रसुवा, बाढीका कारण अभिभावक बेपत्ता भएपछि रसुवामा ६१ जना बालबालिका बाबुआमाविहीन भएका छन् । यस्तै, २ सय ६८ जना बालबालिकाले आफ्ना एक जना अभिभावक गुमाएका छन् ।
जिल्ला शिक्षा समन्वय इकाइका सूचना अधिकारी जीवन दाहालका अनुसार बाढीका कारण बालबालिकाको पारिवारिक संरक्षणमा समेत असर परेको छ । अभिभावक गुमाएका तथा बेपत्ता भएका बालबालिकाको अवस्था पहिचान गरी उनीहरूको संरक्षण र आवश्यक सहयोगमा ध्यान दिनुपर्ने अवस्था रहेको उहाँले बताउनुभयो ।
बाढी प्रभावित केही बालबालिकाले आधारभूत राहतसमेत प्राप्त गर्न नसकेको दाहालले बताउनुभयो । राहतबाट वञ्चित बालबालिकाको खोजी गरी उनीहरूको आवश्यकता पहिचान गरेर आवश्यक राहत तथा सहयोगको व्यवस्था गर्नुपर्ने उहाँको भनाइ छ ।
दाहालका अनुसार अभिभावकविहीन तथा अभिभावक गुमाएका बालबालिकाको शिक्षा, संरक्षण र आधारभूत आवश्यकताका विषयमा सम्बन्धित निकायले थप ध्यान दिन आवश्यक छ ।
No comments:
Post a Comment