रसुवा, 

प्रमुख अतिथि जिल्ला समन्वय समिति रसुवामा प्रमुख अशाेक कुमार घिमिरेले पहिलाे रक्तदाता उत्तरगया गाउँपालिका अध्यक्ष माधब प्रसाद अर्याललाइ ब्लड ब्याग हस्तान्तरण गरेर कार्यक्रमकाे उद्घाटन भयाे । 

उत्तरगया गाउँपालिका अध्यक्ष माधब प्रसाद अर्यालकाे अध्यक्षतामा भएकाे कार्यक्रममा नेपाल स्वयंसेवी रक्तदाता समाज रसुवा शाखाका अध्यक्ष रामशरण गजुरेल , कालिका हिमालय एसएलसी २०५६ ब्याचका अध्यक्ष रामप्रसाद ढकाल, मिडिया पार्टनर रेडियाे लाङटाङका गीता न्याैपाने, उत्तरगया गाउँपािलका ५ का वडाअध्यक्ष यमनाथ आचार्य, उपाध्यक्ष चमेली गुरूङ नेपाल रेडक्रस साेसाइटी रसुवा शाखाका सभापति बाबुलाल तामाङलगायत सहभागि थिए । 

साे अवसरमा जनस्वास्थ्य कार्यालयले रक्तदाता सम्मान कार्यक्रम गरेकाे छ । जनस्वास्थ्य प्रमुख झम प्रसाद आचार्यले मानव जीवनमा  महत्वपूर्ण काम रक्तदान भएकाेले रक्तदान गर्ने ८२ जना रक्तदाताहरूलाइ सम्मान गरिएकाे बताए । कार्यक्रममा स्वास्थ्यकर्मी, समाजसेवी, स्थानीयकाे उत्साहजनक सहभागिता रहेकाे थियाे । 

रसुवा, नेपाली सेनाको श्रीनाथ गण वाब्रल धुन्चेको समन्वयमा  उत्तरगया गाउँपालिका-  ४ स्थित पैरेवेसीमा  विपद् व्यवस्थापन तथा उद्धार सम्बन्धी नमुना अभ्यास तथा प्रदर्शन  शुक्रवार सम्पन्न गरेको छ । 

मनसुन नजिकिँदै जाँदा नेपाली सेनाले विपद्का बेला गरिने उद्धार तथा क्षती न्यूनीकरण सम्बन्धी नमुना अभ्यास सरोकारवाला र स्थानीय माँझ “अभ्यास मनसुन ५” प्रस्तुत गरेको हो ।

प्राकृतिक प्रकोपको दृष्टिकोणले संवेदनशील जिल्ला रहेकोले यस वर्ष मनसुनको समयमा बाढी, पहिरो, र डुबानका कारण ठूलो जनधनको क्षति न्यूनिकरणको लागि पूर्व तयारी, तालिम, समन्वय, अभ्यास पूर्वतयारी, समन्वय, र साझा कार्ययोजना बनाई अगाडी बढनको लागि यो नमुना अभ्यासले भूमिका खेल्ने कार्यक्रमका प्रमुख अतिथि नेपाली सेनकाे ६ नं बाहिनीपति सहायक रथी सुवास जङ थापाले बताए । 

गाउँ बस्तीहरुमा सुरक्षाको पहुँच प्रभाबकारी नहुने हुदा उक्त स्थानहरुमा नजिकका बासिन्दाहरु भुमिका र जिम्मेवारी अग्रसरता बिना जुनसुकै विपद् व्यवस्थापनको प्रभावकारीता सम्भव नहुने हुदा उत्तरगया गाउपालिकाको संमन्वयमा नमूना अभ्यास भएको गाउँ पालिका अध्यक्ष माधव अर्यालले बताए । 

विपद् पूर्व तयारी तथा प्रतिकार्यका लागि तालिम प्राप्त दक्ष जनशक्तिले बाढीको विपद्का बेला गरिने उद्धारको कृत्रिम अभ्यास गरेका हुन् । उक्त प्रदर्शनमा बाढीको प्रकोपको बेला हुने गरेको क्षति न्यूनीकरण गर्न अपनाउनुपर्ने तत्कालीन उपायहरूबारे प्रदर्शन मार्फत सहभागीलाई जानकारी गराइएको थियो ।

रसुवा, नेपाल सङ्गीत तथा नाट्य प्रज्ञा–प्रतिष्ठान, नाट्य विभागद्वारा ‘विद्यालयसँग प्रतिष्ठान ः जनचेतनाका लागि नाट्य अभियान’ भन्ने मूल नारा सहित मिति २०८२ जेठ १४ गते बुधबार रसुवा जिल्ला कालिका गाउँपालिका - १ राम्चेस्थित श्री सेतिभूमे माविमा एक दिने अभिनय कार्यशाला आयोजना गरियो ।

नाट्य विधामा अभिरुचि राख्ने विद्यार्थीलाई अभिनयबारे आधारभूत ज्ञान र सीप सिकाउने उद्देश्यले आयोजित कार्यशालामा २५ जना विद्यार्थीले सहभागिता जनाएका थिए । विभिन्न तहमा अध्ययनरत विद्यार्थीमध्येबाट नाट्य विधामा रुचि राख्नेलाई कार्यशालाका लागि छनोट भएका थिए । 

कार्यशालामा प्राज्ञ पुरु लम्साल र रङ्गकर्मी दिवाकर घिमिरेले नाट्य अभिनयका आधारभूत सिद्धान्त, ध्वनि, रस र संवादबारे प्रयोगात्मक प्रशिक्षण दिए । 

कार्यशालाका प्रमुख अतिथि नेपाल सङ्गीत तथा नाट्य प्रज्ञा(प्रतिष्ठान, नाट्य विभाग प्रमुख प्राज्ञ हिसनबहादुर मगरले नाट्य र सङ्गीत विधा सिकाउन सरकारबाट विद्यालयमा विधागत शिक्षक व्यवस्था गराउन, त्यसअनुरुपको पाठ्यक्रम निर्माण गर्न र मौलिक नेपाली नाट्य सिद्धान्त विकास गर्न नेपाल सङ्गीत तथा नाट्य प्रज्ञा(प्रतिष्ठानको नाट्य विभागले अग्रसरता लिइरहेको बताए ।  

नाट्यकलाले फरक–फरक स्थान र समयका मानिसका संस्कृतिलाई चिनाउने भएकाले नेपाली कला र रैथाने संस्कृतिको जगेर्ना गर्न विद्यालय तहमा यस्ता अभियान आवश्यक रहेको बताए । 

कार्यशाला समापनका अवसरमा श्री सेतिभूमे माध्यमिक विद्यालयका प्रधानाध्यापक शीला मगरले कुृनै औचारिक प्रशिक्षण बिनै पनि नाटक मञ्चन गरिसकेका सेतीमूमिका विद्यार्थी र शिक्षकवर्ग प्रशिक्षणबाट धेरै उत्साहित भएको अनुभव बताइन् ।  

कार्यशालामा प्रशिक्षित विद्यार्थीलाई नाट्य विधामा थप अघि बढ्नलाई विद्यालयबाट निरन्तर सहजीकरण गर्ने प्रतिबद्धता जनाउनु हुँदै प्रधानाध्यापक मगरले कार्यशाला सञ्चालन गर्न आफ्नो विद्यालयलाई चयन गरेकोमा प्रज्ञा–प्रतिष्ठानप्रति आभार प्रकट गरे । 

प्रमुख प्रशिक्षक प्राज्ञ पुरु लम्सालले एक दिने अभिनय कार्यशाला अभिनय विधामा लाग्न इच्छुक विद्यार्थीका लागि पहिलो अनि स्मरणीय पाइला हुने आशा व्यक्त गर्दै प्रशिक्षर्थीलाई शुभकामना दिए । 

रसुवा, उत्तरगया गाउँपालिकालाइ अनिवार्य तथा नि:शुल्क शिक्षा लागू भएको घोषणा भयाे ।

गाउँ शिक्षा समितिको बैठकको सिफारिस तथा मिति २०८२/०२/२३ को कार्यपालिका बैठकको निर्णय अनुसार आज मिति २०८२/०२/२८ गते उत्तरगया गाउँपालिका अध्यक्ष माधव प्रसाद अर्यालको अध्यक्षता तथा जिल्ला समन्वय प्रमुख अशोक कुमार घिमिरेको प्रमुख आतिथ्यमा शिक्षा विकास निर्देशनालय बागमती प्रदेश र उत्तरगया गाउँपालिकाको साझेदारीमा उत्तरगया गाउँपालिकालाइ अनिवार्य तथा नि:शुल्क शिक्षा लागू भएको घोषणा भएको हाे ।

गतवर्ष गाउँापालिका भरकाे टाेल बस्तीमा गरिएकाे सर्बेबाट २५५१ परिवारमा ४ देखि १३ वर्षका ७ जना विद्यालय बाहिर देखिएकाे र उनीअरूलाइ नि:शुल्क पठनपाठान सुरू गराएकाे थियाे । गाउँपालिका अध्यक्षले प्रस्ताव गरेपछि प्रमुख अतिथिले अनिवार्य तथा नि:शुल्क शिक्षा घोषणा गरेका हुन् ।

शिक्षा शाखा प्रमुख सुनिता खतिवडा, प्रमुख प्रशासकीय अधिकृत हाेमनाथ हादाल, उपाध्यक्ष चमेली गुरूङ, स्थानीय राजनीतितक दलका प्रतिनिधि तथा प्रअहरूले मन्तब्य दएका थिए ।

रसुवा, जिल्ला कालिका गाउँपालिका वडा नं २ मा संयुक्त बजार अनुगमन टोलीले बजार अनुगमन गरी ५ वटा पसलमा कारबाही गरेकाे छ । 

बजारमा हुन सक्ने कृत्रिम अभाव तथा कालो बजारी र न्यून गुणस्तरको खाद्यान्न बिक्री गर्ने पसलहरुलाई नियन्त्रण गर्न अनुगमन गरिएको हो । टोलीले ३१ वटा पसलमा स्थलगत रुपमा अनुगमन गरेकाे थियाे । जसमा खाद्यन्न तथा किराना पसल ११, होटेल तथा खाजा घर ९, फार्मेसी २, एग्रेभेट २ र अन्य पसलहरू ७ वटा रहेका छन् । 

अनुगमनका क्रममा  ५ वटा पसलमा कैफियत देखिएकोले प्रति पसल ५ हजार रुपैयाँ जरिवाना गरेको छ भने धेरै मुनाफा लिने,लेबल नभएका तथा केरमेट गरेको खाद्यन्न वस्तु बिक्री गर्ने र विल विजक एवम दर्ता प्रमाणपत्र देखाउन नसक्ने पसलहरुलाई समेत कारवाही गरिएको  सहायक प्रमुख जिल्ला अधिकारी द्रुव प्रसाद अधिकारीले जानकारी दिए । 

रसुवा, रसुवाको कालिका गाउँपालिका- ३ धारापानीमा रहेको सुन्धरा माध्यमिक विद्यालयको ४८ औं वार्षिकाेत्सव सम्पन्न भएको छ ।

वार्षिकाेत्सव कार्यक्रममा विद्यालयका प्रधानाध्यापक खिलप्रसाद आर्चायले प्रगति प्रतिवेदन र आगामी भावी योजना तथा रणनीति प्रस्तुत गरे । कार्यक्रमा विद्यालयका शिक्षक तथा विद्यार्थीहरुले नृत्य , कविता, गजल, मनाेरन्जनात्मक प्रस्तुति र विभिन्न विषयमा भनाई राखेका थिए । साे अवसरमा विद्यालय सेवा क्षेत्रका जेष्ठ नागरिक तथा सामुदायिक विद्यालय प्रति उत्प्रेरित अभिभावक, विद्यालयका लागि सहयाेग दाताहरूलाइ सम्मान गरिएकाे थियाे ।

कार्यक्रममा बोल्दै कार्यक्रमका प्रमुख अतिथि कालिका गाउँपालिकाका अध्यक्ष हरिकृष्ण देवकोटले हरेक क्षेत्रको विकासको लागि शैक्षिक क्षेत्र महत्वपूर्ण हुने बताए । 

शैक्षिक सुधारका लागि गाउँपालिकाले महत्वपुर्ण काम गर्दै आएको छ र हाम्रो क्रम जारी नै छ। त्यसमा सहकार्य गर्नको लागि आफुहरु निरन्तर लागि परेको अध्यक्ष देवकोटाले बताए । कार्यक्रममा शैक्षिक सत्र २०८१ मा कक्षागत रुपमा र विद्यालयबाट प्रथम, द्धितीय र तृतीय स्थान हासिल गर्ने विद्यार्थीहरुलाई पुरस्कार र प्रमाण-पत्र वितरण गरिएको थियो। कार्यक्रममा जिल्ला समन्वय समितिका सदस्य खिलबहादुर न्याैपाने, वडा अध्यक्ष फणिन्द्र प्रसाद न्याैपाने, वडा सदस्य, पूर्व विद्यालय व्यवस्थापन समितिका पदाधिकारीलगायतको उपस्थिति रहेको थियो । कार्यक्रम विधालय व्यवस्थापन समितिका अध्यक्ष गणेश विकको अध्यक्षतामा भएको थियो ।

साे अवसरमा विद्यार्थीहरूलाइ पुरस्कार प्रदान गरिएकाे थियाे । 

रसुवा,  बिश्व हिन्दु माहासघं नेपाल जिल्लाकार्य समिति रसुवाले कालिका गाउँपालिका भित्रका सनातन सम्पदाहरुको अभिलेखीकरण भएको धार्मिक पुस्तक बिमाेचन भयाे । 

बिश्व हिन्दु माहासघं नेपाल केन्द्रिय अध्यक्ष्य डा रामचन्द्र अधिकारी, वरिष्ठ उपाध्यक्ष प्रवीण घिमिरेलगायत अतिथिहरूले संयुक्त रुपमा भएको बिमोचन गरेका हुन् । 

६६ पृष्ठ रहेकाे पुस्तकमा कालिका गाउँपालिका भित्रका ६६ मठ, मन्दिर, गाेम्बा तथा धार्मिक स्थल परिचय समेटिएका छन् । कालिका गाउँपालिका अध्यक्ष हरिकृष्ण देवकाेटाकाे अध्यक्षतामा भएकाे कार्यक्रममा अध्यक्ष्य डा रामचन्द्र अधिकारी, वरिष्ठ उपाध्यक्ष प्रवीण घिमिरे, ठाकुर देवकाेटालगायत अतिथिहरूले मन्तब्य दिएका थिए । 

 
रसुवा, उत्तरगया गाउँपालिका, नेपाल स्वयंसेवी रक्तदाता समाज रसुवा र कालिका हिमालय एस्.एल्.सी.२०५६ ब्याच, कालिका–२, रसुवाको संयुक्त आयोजनामा जेठ ३१ गते उत्तरगया गाउँपालिका बेत्रावतीमा रक्तदान हुने भएकाे छ । 

रसुवामा नियमित हुन लागेकाे याे छैठाैं रक्तदान कार्यक्रम हाे । अस्पतालमा उपचाररत बिरामीलाइ रगत अभावले अकाल मृत्यूबाट बचाउन समय समयमा रक्तदान गराउन थालिएकाे हाे । 

त्यस दिन जनस्वास्थ्य कार्यालयले रक्तदाता सम्मान कार्यक्रम पनि आयोजना गरेकाे छ । रक्तदान गर्न इच्छुक सवैलाइ सहभागी हुन आयोजना सूचना जारी गरेकाे छ । 

उत्तरगया गाउँपालिका अध्यक्ष माधब अर्याल, जन स्वास्थ्य प्रमुख झमप्रसाद आचार्य, उत्तरगया गाउँपालिका उपाध्यक्ष चमेली गुरूङ, वडा अध्यक्षहरू तथा जनप्रतिनिधि तथा प्रमुख प्रशासकीय प्रमुख हाेमनाथ दाहाललगायत गाउँपालिका टिम, स्वास्थ्य शाखा प्रमुखहरू सहभागी एक कार्यक्रमका बीच पूर्णखाेप सुनिश्चितता तथा दिगाेपना गाउँपालिका घाेषणा भएकाे हाे । 

  

रसुवा , अखिल नेपाल महिला संघ रसुवाकाे आयोजनामा २ दिने जिल्ला स्तरिय प्रशिक्षण सम्पन्न भयो । 

जेठ २४ र २५ गते कालिकास्थानमा केन्द्रीय अध्यक्ष टुका हमालकाे प्रमुख आतिथ्यतामा  भएकाे प्रशिक्षणमा ७० जना सहभागी थिए । केन्द्रीय सचिव पेम्बा लामा, प्रदेश इन्चार्ज शारदा कुमाल सहभागी प्रशिक्षणमा  प्रशिक्षण बिभागका सचिव याेगमाया सापकाेटाले प्रशिक्षण दिएका थिए । 

रसुवा, सगरमाथा आरोही जोशी सम्मानीत सगरमाथा आरोही जोशीको गाउँगाउँमा सम्मान गरिएकाे छ । 

रसुवा, यसवर्ष गाइड बिना नै १९ मे का दिन सगरमाथा आरोण गर्ने आमाछोदिङमो गाउँपालिका–४ की पार्वती जोशीलाइ गाउँगाउँमा सम्मान गरिएको छ । 

सन २०११ देखि  पाेर्टरका रूपमा काम गरी पर्यटन व्यावसायमा लागेकी पर्यटक पथ प्रदर्शक जोशीलाइ सदरमुकाम धुन्चेमा स्थानीयले सम्मान पत्र तथा खादाले सम्मान गरे भने आमाछोदिङमो गाउँपालिका वडा नं ४ को कार्यालयले एक कार्यक्रमकाे आयोजना गरी सम्मान गरेको छ । 

साे कार्यक्रम प्रमुख अतिथि जिल्ला समन्वय समितिका प्रमुख अशोककुमार घिमिरे, उपप्रमुख विजय लामा, वडा अध्यक्ष धर्म तामाङ, समाजसेवी तथा पुर्व जिविस सभापति मिलन तामाङ, समाजसेवीहरू सुरेश अधिकारी, बालकृष्ण श्रेष्ठलगायत स्थानीयले सम्मान गरेका थिए । उनी सगरमाथा चढ्ने पहिलो महिला हुन् । सम्मान पछि जोशीले गाउँमा पाएको सम्मानले उत्साह थपेको बताइन् । उनलाइ चिलिमेमा पनि स्थानीयले सम्मान गरेका छन् । 

रसुवा, सामी परियाेजना SAMI द्वारा बैदेशिक रोजगारी सम्बन्धि सीप विकास,परामर्शलगायत कार्यक्रम रसुवामा सन्चालन गर्ने वारे गोसाइँकुण्ड गाउँपालिका अध्यक्ष कैसाङ नुर्पु तामाङकाे अध्यक्षता, जिल्ला समन्वय समितिका प्रमुख अशोककुमार घिमिरेकाे प्रमुख आतिथ्यतामा धुन्चेमा अन्तरक्रिय कार्यक्रम सम्पन्न भएकाे छ ।

रसुवा, प्लाष्टिक प्रदुषण न्यूनीकरणः हाम्रो दायित्व भन्ने मूल नाराका साथ विश्व वातावरण दिवसमा सरसफाइ तथा बृक्षाराेपण सम्पन्न भयाे । 

डिभिजन वन कार्यालयकाे संयाेजनमा सामुदायिक वन उपभाेक्ता समुह, सामुदायिव वन जिल्ला महासंघलगायत सराेकारवालाहरूकाे सहभागीतामा ५३ औं विश्व वातावरण दिवस मनाइएकाे हाे । साे अवसरमा २१ गते उत्तरगया गाउँपालिकासँगको सहकार्यमा उत्तरगया-५ स्थित  कैदलेटारदेखि नयाँपुलसम्मको सडक किनाराको दायाँ बायाँ गुल्मोहर १२५, ज्याकराण्डा १२५, करबिर ५०, असारे ५०, सिता अशोक३०, राजवृक्ष ५०, कल्की १५ सहित ४४५ वटा विरुवा रोपण भयाे । 

जेठ २२ गते विहान गोसाईकुण्ड गाउँपालिकासँगको सहकार्यमा प्रमुख जिल्ला अधिकारी अर्जुन पाैडेलकाे प्रमुख आतिथ्यता र जिल्ला स्थित सबै कार्यालय, सुरक्षा निकाय, रसुवा माविका शिक्षक शिक्षिका र विद्यार्थी, नागरिक समाजलगायतकाे  सहभागितामा धुन्चे बजार सरसफाई तथा प्रभातफेरी कार्यक्रम सम्पन्न गरिएको डिभिजनल वन अधिकृत शम्भु तामाङले जताए । धुन्बचे जार सरसफाई पश्चात लगत्तै श्री श्रीनाथ गण, धुन्चेको परिसरमा ओखर, लप्सी, किम्बु, कल्की, ज्याकरण्डा सहित ७५ वटा विरुवा रोपण भयाे । 

डिभिजन वन कार्यालयले रसुवा मावि धुन्चेलाई डष्टविन वितरण गरेकाे थियाे । त्यसैगरी आमाछोदिङ्मो गापा वडा नं ४ का वडाध्यक्ष धर्म तामाङको अध्यक्षता र  डिभिजनल वन अधिकृत शम्भु तामङकाे प्रमुख आतिथ्यता, सामुदायिक वन उपभोक्ता महासंघका अध्यक्ष हेमनाथ खतिवडा विशेष आतिथ्यतामा सव डिभिजनका कर्मचारीहरू, सामुदायिक वन उपभोक्ता समुहका प्रतिनिधि , विद्यालयका शिक्षक, शिक्षिका, विद्यार्थी तथा स्थानीयहरुको उत्साह जनक सहभागितामा गाउँघर तथा बाटाे सरसफाई, वृक्षारोपण र अन्तरकृया कार्यक्रम सम्पन्न भयाे । साे  कार्यक्रम पश्चात पार्वतीकुण्ड सरसफाई कार्यको अनुगमन समेत भयाे । 

त्यसैगरी हाकु, नाैकुण्डलगायतका ठाउँमा स्थानीयले सरसफाइ तथा बृक्षराेपणगरेका छन् । 

कालिका गाउँपालिका १ राम्चे मध्वर्ती क्षेत्र उपभोक्ता समितिकाे समन्वयमा  ११५०, सेती भूमि मावि राम्चेमा ३०, श्री श्रीनाथ गणले समेत गरी २ हजार विरुवा वितरण तथा राेपण भएकाे थियाे । 

रसुवा, पर्यटन प्रवर्दन गर्ने उद्देश्यले  नेपालको तेस्रो पर्यटकीय गन्तब्य लाङटाङमा प्रथम लाङटाङ ट्रेल रन २०२५ प्रतियाेगिता  सम्पन्न  भयाे । 

बागमती प्रदेश सरकारका संस्कृति तथा पर्यटन मन्त्री विमल ठकुरीद्वारा  प्रथम लाङटाङ ट्रेल रन २०२५ काे शुभारम्भ भयाे भने धावकहरू क्यान्जिन गुम्बादेखि ३२ किलोमिटर दौडिएर स्याफ्रुबेसी पुगेपछि समापन भएकाे हाे ।

स्याफ्रुबेसीमा भएकाे समापन कार्यक्रम रसुवा नुवाकोट पर्यटन समाजका अध्यक्ष बलराम न्याैपानेको अध्यक्षतामा भएकाे कार्यक्रममा प्रमुख अतिथि बागमती प्रदेश सभा सदस्य राधिका तामाङ, अतिथिहरू इन्द्र गाैतम,  बागमती प्रदेश सभा सदस्य  जिल्ला समन्वय समिति नुवाकाेटका प्रमुख रजिन्द्र विक्रम सिंह ठकुरी,  जिल्ला समन्वय समिति रसुवाका प्रमुख आयोजनामा अशाेक कुमार घिमिरे, गाेसाइकुण्ड गाउँपालिका अध्यक्ष कैसाङनुर्पु तामाङ,कालिका गाउँपालिका अध्यक्ष हरिकृष्ण देवकाेटा, भूमि समस्या समाधान आयोगका अध्ययक्ष जनकराज उपाध्याय, वडा अध्यक्ष दावा मिङमर तामाङलगायतका अतिथिहरूले खेल तथा बिभिन्र माध्यमबाट पर्यटकीय क्षेत्रकाे विकासमा जाेड्दिन अनुराेध गरे । 

कार्यक्रममा टानका केन्द्रीय सदस्य अम्बिर गुरूङ, नेपाल पर्वताराेहण संघका पुर्व महासचिव कुलबहादुर गुरूङ, नेपाली काँग्रेसमा सभापति पेम्बा तामाङ, पर्यटन व्यवसायी शिब लामिछाने, आमाछोदिङमो गाउँपालिका अध्यक्ष चण्डिका तामाङ, जिल्ला खेलकुद विकास समिति अध्यक्ष बिराज लाेप्चनलगायत अतिथिहरू, पत्रकार, सामाजिक संघ संस्थाका प्रनिनिधिहरू सहभागी थिए । 

बागमती प्रदेशको संस्कृति तथा पर्यटन मन्त्रालय, नेपाल पर्यटन बोर्डको आर्थिक सहयोग तथा गोसाइँकुण्ड गाउँपालिकालगायत रसुवा नुवाकाेटका स्थानीय तहसँगको सहकार्यमा र सराेकारवालाकाे सहयाेगमा भएकाे थियाे । 

प्रथम लाङटाङ ट्रेल रन २०२५ मा १०१ जनाले भाग लिएका थिए । तीन हजार ८५० मिटर उचाइमा रहेको क्यान्जिन गुम्बादेखि स्याफ्रुबेसीसम्म उक्त ट्रेल रनको दूरी ३२ किलोमिटर २ घण्टा १४ मी को छ। 

बागमती प्रदेशकै प्रमुख हिमाली पर्यटन गन्तव्य र नेपालको तेस्रो गन्तव्य हो, लाङटाङ। हिमालै हिमालको बीचमा रहेको क्यान्जिन भ्याली अर्थात क्यान्जिन गुम्बाबाट लाङटाङ ट्रेल रन सुरु गरिएको हो। 

समापन कार्यक्रममा प्रथम हुने साेलुखुम्बुका मिलन कुलुङ र महिलातर्फ सुनसरी राेकायलाइ १ लाख रूपैयाँका दरले नगद पुरस्कार तथा मेडल र प्रमाण पत्र प्रदान गरियाे । 

दितीय हुने पाचथरका बिशाल राइ र महिला तर्फ लाक्पा निमा शाेर्पालाइ नगद ७५ हजार रूपैयाँका दरले नगद पुरस्कार तथा मेडल र प्रमाण पत्र प्रदान गरियाे । तृतीय हुने किरण बाेगटी र महिला तर्फका निर्मला राइ र सान्त्वना आङफुर्पा शेर्पा, गाेपाल तामाङ, किदन कुलुङ राइ, प्रिया राइलाइ पनि नगद पुरस्कार तथा मेडल र प्रमाण पत्र प्रदान गरिएकाे थियाे । 

समापनमा रसुवा नुवाकोट पर्यटन समाजका अध्यक्ष बलराम न्याैपानेले रसुवा , नुवाकाेट लगायतका ठाउँमा खुलेर रहेका धेरै ठाउँहरूमा खेल पर्यटनकाे तथा बिभिन्न माध्यमबाट विकास गरी प्रचार गरेर पर्यटन विकास गर्दै विश्वसामु चिनाउनु पर्ने बताए । 

रसुवा, सामुदायिक वन उपभोक्ता महासंघ  नेपालको ३०औं स्थापना दिवसकाे अवसरमा उत्तरगया गाउँपालिका- ३ ठूलाेगाउँमा छलफल तथा तालिम समापन भएकाे छ । 

सामुदायिक वन उपभोक्ता महासंघ नेपालको र गण्डकी जलाधार जलवायु उत्थानशील आयोजना राष्ट्रिय प्रकृति संरक्षण कोषको सहयोगमा उत्तरगया गाउँपालिका-३ को ठूलोगाउँ स्थित भूमेस्थान सामुदायिक वन उपभोक्ता समूहमा जलवायु उत्थानशील समुदाय र पारिस्थितिकीय प्रणाली स्थापनाको लागि कृषक पाठशाला समापन भयो । 

दैनिक ३ घण्टा १८ दिनसम्म सञ्चालन भएको पाठशालामा स्थानीय सहजकर्ता सुजन गुरुङले सहजिकरण गरेका थिए । महिला १६, पुरुष ५ गरी २१ जना  सहभागी रहेको तालिम २०८२ जेठ १८ गते समापन भयो । समापन कार्यक्रममा स्थानीय भूमेस्थान सामुदायिक वन उपभोक्ता समुहका अध्यक्ष अमर गुरुङको अध्यक्षतामा सामुदायिक वन उपभोक्ता महासंघ रसुवाका अध्यक्ष हेमनाथ खतिवडाको प्रमुख आतिथ्यमा सम्पन्न भयो । कार्यक्रममा सहभागीहरुलाइ प्रमाण-पत्र बितरण गरियो । 

कार्यक्रममा सहजकर्ता सुजन गुरुङद्धारा सञ्चालित कार्यक्रममा सहभागी शारदा गुरुङले वनमा धेरै खाले मिचाहा प्रजाति रहेको बारे थापा पाएको बताइन् । डुण्डु तामाङले हामीले धेरै मात्रामा वन पैदावर उपभोग गरेको र वनमा वनजन्य उद्यम गरेर आम्दानी लिन सकिने बताए । 

सहभागी यामाकुमारी गुरुङले तालिमबाट पहिलो पटक जलवायु परिवर्तन बारे सुन्न पाएको र चरिचरण, बृक्षारोपण तथा वन डँढेलो नियन्त्रण गरेर सामुदायिक वन संरक्षण गर्नुपर्ने बताए । सहभागी अक्कल बहादुर गुरुङले १८ दिनमा धेरै कुरा सिक्न पाएको र धेरै नयाँ कुराको जानकारी भएको बताए । 

सामुदायिक वन उपभोक्ता महासंघ नेपालको३०औं स्थापना दिवसकाे अवसरमा उत्तरगया गाउँपालिका- ३ ठूलाेगाउँमा छलफल तथा तालिम समापनमा सामुदायिक वन उपभाेक्ता महासंघ रसुवाका अध्यक्ष हेमनाथ खतिवडाले समूदायले वनमा आधारित उद्याेग स्थपना गरी  आयआर्जन गर्न र तालिममा सिकेका सीप तथा समुदायमा भएका परम्परागत ज्ञानकाे प्रयाेग गरी वन व्यवस्थापन तथा प्रकृतिकाे संरक्षण गर्न सवैले लाग्नु पर्ने बताए । आयोजनामा 

रसुवा, आमाछोदिङमो गाउँपालिका–३ गत्लाङ गाउँमाथि अवस्थित पार्वतीकुण्डमा बोझाे नामक जडिबुडीले ढकिएर अस्तित्व नै समाप्त हुन लागेपछि कुण्डकाे सफाइ थालिएको छ । 

स्थानीय सामुदायिक वनका उपभोक्ता तथा पार्वतीकुण्ड ब्यवस्थापन समितिले डिभिजन वन कार्यालयको साहयोगमा परम्परागत पाठपुजा गरी कुण्डको सरसफाइ सुरुवात गरेको गरिएको स्थानीय चिदाेङ लामाले बताए । 

कुण्डको वरिपरि फैलिएको बोझो नामक जडिबुटीलाइ हटाएर कुण्डको सफाइ थाएिको  डिभिजन वन कार्यालयले जनाएको छ । यस कुण्डमा १०८ वटा धारा निर्माण गरिएको छ । 

यहाँ जनै पूर्णिमामा पाठपुजा गर्ने र नुहाउनेहरूको यात्रीको ठूलो भिड लाग्दछ । २ हजार ६ सय मिटरको उचाईमा रहेको यो कुण्डको संरक्षण र कुण्ड वरिपरि बनाइएका संरचनाहरूले यस क्षेत्रमा आउने आन्तरिक तथा बाह्य पर्यटकहरुको समेत आर्कषण बढ्दै जान थालेको स्थानीय गतलाङ गेष्टहाउसका सञ्चालक फुर्पुसिङ्गी तामाङले बताए । बोझोले ढाक्न थालेपछि वर्षेनी बोझो हटाएर सफा गर्नुपर्छ तामाङले भने । 

धार्मिक तथा पर्यटकीय महत्व बोकेको कुण्डको संरक्षणलाई धार्मिक महत्व दिँदैे पार्वतीकुण्डमा विभिन्न अवसरमा श्रद्धालुको भीड लाग्ने गर्दछ । यस क्षेत्रमा पछिल्लो समय वनभोजका लागि समेत रोजाइमा पर्न थालेको छ । पाल्दोपिक, गणेश र साङजेन हिमाल तथा समथर घाँसेमैदान सोमदाङ उपत्यका, एवं धार्मिकस्थल जागेश्वर कुण्ड जस्ता क्षेत्रहरूमा यहाँबाट पदयात्रा गर्न सकिने भएकाले यसको संरक्षणमा स्थानीयहरू जुटेका हुन् ।

डिभिजन वन कार्यालयका डिभिजनल वन अधिकृत शम्भु तामाङले एक कार्यक्रमका बीच स्थानीय चलन अनुसार पुजापाठ गरेर प्रसिद्ध धार्मिक स्थल पार्वती कुण्डको सरसफाइ गर्ने कार्यको शुभारम्भ भएको छ । 

सरसफाई कार्यमा कुण्डमा रहेको बोझो हटाउने, भरिएर रहेका माटो बालुवा हटाउने र वरपर झाडी सरसफाइ गर्ने जस्ता कार्य गरिने कुरा सब डिभिजन वन कार्यालय थाम्बुचेतका रेञ्जर सन्तोष तिम्सिनाले बताए । 

बोङजोमाने सामुदायिक वन उपभोक्ता समूह, ज्यार्सा गोठेन सामुदायिक वन उपभोक्ता समूह, आमाछोदिङ्मो–३ का वडा अध्यक्ष सुरेन्द्र तामाङ सहभागी थिए । 

तामाङ सम्पदा मार्गमा पर्ने पार्वतीकुण्डलाई पर्यटकको आकर्षणको केन्द्रको रूपमा विकास गर्न थालिएको छ । कुण्ड भित्र रहेको बोझोको कारण कुण्डको आकार घटेको र त्यहाँ रहेको मन्दिर समेत जीर्ण भएपछि गतवर्ष बागमती प्रदेशले सौन्दर्यमा समेत असर परेपछि स्थानीयले सरसफाइ थालेका हुन् । 

धार्मिक पर्यटनको लागि प्रसिद्ध पार्वतीकुण्डको सरसफाई कार्यका लागि नेपाली सेनाकाे श्री श्रीनाथ गण अन्तर्गत  मानचेत व्यारेकका जवानहरु, बोङ्जोमाने र  जार्सा गाेठेन सामुदायिक वन, थाम्बुचेत सव डिभिजन र स्थानीय समुदायको सहभागितामा सरसफाई रहेकाे थियाे । 

किसान हुँ भन्दा गर्व लाग्छ, कुनै लाज हैन

रसुवा, उत्तरगया गाउँपालिका, सानागाउँकी सुबिता गुरुङ विद्यार्थी जीवनसँगै कृषि कर्ममा होमिएकी एक प्रेरणादायी उदाहरण बनेकी छिन्। स्नातक तह पहिलो वर्षमा अध्ययनरत सुबिताले आफ्नो पढाइलाई निरन्तरता दिँदै व्यावसायिक अकबरे खुर्सानी खेतीबाट आफूलाई एक सफल युवा किसानको रुपमा स्थापित गर्ने लक्ष्य राखेकी छिन्।

गाउँमा २/३ जना आमाहरुले अकबरे खुर्सानी खेती सुरु गर्नुभएको थियो, त्यही देखेर मलाई पनि प्रेरणा मिल्यो,ू सुबिताले आफ्नो कृषि यात्राको सुरुवातबारे बताइन्। कृषिमा लाग्नुअघि उनले थ्री जी कटिङ्गु सम्बन्धी तालिम पनि लिएकी थिइन्, जसले उनलाई बिरुवाको उत्पादन बढाउन थप मद्दत पुर्‍याएको छ। हाल उनले करिब ७०० अकबरे खुर्सानीका बिरुवाबाट आफ्नो खेती सुरु गरेकी छिन्।

सुबिताको खेती प्रणाली पूर्णतया जैविक छ। लाही किराहरुले कहिलेकाहीँ दुःख दिने गर्छन्, त्यसको लागि जैविक झोल मलहरु प्रयोग गर्छु। हाम्रो बारीमा रासायनिक विषादीको प्रयोग हुँदैन, उनी भन्छिन् मलको लागि पनि उनले गाईवस्तुको गोबरमललाई नै प्राथमिकता दिएकी छिन्, जसले माटोको उर्वराशक्ति बढाउनुका साथै उत्पादनलाई स्वस्थ राख्न मद्दत गर्दछ।

पढ्दै गरेकी युवतीलाई कृषि पेसा रोज्नुको कारणबारे सोध्दा उनी भन्छिन्, पढ्दा पढ्दै के गर्ने, आफूलाई खर्च जोहो गर्न पनि सजिलो होस् र परिवारलाई पनि केही सहयोग गर्न सकिन्छ कि भनेर कृषि पेसामा लागेको हुँ। उनको यो सोचले युवाहरुमा उद्यमशीलता र आत्मनिर्भरताको भावना जगाउँछ।

उत्तरगया गाउँपालिकाले निःशुल्क बिरुवा उपलब्ध गराएर सहयोग गरेपछि सुबितालाई थप हौसला मिलेको छ। गाउँपालिकाले हामीलाई बिरुवा निःशुल्क दिनुभएको छ, यसले केही गरौं भन्ने भाव पैदा गरेको छ,उनले कृतज्ञता व्यक्त गरिन्।

आफूलाई किसान भनेर चिनाउन पाउँदा सुबिता गर्व महसुस गर्छिन्। किसान हुँ भन्दा गर्व लाग्छ, कुनै लाज हैन, उनको यो भनाइले कृषि पेसाप्रतिको सम्मान र आत्मविश्वास झल्काउँछ। भविष्यमा अकबरे खुर्सानीबाट राम्रो आम्दानी हुनेमा उनी आशावादी छिन् र बजारको खासै चिन्ता नभएको बताउँछिन्। सुबिताको यो प्रयासले अन्य युवाहरुलाई पनि कृषिमा लाग्न र आत्मनिर्भर बन्न प्रेरित गर्ने देखिन्छ।

स्राेत : कृषि सूचना 

दाेलखाकाे चरिकोटमा जेठ १७ गतेदेखि १९ गतेसम्म हुने बागमती प्रदेश स्तरिय राष्ट्रपति रनिङ शिल्ड प्रतियोगितामा रसुवाबाट १६ गते बिहान प्रस्थान गर्ने भएको छ। प्रतियोगिताका लागि भलिबल तर्फ  पुरुष ९, महिला ९, तेक्वान्दाेका लागि महिला ६, ६ पुरुष ,एथ्लेटिक्स ११ पुरुष, ११ महिला र कराँतेका तर्फ महिला  ६ जना, ६ पुरुष गरी ६४ खेलाडी र अफिसियल ११ र स्वास्थ्यकर्मी १ गरि जम्मा ७६ जना सहभागी  हुने जिल्ला खेलकुद विकास समिति रसुवाका अध्यक्ष बिराज लाेप्चनले जानकारी दिए । 

रसुवा, महिलाहरुलाई सिप सिकाएर स्वरोजगार वनाउने उद्धेश्यले नुवाकोटमा युवा सिपमुलक कार्यक्रम सन्चालन गरिएको छ । सो कार्यक्रममा ८० प्रतिशत प्रयोगात्मक प्रशिक्षण दिइएको छ ।

वागमती प्रदेशको सामाजिक विकास मन्त्रालयको प्रदेश प्राविधिक तथा व्यावसायिक शिक्षा तथा तालिम परिषदले नुवाकोटका विभिन्न स्थानका युवा महिलाहरुलाई निःशुल्क सिप विकास तालिम सन्चालन गरेको हो । सो ६५ दिने प्रशिक्षण विदुर नगरपालिका -९ को लोनीमा सन्चालन भइरहेको छ ।

सहभागी २० जना युवा महिलाहरुलाई प्रशिक्षक शिला सुनुवारले सो कार्यक्रम  सिलाइकटाइका विभिन्न सिप सिकाइरहेकी छन् । याे तालिमले वेरोजगार युवा महिलाहरु स्वरोजगारमा क्रियाशील हुने अपेक्षा गरिएको छ ।

रसुवा, गण्डकी जलाधार जलवायु उत्थानशील आयोजना अन्तरगत जलवायु परिवर्तन सिर्जित मानव वन्यजन्तु द्वन्द्व व्यवस्थापन कार्यशाला धुन्चेमा सम्पन्न भयाे । 

डिभिजन वन कार्यालयकाे आयोजना तथा सामुदायिक वन उपभाेक्ता महसंघसँगकाे समन्वय तथा गण्डकी जलाधार जलवायु उत्थानशील आयोजना राष्ट्रिय प्रकृती संरक्षण कोषकाे सहयाेगमा भएकाे हाे । कार्यक्रमा डिभिजनल वन अधिकृत शम्भु तामाङले सहजिकरण गरेका थिए । 

कार्याशालामा राष्ट्रिय प्रकृति संरक्षण कोषका जलवायु विज्ञ डा अनिता श्रेष्ठले स्वागत गरिन् । समुदाय तथा सुरक्षा निकायबाट सहभागीहरूले वन्यजन्तु द्वन्द्व व्यवस्थापनका लागि मानिसले नै गम्भीर हुनुपर्ने , वन्य जन्तुकाे बासस्थान तथा आहारमा समस्या हुन नदिने वन्यजन्तुका विषयमा सचेत प्राणी भएका नाताले मानिसकै जिम्मेवारी रहने बताए । 

रसुवा, उधाेग तथा वाणिाज्य कार्यालय रसुवाकाे आयाेजनामा आ व ०८२/८३ को योजना तर्जुमा तथा सरोकारवालाहरुसँगको अन्तरक्रिया कार्यक्रममा सम्पन्न भयाे ।

उक्त कार्यालयका कार्यालय प्रमुख वृहस्पती तामाङको अध्यक्षता, जिल्ला समन्वय समिति उप प्रमुख विजय लामाको प्रमुख आतिथ्यमा, गोसाइँकुण्ड गाउँपालिका अध्यक्ष कैसाङनुर्पु तामाङकाे विशिष्ट आतिथ्यताका साथै जिल्ला स्थित कार्यालयका प्रमुखहरु, सरोकारवालाहरु र गाउँपालिकाको उद्योग शाखामा कार्यरत कर्मचारी (उद्यम विकास सहजकर्ता ) सन्चारकर्मीहरूकाे उपस्थितीमा सम्पन्न भएकाे छ ।

रसुवा,  राष्ट्रिय प्रकृति संरक्षण कोष गण्डकी जलाधार जलवायु उत्थानशील आयोजनाको सहयोग तथा  डिभिजन वन कार्यालको समन्वयमा  मिचाहा प्रजाति व्यवस्थापन कार्याशाला  धुन्चेमा सम्पन्न भयो ।

जिल्ला भरका सामुदायिक वन उपभोक्ता समूहका प्रतिनिधि, दलित, अपाङ्ता भएका, जनजाति, जनप्रतिनिधिहरू सहभागी थिए । कार्याशालामा डिभिजन वन कार्यालयका डिभिजनल वन अधिकृत शम्भु तामाङले सहजिकरण गरेका थिए ।  कार्याशालामा राष्ट्रिय प्रकृति संरक्षण कोषका लक्ष्मण कुँवरले सञ्चालन गरेका थिए भने जलवायु विज्ञ डा अनिता श्रेष्ठले स्वागत गरिन् । 

सहभागीहरूले स्थानीय मिचाहा प्रजातिको पहिचान तथा मिचाहा प्रजाति व्यवस्थापन त्यसको असर र प्रभाव बारे छलफल गरेका थिए । 

नेपालमा वाह्य मिचाहा प्रजातिको तीव्र फैलावट अहिले एक गम्भीर पर्यावरणीय चुनौती बनिरहेको र  यसको व्यवस्थापनको अभावले कृषि, वन र वातावरणमा व्यापक असर पुर्‍याएको छ। सडक छेउ र आवास क्षेत्रबाट यी झारहरू कृषि क्षेत्रसम्म फैलिन थालेका छन्, जसले उत्पादनमा ठूलो नकरात्मक प्रभाव पार्न सक्छ। अझ, प्रभावकारी क्वारेन्टाइन निरीक्षणको अभावले नयाँ मिचाहा प्रजातिहरू  भित्रिरहेको बताइएकाे थियाे । 

विभिन्न वैज्ञानिक र अन्तर्राष्ट्रिय अनुभवहरूको आधारमा, नेपालका धेरै मिचाहा प्रजातिहरूको नियन्त्रण सम्भव रहेको कुरा सबैलाई जानकारी गराइएको छ। यस कार्यशालामा, सामुदायिक वन र स्थानीय तहका प्रतिनिधिहरूलाई मिचाहा प्रजातिको पहिचान र व्यवस्थापनमा सक्रिय भूमिका खेल्न आग्रह गरिएको छ।

कार्यशालामा प्रस्तुत गरिएको सुझावहरू अनुसार, मिचाहा प्रजातिको व्यवस्थापनलाई राष्ट्रिय प्राथमिकतामा राख्न आवश्यक रहेको छ, जसबाट यसको फैलावट र वातावरणीय नोक्सानलाई रोक्न सकिने समेत छलफल भयाे।