनिश्चितता तथा दिगोपना पालिका घोषणा गरिएको छ। गाउँपालिकाको स्वास्थ्य शाखाको आयोजनामा ०८३ साल असार १२ गते स्याफ्रुबेशीमा आयोजित एक औपचारिक घोषणा कार्यक्रमका बीच यो महत्त्वपूर्ण उपलब्धि सार्वजनिक गरिएको हो।

खोपको दिगोपनामा जोड गाउँपालिका क्षेत्रभित्रका तोकिएका उमेर समूहका सबै बालबालिकाहरूले राष्ट्रिय तालिका अनुसारका सम्पूर्ण खोपहरू पूर्ण रूपमा पाएको सुनिश्चित भएपछि यो घोषणा गरिएको स्वास्थ्य शाखाले जनाएको छ।

कार्यक्रममा बोल्दै सरोकारवालाहरूले खोपको सुनिश्चितता मात्र नभई यसको निरन्तरता र दिगोपना ९क्गकतबष्लबदष्ष्तिथ० लाई कायम राख्नु मुख्य चुनौती र दायित्व रहेको कुरामा जोड दिए। निस्शुल्क सेवा र सचेतना खोप निस्शुल्क पाइन्छू र खोप जीवन रक्षा गर्छू भन्ने मूल नाराका साथ स्वास्थ्य शाखले स्थानीयस्तरमा खोप सम्बन्धि व्यापक जनचेतना फैलाउँदै आएको छ।

पालिकालाई पूर्ण खोपयुक्त बनाउन अहोरात्र खटिने महिला स्वास्थ्य स्वयंसेविका, स्वास्थ्यकर्मी, स्थानीय जनप्रतिनिधि र अभिभावकहरूलाई कार्यक्रममा धन्यवाद ज्ञापन गरिएको थियो। 

यो ऐतिहासिक घोषणासँगै गोसाइँकुण्ड गाउँपालिकाले स्वास्थ्यको क्षेत्रमा नयाँ कोसेढुङ्गा पार गरेको छ र आगामी दिनमा पनि स्वास्थ्य सेवालाई अझ प्रभावकारी बनाउने प्रतिबद्धता व्यक्त गरेको छ।

आयोजना प्रभावितका लागि कुक तालिम

 

रसुवा, जिल्लाको गोसाइँकुण्ड गाउँपालिका वडा नं ६, धुन्चेमा आयोजना प्रभावित स्थानीय समुदायको जीविकोपार्जन उत्थानका लागि ुकुक तालिमु सञ्चालन गरिएको छ।

नेपाल वाटर एण्ड इनर्जी डेभलपमेन्ट कम्पनी ९ल्ध्भ्म्ऋ० र गोसाइँकुण्ड गाउँपालिका वडा नं। ६ को संयुक्त पहलमा यो तालिम सुरु भएको हो। आयोजना निर्माणका क्रममा प्रत्यक्ष वा अप्रत्यक्ष रूपमा प्रभावित भएका स्थानीय बासिन्दाहरूलाई लक्षित गरी उनीहरूको आर्थिक अवस्था सुदृढ बनाउने र स्थानीयस्तरमै रोजगारी तथा स्वरोजगारीका अवसरहरू सिर्जना गर्ने उद्देश्यले तालिमको आयोजना गरिएको हो ।

पर्यटकीय क्षेत्र गोसाइँकुण्ड पदमार्गको मुख्य केन्द्र विन्दु मानिने धुन्चेमा होटल तथा पर्यटन व्यवसायको प्रचुर सम्भावना रहेकाले यस कुक तालिमले स्थानीय युवा तथा महिलाहरूलाई व्यावसायिक रूपमा अगाडि बढ्न ठूलो मद्दत पुग्ने विश्वास लिइएको छ। तालिमको प्राविधिक तथा व्यावहारिक प्रशिक्षण काठमाडौँ रहेको ुबि। एम। टि। सि। प्रा। लि।ु ले गरिरहेको छ।

स्रोत नखुलेको साढे १९ लाख रकम सहित गुरूङ पक्राउ

 

रसुवा, रसुवाको स्याफ्रुबाट काठमाडौं जाँदै गरेका एक व्यक्तिसँग स्राेत नखुलेकाे साढे १९ लाख रकम सहित पक्राउ परेका छन्।

पक्राउ पर्नेमा रसुवाको गोसाइँकुण्ड गाउँपालिका -३ का ३५ वर्षीय मिङमार छिरिङ गुरुङ रहेका छन्। 

जिल्ला प्रहरी कार्यालयका अनुसार गोसाइँकुण्ड गाउँपालिका-६ धुन्चे बजारमा अस्थायी प्रहरी पोष्ट धुन्चे रसुवाबाट खटिएको प्रहरी टोलीले उनलाई पक्राउ गरेको हो।
स्याफ्रुबाट काठमाडौं जाँदै गरेको ना १ ज ४८०७ नम्बरको भाडाको सुमो गाडीमा उनले बोकेको ब्यागमा १००० दरको नोट १८४५, ५०० दरको नोट २१३ थान र १०० दरको नोट ६ थान गरी १९ लाख ५२ हजार १०० रुपैयाँ फेला परेको सूचना अधिकारी एवं प्रहरी निरीक्षक राजु शाहले बताए।
रसुवा जिल्ला अदालतबाट ७ दिनको म्याद थप अनुमति लिई थप अनुसन्धान कार्य भैरहेको प्रहरीले जनाएको छ।

उज्यालो नेपाल पार्टीको प्रथम जिल्ला भेला सम्पन्न

 

रसुवा, उज्यालो नेपाल पार्टीका केन्द्रीय अध्यक्ष कुलमान घिसिङकाे उपस्थितीमा उज्यालो नेपाल पार्टीको प्रथम जिल्ला भेला सम्पन्न भयाे । भेलाले टेकबहादुर तामाङकाे अध्यक्षतामा नयाँ नेतृत्व चयन गरेको छ।

सदरमुकाम धुन्चेमा आयोजित भेलाबाट उपाध्यक्षमा उर्केनछोमो तामाङ, सचिवमा पाराङवा स्याङवा तामाङ र म्हेन्दो तामाङ तथा कोषाध्यक्षमा श्याममाया तामाङ चयन भएका छन्।

त्यस्तै सदस्यहरूमा गोपाल ग्लान, छोवाङ सोनाम वाइबा, किप्पाछिरिङ तामाङ, पासाङ तामाङ, लामादोर्जे तामाङ, सुकबहादुर लोप्चन, हर्कबहादुर लोप्चन, करिना थिङ, ल्हाचेन तामाङ, तुलुकर्मा लोप्चन, सञ्जय तितुङ, सेरछोवाङ लामा र अर्जुन तामाङ रहेका छन्।

यसैगरी उज्यालो नेपाल फ्रन्ट नेपाल, रसुवा जिल्ला समितिको अध्यक्षमा तेन्जिङ तामाङ र उपाध्यक्षमा रामकुमार थिङ चयन भएका छन्। अन्य पदहरू उपाध्यक्ष, सचिव र कोषाध्यक्ष पछि पूर्ति गरिने जनाइएको छ। सहसचिवमा अभिषेश तामाङ चयन हुँदा सदस्यहरूमा राजकुमार तामाङ, विशाल तामाङ, रिसिवादि, सोमबहादुर तामाङ र विरलाल तामाङ रहेका छन्।

कार्यक्रममा उज्यालो नेपाल पार्टीका केन्द्रीय अध्यक्ष कुलमान घिसिङ सहभागी भई भेला सफल बनाएको बताइएको छ। उनले कार्यक्रममा सम्बोधन गर्दै नवनिर्वाचित पदाधिकारीहरूलाई खादा लगाएर स्वागत गरेका थिए।

गुमेको दृष्टि फर्किएपछि ५२ जना खुसी

 

रसवा, दृष्टि गुमाएका ५२ जनाले कालिकास्थानमा भएको आँखा सिविरमा भएको शल्यक्रियाबाट दृष्टि र्फिएपछि खुसी भएका छन् ।

तीलगंगा आँखा प्रतिष्ठान, तिलगंगा सामुदायिक आँखा केन्द्र र नेपाल रेडक्रस सोसाइटी रसुवाको संयुक्त आयोजना सञ्चालित विशेष शल्यक्रिया शिविरमार्फत जिल्लाका ५२  जना बिरामीको सफलतापूर्वक दृष्टि फर्काइएको हो ।

मोतियाबिन्दु र आँखामा मासु पलाउने जस्ता आँखाका समस्याका कारण दृष्टि गुमाएका व्यक्तिहरूलाई लक्षित गरी आँखा शिविर आयोजा गरिएको नेपाल रेडक्रस सोसाइटी रसुवाका सभापति बाबुलाल तामाङले बताए । मोतियाबिन्दुका कारण १८ वर्षदेखि आफुले नदेखेको सिविरमा अप्रेसन आँखा देखेपछि निकै खुसी लागेको कालिका गाउँपालिका–३ का कृष्ण बहादुर बिश्वकर्माले बताए ।

शिविरमा तिलगंगाका विशेषज्ञ नेत्ररोग डा.इन्दिरा पौडेल नेतृत्वको टोली र स्थानीय प्राविधिकहरूको सक्रियतामा ५२ जनाको मोतियाबिन्दु, ४ जनाको दुवै आँखामा मोतियाबिन्दु भएको बिरामीको सफल शल्यक्रिया गरिएको सामुदायिक आँखा केन्द्र रसुवाको प्रमुख उर्मिला तामाङले जानकारी दिइन् ।

जिल्लाका विभिन्न ७ स्थानमा सञ्चालित आँखा परीक्षण शिविरमा सहभागी भएका ७ सय ९५ जना मध्येबाट ५२ जनालाई शल्यक्रियाका लागि छनोट गरेर सो शिविरमा सहभागी गराएर आँखा अप्रेसन गरी दृष्टि फर्किएको प्रमुख तामाङले जानकारी दिइन् ।

स्थानीय तहको असल अभ्यास तथा सिकाई सम्बन्धी अनुभव आदान प्रदान

 

रसुवा, स्थानीय तहको असल अभ्यास तथा सिकाई सम्बन्धी अनुभव आदान प्रदान कार्यक्रम गरिएको छ । आईतवार जिल्ला समन्वय समिति रसुवाद्धारा आयोजित कार्यक्रममा जिल्लामा रहेका पाँच गाउँपालिकाको असल अभ्यास तथा सिकाई सम्बन्धी अनुभव आदान प्रदान गरिएको हो ।

संविधान सभा सदस्य छोवाङ तेन्जीन तामाङले कार्यक्रमको उद्धघाटन गर्नुहुँदै विशेष गरी स्थानीय तहले गरेका विविध क्षेत्रका काम र असल अभ्यास तथा सिकाईले जिल्लाको गतिविधिहरुमा जानकारी लिने मौका पाएको र थप जनतालाई प्रत्यक्ष र फाईदा पुग्ने कार्यक्रम गर्न स्थानीय तहका जनप्रतिनिधि र प्रमुख प्रशासकीय अधिकृतहरुलाई अनुरोध गरे ।  

संघीयताको मर्मअनुसार स्थानीय तहहरूले नागरिकसँग नजिक रहेर प्रभावकारी सेवा प्रवाह गर्न जरुरी रहेको भन्दै उहाँले असल अभ्यासहरूको साझा प्रयासले समग्र जिल्लाको विकासमा मद्दत पुग्ने बताउनुभयो । तीनै तहका सरकारबीच समन्वयको आवश्यकता छ । योजना निर्माण, श्रोत व्यवस्थापन, जनशक्तिको क्षमता अभिवृद्धि र व्यवस्थापनका विषयमा संघ र प्रदेश सरकारले विशेष ध्यान दिनुपर्ने, उनले बताए । 

यस्तै जिल्ला समन्वय समिति रसुवाका प्रमुख अशोक कुमार घिमिरेले कार्यक्रममा बोल्दै विशेषगरी स्थानीय तहले गरेका विविध काम र असल अभ्यास तथा सिकाईले जुन अनुकरणीय होस् जसलाई आदानप्रदान गर्न सकियोस् भन्ने मुख्य उदेश्य रहेको बताए । स्थानीय तहको असल अभ्यास सम्बन्धी अनुभव आदान प्रदान कार्यक्रमले एक अर्का स्थानीय तहबाट सिक्ने अवसर सिर्जना गर्नुका साथै सेवा प्रवाहलाई प्रभावकारी, उत्तरदायी र नागरिकमुखी बनाउन सहयोग प्रदान गर्ने उनले जोड् दिए । 

जिल्ला समन्वय समितिका प्रमुख घिमिरेले स्थानीय तहको ‘असल अभ्यास तथा सिकाई सम्बन्धी अनुभव आदान प्रदान कार्यक्रमले आगामी दिनमा नयाँ असल काम गर्न प्रेरित गर्ने बताए । सुशासनसँग सम्बन्धित विभिन्न विषयगत क्षेत्रहरूमा स्थानीय तहहरूबाट अनुभवको आदानप्रदान हुने यस अन्तक्रिया कार्यक्रमबाट स्थानीय तहको सेवा प्रवाह सुधारका हुने विश्वास लिइएको उनले बताए ।  

कार्यक्रममा सहभागी यस जिल्लाका स्थानीय तहका प्रमुख प्रशासकीय अधिकृत तथा प्रतिनिधिहरुले पालिकामा भए गरेका विविध कामहरु मध्येको एक उत्कृष्ट कार्यक्रमको असुल अभ्यासको बारेमा जानकारी गराए । 

यस जिल्लाको आमाछोदिङमो गाउँपालिकाले प्राङगारिक खेती प्रवद्र्धन कार्यक्रम अन्तरगत गाउँपालिका भर भएका रैथाने बाली, खाद्यन्न र पशुपालन सम्बन्धी गाउँपालिकाले कृषि बजारीकरण जस्तो महत्त्वपूर्ण अनुकरणीय अभ्यास गरेको गाउँपालिकाका निमित्त प्रमुख प्रशाासकीय अधिकृत ऋषिकेश अधिकारीले जानकारी दिए । यस्तै अर्को कालिका गाउँपालिकाले ब्यवसायीमा आधारित खेती प्रवद्र्धन कार्यक्रम अन्तरगत पािलका भर भएका बाली, खाद्यन्न र पशुपालन सम्बन्धी गाउँपालिकाले कृषि बजारीकरण जस्तो महत्त्वपूर्ण अनुकरणीय अभ्यास गरेको पालिकाका प्रमुख प्रशाासकीय अधिकृत धर्मराज न्यौपानेले जानकारी दबताए । 

त्यस्तै, उत्तरगया गाउँपालिकाले समुहमा आधारित “उत्तरगया कृषि तथा पशु उद्यमशीलता विकास परियोजना” कार्यक्रम गरिएको असल अभ्यासको गाउपालिकाका प्रमुख प्रशाासकीय अधिकृत होमनाथ दाहालले जानकारी दिए । साथै नौकुण्ड गाउँपालिकाका साहयक स्तर पाचौ कृषि प्राविधिक केशब प्रसाद बजगाँईले आफ्नो गाउँपालिकाले कफी खेती प्रवद्र्धन कार्यक्रम अन्तरर्ग पकेट क्षेत्र नै घोषणा गरी १० टन कफी उत्पादन गरी सकेको सुनाए ।  

यस्तै गोसाईकुण्ड गाउँपालिकाले भने अन्य गाउँपालिकोका तुलनामा अलि फरक जनतालाई सेवा प्रभाह गरेको अभ्यास प्रस्तुत गरेका थियो । गोसाईकुण्ड गाउँपालिकाले यो पालिका अन्य पालिका भन्दा चिसो भएकोले बृद्ध बद्धा, दिर्घारोगी र असक्तहरुलाई स्वस्थ्य परिक्षण तथा निमोनिय खोप प्रदान कार्यक्रम गरिएको पालिकाका प्रमुख प्रशाासकीय अधिकृत सुरेश भट्टराईले जानकारी दिए । 

कार्यक्रममा प्रदेश सभा सदस्य इन्द्रप्रसाद गोतमे जगतजंग, उत्तरगया गाउँपालिका अध्यक्ष माधब अर्याल , गोसाईकुण्ड गाउँपालिका अध्यक्ष कैसाङनुर्पू तामाङ, जिल्ला प्रशासन कार्यालय, रसुवाका सहायक प्रमुख जिल्ला अधिकारी द्रुव प्रसाद अधिकारी, पालिका उपप्रमुखहरु र विभिन्न कार्यालय प्रमुख, सञ्चारकर्मीहरु कार्यक्रममा सहभागी थिए । सो कार्यक्रमको सहजीकरण जिल्ला समन्वय अधिकारी राजेन्द्र प्रसाद आचार्यले गरेका थिए  ।