Document

परिचय

पदाधिकारी

योजना

आमाछोदिङ्मो गाउँपालिकाको परिचय

धार्मिक तथा पर्यटकीय स्थल पार्वतीकुण्ड वा स्थानीय भाषामा आमाछोदिङ्‌मो भनेर चिनिने कुण्डबाट नामाकरण भएको यस आमाछोदिङ्‌मो गाउँपालिका रसुवा जिल्लाको उत्तरी भेगमा अवस्थित छ । नेपालको संविधान २०७२ अनुसार राज्य पुनर्संरचना हुँदा पार्वतीकुण्ड गाउँपालिका नामाकरण भए पनि पहिलो स्थानीय तहमा निर्वाचित जनप्रतिनिधि/गाउँसभाबाट स्थानीय भाषामा उल्था गरी आमाछोदिङ्‌मो नामाकरण गर्ने भनी गरी पठाएको सिफारिस अनुसार यस गाउँपालिकाको नाम आमाछोदिङ्‌मो रहन गएको हो ।

रसुवा जिल्लामा रहेका ५ गाउँपालिकामध्ये क्षेत्रफलको हिशावले दोस्रो ठूलो गाउँपालिका हो । साबिकको हाकु गाविसको ८ र ९ वडाबाहेक हाकुका सबै वडा, गतलाङ, गोल्जुङ र चिलिमे गाविसलाई समेटेर पुनर्संरचना भएको यस गाउँपालिकाको क्षेत्रफल ६८३ वर्ग किमी रहेको छ ।

जनगणना २०७८ अनुसार यस गाउँपालिकामा १६८८ घरपरिवार रहेका छन् भने ८५७१ जना मानिसहरू बसोबास गर्दछन्, जसमा ४३३९ जना महिलाहरू र ४२३२ जना पुरूषहरू रहेका छन् । रसुवा जिल्लामा रहेका गाउँपालिकाहरूमध्ये १९ प्रतिशत जनसंख्या यस गाउँपालिकामा रहेको छ ।

Thanks For Reading