आठ करोडको तरकारी बारी मै कुहिने अवस्थामा

रसुवा, भोटेकोसी बाढीले बाटो बन्द छ, रसुवा जिल्लाको आमाछाेदिङमो गाँउपालिका - ३ गत्लाङमा किसानले दु:ख गरेर फलाएको करिब ८ करोडको बन्दा र आलु बारी मै कुहिने अवस्थामा पुगेकाे छ ।

अहिले WFP संस्थाले ३३६ मेट्रिक टन स्याप्रुबेसीकाे तुइनबाट पारी सम्म तारिदिने सहयोग गरिरहेको छ । त्यहाँ देखि चाँहि रोडको व्यवस्थापन भएकोले देशको विभिन्न ठाँउमा यहाँको उत्पादन बेच्न लगने गरिरहेको छ ।

गत वर्ष यहाँ उत्पादन भएका अर्गानिक आलु र बन्दा काठमाडाै, पोखरा, नारायगाढसम्म पठाउने गरिन्थ्यो तर यस पटक बाढीले सडकको संजाल बिगारिदिएपछि यहाँको किसानले उत्पादन गरेको लाखाैंको घाटा भएको किसानहरू बताउछन् ।

आमाछाेदिङमो गाँउपालिका -३ का वडा अध्यक्ष सुरेन्द्र तामाङले किसानकाे उत्पादन बजारलैजान सहयाेग चाहिएको बताए । यहाँकाे उत्पादन बजारमा लैजान सबैले सहयाेग गर्नु पर्याे तामाङले भने

पूर्वयुवराज्ञी हिमानी शाहद्वारा राहत वितरण

 

​रसुवा, गत भदौ १० गते गएको विनाशकारी बाढीबाट प्रभावित उत्तरगयाका बाढीपीडितहरूलाई हिमानी ट्रस्टले बिहीबार राहत वितरण गरेको छ ।

बाढी प्रभावितलाइ उत्तरगया गाउँपालिका-५ माझगाउँ बिहीबार ​हिमानी ट्रस्टकी संरक्षक एवं पूर्वयुवराज्ञी हिमानी शाह तथा परिवार स्वयं उपस्थित भई पीडित परिवारहरूलाई राहत सामग्री हस्तान्तरण गरेका हुन् ।

​बाढीका कारण घरबारविहीन तथा अप्ठ्यारोमा परेका परिवारहरूलाई प्रत्यक्ष भेटेर उनले समवेदना तथा सहानुभूति व्यक्त गर्नुका साथै आवश्यक राहत सामग्री उपलब्ध गराए बताइएकाे छ ।

नेपाली कांग्रेस देउवा समूहको जिल्ला सभापतिमा उपेन्द्रराज लम्साल

 

​रसुवा, नेपाली कांग्रेस रसुवा देउवा समूहको बिहीबार सदरमुकाम धुन्चेमा सम्पन्न १५औँ नियमित जिल्ला अधिवेशनबाट उपेन्द्रराज लम्साल सभापतिमा सर्वसम्मत चयन भएका छन् ।

बिहिवार सदरमुकाम धुन्चेमा सम्पन्न ​जिल्ला अधिवेशनले दुईवटा प्रदेश समिति र पाँचवटा गाउँपालिकाका सभापति पनि सर्वसम्मत चयन गरेको छ ।  जस अनुसार प्रदेश सभा क को सभापतिमा तेम्पानुर्पु तामाङ र ख को सभापतिमा धनबहादुर गुरुङ चयन भएका छन् । 

​त्यसैगरी, गाउँपालिकातर्फ नौकुण्ड गाउँपालिकाको सभापतिमा डिवराज न्यौपाने, कालिकामा माधव न्यौपाने, उत्तरगयामा ध्रुवप्रसाद आचार्य, आमाछोदिङ्मोमा चेरसिंग तामाङ र गोसाइँकुण्ड गाउँपालिकाको सभापतिमा प्रकाश तामाङ चयन भएका छन् ।

​अधिवेशनले केन्द्रीय महाधिवेशन प्रतिनिधि, प्रदेश महाधिवेशन प्रतिनिधि तथा सभापति मात्र चयन गरेको र केन्द्रीय महाधिवेशनपछि जिल्ला, प्रदेश र पालिका समितिका पदाधिकारी तथा सदस्य थपेर कार्यसमिति पूर्ण बनाइने नवनिर्वाचित सभापति उपेन्द्रराज लम्सालले जानकारी दिए । उनका अनुसार त्यसपछि वडा अधिवेशन समेत गरिने छ ।

नयाँ जाेस् जाँगरका साथ नव युवाहरू पार्टीमा वडा र गाउँपालिका तहमा जिम्मेवारी दिने तयारीमा रहेकाे जनाइएकाे छ । 

उत्तरगयाधाममा महायज्ञमा पूर्वयुवराज पारस शाह

 

​

रसुवा, रसुवा र नुवाकोट जिल्लाको सङ्गमस्थल, पवित्र तथा प्रसिद्ध धार्मिक तीर्थस्थल उत्तरगयाधाम बेत्रावतीमा सोमबारदेखि सञ्चालित पितृमोक्ष महायज्ञमा विहीबार पूर्वयुवराज पारस शाहको उपस्थिति रहेको छ ।

शाहले उत्तरगयाधाममा पूजा-आराधना गरी धार्मिक आस्था प्रकट गर्नुभएको छ । ​गुरु गोरखनाथ पीठ सिद्धाञ्चल, मृगस्थली, काठमाडौँको आह्वानमा सञ्चालन भइरहेको यो महायज्ञ आगामी कात्तिक २० गतेसम्म सञ्चालन हुनेछ । गत भदौ १० गते आएको विनाशकारी बाढीका कारण अकालमा ज्यान गुमाएकाहरूको आत्माको शान्ति तथा दिवङ्गत पितृहरूको मोक्षको कामना गर्ने पवित्र उद्देश्यका साथ यो महायज्ञ आयोजना गरिएको आयोजक समितिले जनाएको छ।

भोटेकोशी बाढीपीडितको आवाज स् आफ्नै घर चाहियो

 रसुवा, भोटेकोशी हुँदै त्रिशुली नदीमा ०८३ भदौ १० गते आएको बाढीका कारण उत्तरगया गाउँपालिका–१, ४ र ५ बाट विस्थापित भई भिमसेनस्थान आधारभुत विद्यालय र सिड्स रसुवाको कार्यालय स्थित आश्रयस्थलहरुमा बसिरहेका पीडितहरुलाई यतिबेला आफ्नै आवासको बन्दोबस्तीको चिन्ता थपिएको छ ।

बाढी पीडितहरुको एउटै आवाज छ , राज्यले छिटो घर बनाइदिओस् । ‎पीडित विमला तामाङ आफू गर्भवती रहेको बताउदै आश्रयस्थलमा भन्दा सरकारले घर बनाइदिए आफ्नै घरमा गर्भको बच्चालाई हुर्काउने बताउछन् । 

‎पैरेवेशी रसुवाबाट विस्थापित भएका अर्का पीडित रामचन्द्र थापा मगर  बाढीमा एकै गाउँमा धेरैले ज्यान गुमाउदा गुमाएको पीडा सुनाउदै सरकारले विस्थापितहरुको दिर्घकालिन व्यवस्थापनका  लागि यथाशिघ्र सुरक्षित आवासको व्यवस्था गरिनुपर्ने बताए । 

‎हाल यी दुई होल्डिङ सेन्टरमा ७३ जना पीडितहरुले आश्रय लिइरहेका छ्न् । जसमा ४९ जना पुरुष र २४ जना महिला रहेका छन् ।  

होल्डिङ सेन्टरमा पाँच वर्ष मुनिका चार जना बालबालिका छन् भने ५ वर्षदेखि १८ वर्षका १५ जना गरी कुल २० जनाले अस्थायी आश्रय लिइरहेका छन् । 

काठेपुल बगाएपछि उत्तरी क्षेत्रको पैदल आवागमनमा पुनः समस्या

कात्तिक १३ गते आएको अविरल वर्षाका कारण उत्तरी रसुवाको स्याफ्रु भोटेकोसी नदीमा स्थानीयवासीले जनश्रमदानबाट निर्माण गरेको काठेपुल बगाएपछि उत्तरी क्षेत्रको पैदल आवागमनमा पुनः समस्या उत्पन्न भएको छ । 

गत भदौ १० गते भोटेकोसी–त्रिशूली नदीमा आएको विनाशकारी बाढीले स्याप्र mुबेँसी बजारसँगै रहेको मोटरेबल पुल बगाएपछि स्थानीयवासीले जनश्रमदानबाट काठको फड्के निर्माण गरी पैदल आवागमन सहज बनाएका थिए । तर, यही कात्तिक १३ गते आएको अविरल वर्षाका कारण भोटेकोसी नदीमा पानीको बहाव बढ्दा काठेपुल बगाएको स्याप्र mुबेँसीका समाजसेवी नुर्पुछिरिङ तामाङले बताउनुभयो । 

बाढीले मोटरेबल पुल बगाएपछि उत्तरी रसुवाका स्थानीयवासीलाई आवतजावत गर्न सहज होस् भन्ने उद्देश्यले गोल्जुङ, गत्लाङ र चिलिमेका बासिन्दाले श्रमदान गरी गत महिना काठेपुल बनाएका थिए । पुल निर्माणमा नेपाली सेना, नेपाल प्रहरी तथा सशस्त्र प्रहरी बलका सुरक्षाकर्मीले समेत सहयोग पु¥याएको बताइएको छ । स्थानीयको श्रम र सुरक्षाकर्मीको मिहिनेतबाट निर्माण गरिएको पुल पुनः बगाएपछि स्थानीयवासी निराश भएका छन् । 

चिलिमेका बहादुर तामाङको अगुवाइमा निर्माण गरिएको काठेपुल नदीको सतहमा केही होचो स्थानमा बनाइएकाले पानीको बहाब बढ्नासाथ बगाएको स्थानीयवासीको भनाइ छ । वर्षा कम हुँदै जाने पूर्वानुमानका आधारमा पुल निर्माण गरिए पनि नदीको सम्भावित बहाब र पानीको सतहलाई पर्याप्त ध्यान दिन नसक्दा क्षति व्यहोर्नुपरेको स्थानीयवासीले बताएका छन् । पुल बगेसँगै हजारौँ स्थानीयवासीको दैनिक पैदल आवागमन प्रभावित भएको छ । राज्यको तर्फबाट निर्माण गरिएको कोक्रो (तुइन)बाट वारिपारि गर्नुपर्ने अवस्था रहे पनि त्यसमा प्रयोग भएका लट्ठा साना भएकाले यात्रा गर्न जोखिम महसुस हुने गरेको स्थानीयवासी बताउँछन् । कोक्रो तान्ने व्यक्तिको अभाव हुँदा सुरक्षाकर्मीको सहयोगमा भर पर्नुपर्ने र वारिपारि गर्न घण्टौँसम्म कुर्नुपर्ने समस्या रहेको उहाँहरूको भनाइ छ । 

काठेपुल सञ्चालनमा रहँदा सहज भएको उत्तरी रसुवाको आवागमन पुनः प्रभावित भएपछि स्थानीयवासीलाई दैनिक उपभोग्य सामग्री ओसारपसार गर्नसमेत कठिनाइ भएको छ । यसअघि काठेपुलको सहायताले बोकेर ढुवानी गर्न थालिएको गत्लाङ क्षेत्रको आलु तथा बन्दाकोपी बजारसम्म पु¥याउने कामसमेत अवरुद्ध भएको छ । एकातिर हिमाली क्षेत्रमा चिसो बढ्दै गएको र अर्कोतर्फ नदीमा आवागमनका लागि बनाइएको अस्थायी पुलसमेत बगाएपछि गत्लाङका किसान थप चिन्तित बनेका छन् । बारीमा उत्पादन भएको आलु तथा बन्दाकोपी समयमै बजार पु¥याउन नसक्दा उत्पादन बिग्रने र आर्थिक नोक्सानी व्यहोर्नुपर्ने चिन्तामा कृषक रहेका छन् । स्थानीय पूर्वाधारको स्थायी व्यवस्था नहुँदा उत्तरी रसुवाका बासिन्दाले पटकपटक आवागमनको समस्या भोग्नुपरेको छ । 

उत्तरगयाधाममा पितृमोक्षका लागि हवन् महायज्ञ सुरु

 

​रसुवा, रसुवा र नुवाकोट जिल्लाको सङ्गमस्थल पवित्र तथा प्रसिद्ध धार्मिक पर्यटकीय तीर्थस्थल उत्तरगयाधाम बेत्रावतीकाे साँस्कृतिक पुनस्थापनाका लागि सोमबारदेखि पाँचदिने पितृमोक्ष हवन् महायज्ञ सुरु भएको छ ।

​गुरु गोरखनाथ पीठ सिद्धाञ्चल, मृगस्थली, काठमाडौँको आह्वानमा सञ्चालन सुरू भएकाे साे हवन महायज्ञ आगामी कात्तिक २० गतेसम्म सञ्चालन हुने छ । ​गत भदौ १० गते आएको विनाशकारी बाढीका कारण अकालमा ज्यान गुमाएकाहरूप्रति आत्मशान्ति तथा दिवङ्गत पितृहरूको मोक्षकामना गर्ने पवित्र उद्देश्य सहित हवन् महायज्ञ आयोजना गरिएको आयोजक समितिले जनाएको छ।

स्थानीयकाे समेत सहभागितामा हवन् मण्डप लगार गरी बगरमा तीतेपाती तथा चरू हवन् गरी पितृ माेक्ष तथा विश्व शान्तिकाे कामना गरी थालनी भएकाे हवन् महायज्ञबाट पवित्र उत्तरगया धामकाे साँस्कृतिक पुनस्थापनामा समेत मद्दत मिल्ने सहभागी प्रल्हाद खतिवडाले बताए ।

नेपाल–तिब्बत युद्धका क्रममा नेपाली पक्ष विजयी भएपश्चात् दुई देशबीच ‘बेत्रावती सन्धि’ भएको स्थानको ऐतिहासिक ढुङ्गाको संरक्षणका लागि स्थानीयले सक्रियता देखाएको हो। बाढीमा बगेकाे बजार तथा धाम लगायत अन्य संरचना र बेत्रावती सन्धिस्थलको संरक्षणसहित प्रवर्द्धनका कार्य अघि बढाउन लागिरहेको सन्दर्भमा पुरातात्त्विक संरचनाको पुनर्निर्माणमा सरकारले जाेड् दिनुपर्ने स्थानीय दिनकृष्ठ श्रेष्ठले बताए ।

बाढीले ध्वस्त पारेको ऐतिहासिक उत्तरगयाधाम र स्थानीय कला, संस्कृति र परम्पराको पनि पुनस्थापा गर्नुपर्ने स्थानीय शशी डंगोल बताउछन् ।