रसुवा, भोटेकोशी बाढीबाट प्रभावित परिवारहरूको दैनिकी सहज बनाउन एसोसिएसन फर इन्टरनेशनल सोलिडारिटी इन एशिया (ASIA) ले उत्तरगया गाउँपालिकासँगको समन्वयमा १५० सेट एलपी ग्यास सिलिन्डर, ग्यास चुलो तथा आवश्यक सामग्री वितरण गरेको छ।
विपद्पछिको कठिन परिस्थितिमा रहेका प्रभावित परिवारहरूलाई सुरक्षित रूपमा खाना पकाउने सुविधा उपलब्ध गराउने उद्देश्यले उक्त सहयोग प्रदान गरिएको हो। लाभग्राहीहरूको छनोट तथा वितरण कार्य उत्तरगया गाउँपालिकासँगको समन्वयमा सम्पन्न गरिएको थियो । जसले वास्तविक प्रभावित परिवारसम्म सहयोग पुर्याउन महत्वपूर्ण भूमिका खेलेको छ।
भोटेकोशी बाढीको प्रारम्भिक चरणदेखि एसिया अनलुसले राहत तथा पुनःस्थापनाका विभिन्न गतिविधिहरूमार्फत प्रभावित समुदायलाई निरन्तर सहयोग गर्दै आएको छ। राहत वितरणसँगै संस्थाले शिक्षा क्षेत्रको पुनःस्थापनाका लागि पनि पहल गरिरहेको छ । उत्तरगया–५ स्थित शिवालय आधारभूत विद्यालयमा ४ वटा कक्षाकोठा तथा डाडाँगाउँ माध्यमिक विद्यालयमा करिब ५० विद्यार्थी अट्ने छात्रावास भवन निर्माणको तयारी भइरहेको छ।
विपद्बाट प्रभावित समुदायको शीघ्र पुनःस्थापना तथा जीवनयापनलाई सहज बनाउन स्थानीय सरकार, सरोकारवाला निकाय तथा समुदायसँग सहकार्य गर्दै आगामी दिनहरूमा पनि आवश्यक सहयोगलाई निरन्तरता दिने प्रतिवद्धता व्यक्त गरेकाे एसिया अनलुसका युवराज न्याैपानेले बताए ।
विपत पछिकाेअभावमा ग्यास र चुलाे राहत प्रदान गरेकाेमा गाउँपालिका उपाध्यक्ष चमेली गुरूङले धन्यवाद दिइन् ।
No comments:
Post a Comment