रसुवा, भोटेकोशी बाढीपछि रसुवाका विभिन्न होल्डिङ सेन्टरमा अझै २ सय ५० जनाले आश्रय लिइरहेका छन्। जिल्ला जनस्वास्थ्य कार्यालय रसुवाका अनुसार उत्तरगया गाउँपालिकाका पाँच र गोसाइँकुण्ड गाउँपालिकाका दुई होल्डिङ सेन्टरमा उनीहरू बसिरहेका छन्।
उत्तरगयाको सिड्स भवनमा ४७, मीभसेन आविमा ३०, गणेश आविमा २५ र नीलकण्ठ माविमा ७७ जना छन्। त्यस्तै, गोसाइँकुण्डको कोमिन स्यामेवाङफेल माविमा ४० र लिङलिङ आविमा ३१ जना आश्रय लिइरहेका छन्।
होल्डिङ सेन्टरमा रहेका मध्ये १ सय २९ महिला, १ सय ९ बालबालिका, १९ ज्येष्ठ नागरिक, दुई सुत्केरी, दुई गर्भवती र एक जना अपाङ्गता भएका व्यक्ति छन्।
कार्यालयका अनुसार भोटेकोशी बाढीपछि रसुवाका १ हजार ६ सय ७४ जना बेपत्ता छन्। अन्य जिल्लाबाट रसुवा आएका १ हजार ८ सय ४० जना र ३ सय ६६ जना विदेशी पर्यटकसमेत हराइरहेका छन्। बाढीपछि रसुवामा २ सय ३६ जनाको शव फेला परेको छ।
यस्तै, काठमाडौंको मुस्ताङ गुम्बामा २ सय ४१ र स्वयम्भूस्थित नेपाल बुद्ध धर्म सेवा सङ्घको भवनमा १ सय जना प्रभावितले आश्रय लिइरहेका छन्। विभिन्न स्थानमा रहेका प्रभावितको संख्या ७ सय ७५ जना रहेको जनाइएको छ।
No comments:
Post a Comment