यही हो हाम्रो रसुवा

रसुवा, उत्तरगया गाउँपालिकाले स्थानीय उत्पादन बिक्री तथा प्रबर्द्धनको लागि उत्तरगयाधाममा राख्ने भएकाे छ ।  स्थानीय उत्पादनहरुको बिक्रीवितरण तथा प्रबर्द्धन गर्ने उदेश्यले मिति २०८१ पुस १५ गते उत्तरगयाधाम राम मन्दिर प्राङ्गणमा तपशीलका उत्पादनहरु बिक्री तथा प्रबर्द्धनको लागि उपलब्ध हुँदै छ यहाँहरुले पनि उपभोग गर्न सक्नुहुनेछ । गाउँपालिकाले सिड्स रसुवासँगकाे समन्वयमा कृषि उत्पादन, दुध उत्पादन बढाउन किसानलाइ अनुदानका कार्यक्रम तय गरेकाे छ ।  उत्तरगयाधाममा हुने बृहत मेलाका लागि लक्ष्य गरी निम्न उत्पादहरू प्रबर्द्धनको लागि राख्न सूचना जारी भएकाे छ ।   १ उत्तरगया -१ तिरुको सिमि तथा फर्सी   २ उत्तरगया -२ को अकबरे खुर्सानी, कोदोको पिठो, अमला तथा सयपत्रीलगायत फुलहरु  ३ उत्तरगया -३ को फापर, मास र सिलाम  ४ उत्तरगया -४ को तरुल, पिँडालु, मुला,स्कुस सयपत्रीलगायत फुलहरु  ५ उत्तरगया -५ को सालको पातको दुना टपरी, बेसार, जौ को पिठो, फुलहरु, बाटेको धुप । 

रसुवा, एनएमबी लघुबित्त बित्तीय संस्था लि। को शाखा कार्यालय धुन्चे रसुवाले जिल्लाको गोसाइँकुण्ड गाँउपालिका-६ , मा सदस्यहरू बीचमा बित्तिय साक्षरता  तथा अन्तरक्रिया  सम्पन्न गरेको छ ।  सम्पती तथा बचतमा हुने जोखीमलाई न्यूनिकरण गर्ने उद्देश्यले सञ्चालन गरेको कार्यक्रममा कर्जाको व्यवस्थापन, बचतको व्यवस्थापन, बचत व्यवस्थापन गर्दा हुने फाईदाहरू, डिजिटल बैंकिङ, भुक्तानी, संस्थाको एमपासबुक, एसएमएस सेवा, यसको प्रयोग र यसका फाईदालगायतका विषयमा एनएमबी लघुबित्त बित्तीय संस्था लि शाखा कार्यालय धुन्चे रसुवाका शाखा प्रमुख शारदा पाण्डेले सहजीकरण गरे भने कार्यक्रमको ब्यवस्थापन कर्मचारीहरू राम प्रवेश राम र दावाछिरिङ तामाङले गरेका थिए ।    लघुवित्तले यस अघि जिल्लाको धुन्चे, हाकुबेसी, स्याफ्रवेशी, नागुन लगाएतका स्थानमा अन्तरक्रिया कार्यक्रम सम्पन्न गरिसकेको छ ।धुन्चेका पाँचसय बढि घरधुरीलाई सेवा दिदै आएको यस लघुवित्तको धुन्चे शाखाले जिल्लाको गोसाइँकुण्ड गाँउपालिका र यसको वरपर सेवा क्षेत्र बनाएर काम गर्दै आएको छ ।  पोखरा महानगरपालिका-८ न्यूरोड कास्कीमा केन्द्रीय कार्यालय रहेको यस ...

रसुवा, रसुवाका गाउँ गाउँमा रैथाने बालीको रूपमा लिइने कोदो, फापर, कागुनो, जुनेलाे जस्ता बाली पछिल्लो समय लोपोन्मुख अवस्थामा पुगेको छ । देशका अधिकांश पहाडी र उच्च पहाडी भागमा  गरिने यस्ता रैथाने बालीको संरक्षण र प्रवर्धनमा सरकारले समेत खासै चासो नदेखाएका कारण रैथाने बाली सङ्कटमा परेको हो । जसले गर्दा पछिल्लो केही वर्ष यता कोदो समेत भुटान र भारतबाट आयात गर्नु पर्ने अवस्था आएको छ ।  यसले एकातिर निकै राम्रो खाद्यान्न बालीको  रूपमा लिइने यस्ता अन्नबाली मासिएको छ भने अर्कोतिर अन्यत्र मुलुकबाट आयात गर्नु पर्दा  पैसा समेत बिदेसिएको छ । यस्ता बालीलाई सरकारले  विशेष चासोका साथ प्रवर्धन गर्नु पर्ने अहिलेको आवश्यकता रहेको छ । रैथाने बालीको रूपमा लिइने कोदो पोसिलो खाद्यान्न बाली मध्ये एक प्रमुख बालीको रूपमा पनि लिइन्छ । विशेष गरी पहाडी र उच्च पहाडी चिसो हावापानी भएका स्थानमा कोदोको खेती हुने गर्दछ । गर्मी हावापानीमा  भने यो खेती निकै कम मात्रै गर्ने गरिन्छ । देशका अधिकांश स्थानमा गरिने यस खेतीको प्रवर्धनका लागी नत स्थानीय तहले कुनै चासो दिइएको पाइन्छ न त सरकारले नै रैथान...

हेमनाथ खतिवडा धेरै पटक हाकु आवतजावत गरियो। यसपटक पृथक योजनाका साथ हामी चारजना हाकु पुग्यौ। क्यानाडाको थम्सन रिभर युनिभर्सिटी बाट आएका तीन सदस्यीय टोलीले भुकम्पपछी हाकुका बिस्थापितहरुको अवस्था बारे अनुसन्धान गर्दै थियो। टिममा दक्षिण भारतका डा.बाला क्यानाडाका प्रोफेसर जेफ मोर र बाताबरणविद सिजल पोख्रेल थिए। उबेला सदियौ पहिले तिब्बत बाट आएर बस्ती बसालेको भन्ने भनाइ छ हाकुमा पुस्तौ पुस्तादेखी हाकुमा बस्ती बसाले पनि त्यस्को किटानिका साथ बताउने निर्धारीत समय देखिदैन। त्यहाका नाङ्गा भिराला समथर पारेर घर बनाउने खनजोत गरेर खेती गर्न थालेको बृद्धबृद्दा सुनाउछन। सुरुमा ठूलो हाकुमा जम्मा ५/६ घर बसोबास थियो। जनसंख्या बढ्दै गएपछी सानो हाकु, हाकु बेसि लगायत ठाउमा पनि बाडिएर बस्न थालेका हुन। ९२ बर्ष पहिले हाकु गाबिसको २ देखि ७ वडा सम्मको गर्दा जम्मा २५ वटा मात्र घर थिए। बस्ती बसिसकेपछी काठमाडौ स्वयम्भूका लामाहरु त्यहा पुगे। गाउको मुखियाहरु सङ्ग पुगेर त्यहाको जमिन स्वयम्भू पुरानो घ्याङ गुठिको नाममा दर्ता गरिएको सुइको पाइएको थियो। गुठिमा राखेर पुजापाठ चलाउन मद्दत हुने र धर्म हुने भनेकाले उनिहरुले पनि यसम...

  रसुवा, चिलिमेको सहायक कम्पनी साञ्जेन जलविद्युत् कम्पनी लिमिटेडले निर्माण गरेको साञ्जेन जलविद्युत् आयोजनाको बिजुली व्यावसायिक रूपमा राष्ट्रिय प्रणालीमा जोडिएको छ । सम्पूर्ण प्राविधिक परीक्षणलगायत काम सम्पन्न गरेर सोमबार साँझदेखि साञ्जेन जलविद्युत् आयोजनाको बिजुली प्रणालीमा प्रवाह गरिएको हो । साञ्जेन जलविद्युत् आयोजनाले गत मङ्सिर ८ गतेदेखि परीक्षण उत्पादन गर्दै आएको थियो । रसुवाको आमाछोदिङ्मो -५ मा निर्माण भएको सो आयोजनाको क्षमता ४२ दशमलव पाँच मेगावाट रहेको छ । सबै प्राविधिक परीक्षण सम्पन्न गरी गत मङ्सिर ८ गते पहिलो युनिटबाट बिजुली उत्पादन गरिएको थियो । उत्पादित विद्युत् राष्ट्रिय प्रसारण लाइनमा सोमबारदेखि व्यावसायिक रूपमा उपलब्ध गराइएको आयोजनाका सबइञ्जिनियर रविन कोइरालाले जानकारी दिनुभयो । ‘क्यास्केड मोडल’मा निर्माण गरिएका अर्धजलाशय प्रकृतिको दुई आयोजनामध्ये साञ्जेन ९माथिल्लो० जलविद्युत् आयोजना विसं २०८० भदौ मसान्तमा सम्पन्न गरी विसं २०८० असोज २१ गतेदेखि राष्ट्रिय प्रणालीमा बिजुली उपलब्ध गराउँदै आएको थियो । कूल ११ केभी क्षमताको आपत्कालीन प्रसारण लाइनमार्फत व्यापारिक रुपमा बिजुली प...

  रसुवा, उत्तरी रसुवाको टिमुरेस्थित रसुवागढी हाइड्रोपावरले परीक्षण उत्पादन सफल भएको छ । गोसाइँकुण्ड गाउँपालिका वडा नं १ र २ को तातोपानी स्थित भोटेकोसीको तटीय क्षेत्रमा भूमिगत संरचनाबाट सो विद्युत् गृह निर्माण गरिएको छ । उक्त विद्युत् गृहमा जडित ३३.३३ मेगावाट क्षमताको तीनवटा मेसिन विद्युत् उत्पादनहुने जनाइएको छ । हाल चिसोयामका कारण खोलाको पानी बहाव घटेपछि पहिलो परीक्षणबाट ५२ मेगावाट विद्युत् उत्पादन गरिएको आयोजना प्रमुख सत्यराम ज्याख्वाले जानकारी दिनुभयो । तीनवटै युनिट चालु गराईसकिएको र वर्षायाममा भने क्षमताअनुसार विद्युत् उत्पादन हुने उहाँले बताउनुभयो । सो आयोजना कूल लागत रु १८ अर्ब ६९ करोड २० लाखको रहेको बताइएको छ । सन् २०१४ देखि पूर्णरूपमा निर्माण सुरू भए पनि विगतमा भएको पेट्रोलियम पर्दाथको अभाव, विसं २०७२ को विनाशकारी भूकम्प, भोटेकोशीमा बर्सातको समयमा आइरहने बाढी, वर्षायाममा राजमार्ग अवरूद्ध हुँदा सामान ढुवानीमा परेको असरले निर्माण सम्पन्न गर्न केही समय ढिलाइ भएको बताइएको छ । रसुवागढी जलविद्युत्ले वार्षिकरूपमा रु ६१ करोड ३८ लाख ७५ हजार युनिट विद्युत् उत्पादन गरेर रु तीन अर्ब २५ ...

रसुवा,  चीनसँग सीमा जोडिएको मुलुकको उत्तरी नाका रसुवाको टिमुरेमा निर्माणाधीन सुक्खा बन्दरगाह ७२ प्रतिशत पूरा भएको छ । चीन सरकारको आर्थिक तथा प्राविधिक सहयोगमा निर्माणाधीन बन्दरगाहको काम ७२ प्रतिशत पूरा भएको नेपाल इन्टर मोडल यातायात विकास समितिका कार्यकारी निर्देशक आशिष गजुरेलले बताए। भोटेकोशी बगरमा सात सय मिटर लामो र साढे पाँच मिटर अग्लो सिमेन्टको पिलरसहित तटबन्ध निर्माण, बन्दरगाह प्रवेश र त्यहाँबाट प्रस्थान गर्ने सहायक मार्गको निर्माण, बगर सम्म्याउने, गोदामका दुई भवन निर्माण भएका छन् । आगामी असार मसान्तसम्ममा निर्माण सम्पन्न गर्ने लक्ष्यका साथ धमाधम काम भइरहेको उनीले बताए। बन्दरगाहमा संयुक्त निरीक्षणस्थल, गोदाम भवन, तीन सय मालबाहक र एक सय साना सवारी साधन पार्किङ गर्न सकिने छ ।

     रसुवा,  आमाछोदिङ्मो गाउँपालिकामा सामूदायिक वनसँग जनप्रतिनिधि छलफल तथा समन्वय बैठक सम्पन्न भयाे । आमाछोदिङ्मो गाउँपालिका, स्थानीय सामुदायिक वन र वन कार्यालयको बीच रसुवाका वन वाताबरण क्षेत्रका स्थानीय एजेन्डा र वन तथा वातावरण ऐन, नियमवाली र स्थानीय सरकार संचालन ऐन २०७४ मा वनका मूख्य सवालमा हाम्रो , पालिका र समुहको भुमिकाको बारेमा छलफल सम्पन्न भएकाे छ । गाउँपालिका अध्यक्ष बुचुङ तामाङ, उपाध्यक्ष चण्डिका तामाङ वडा अध्यक्षहरू, प्रमुख प्रसासकीय अधिकृत गोपाल दुलाललगायत सहभागी थिए । डिभिजन वन कार्यालय रसुवाका डिभिजनल वन अधिकृत शम्भु तामाङ, सव डिभिजन प्रमुख सन्ताेष तिम्सिनालगायतले सामुदायिक वन उपभाेक्ता समुह र वन कार्यालयको बीचमा समन्वय गरी वन ब्यवस्थापन तथा सन समुहकाे लेखा परीक्षण, साधारण सभा र अनिवार्य प्यान लिनु पर्ने ब्यवस्था बारे धारणा राखेका थिए ।

  रसुवा,  उत्तरी रसुवाको टिमुरेस्थित रसुवागढी हाइड्रो पावरले परीक्षण उत्पादन सफल भएको छ । गोसाइँकुण्ड गाउँपालिका वडा नं १ र २ को तातोपानीस्थित भोटेकोसीको तटीय क्षेत्रमा भूमिगत संरचनाबाट सो विद्युत् गृह निर्माण गरिएको छ । रसुवागढीमा ३७ मेगावाटका ३ वटा टर्वाइन हाल चिसोयामका कारण खोलाको पानी बहाव घटेपछि पहिलो परीक्षणबाट ५२ मेगावाट विद्युत् उत्पादन गरिएको आयोजना प्रमुख सत्यराम ज्याख्वाले जानकारी दिए । तीनवटै युनिट चालु गराई सकिएको र वर्षायाममा भने क्षमताअनुसार विद्युत् उत्पादन हुने उनले बताए । सो आयोजना कूल लागत रु. १८ अर्ब ६९ करोड २० लाखको रहेको बताइएको छ । सन् २०१४ देखि पूर्णरूपमा निर्माण सुरु भए पनि विगतमा भएको पेट्रोलियम पर्दाथको अभाव, विसं २०७२ को विनाशकारी भूकम्प, भोटेकोशीमा बर्सातको समयमा आइरहने बाढी, वर्षायाममा राजमार्ग अवरुद्ध हुँदा सामान ढुवानीमा परेको असरले निर्माण सम्पन्न गर्न केही समय ढिलाइ भएको बताइएको छ । रसुवागढी जलविद्युत्ले वार्षिक रूपमा रु. ६१ करोड ३८ लाख ७५ हजार युनिट विद्युत् उत्पादन गरेर रु. तीन अर्ब २५ करोड आय गर्ने आयोजनाले गर्ने छ । रसुवागढीमुनि भोटेकोशीम...

 रसुवा, रसुवामा नेपाली काँग्रेसकाे सय दिने अभियान सुरू भएकाे छ । अभियानमा  क्रियाशील सदस्ता नविकरण, नयाँ वितरणलगायतका विषयमा छलफल भएकाे छ । अभियान अन्तर्गत  भेला तथा सदस्यता पुरानो नविकरण गराउनको लागि नजिकै रहेको नेपाली काङ्ग्रेसको पार्टी कार्यालय तथा ताेकिएकाे ब्यक्तिहरूमार्फत पार्टीको सदस्यता कार्ड नविकरण तथा नयाँ बितरण भैरहेकाे नेपाल काङ्ग्रेस रसुवाले जनाएकाे छ । जिल्ला कार्यसमिति बैठकले निर्णय गरे बामोजिम १०० दिने अभिमुखीकरण कार्यक्रम क्रियाशील सदस्यता नविकरण, वितरणलगायत विभिन्न महत्वपूर्ण विषयमा सवै पालिकामा छलफल भइरहेकाे छे

रसुवा, गोसाईकुण्ड गाउँपालिकाद्वारा आयोजित पाँचौँ राष्ट्रपति रनिङ शिल्ड प्रतियोगिताको उपाधि रसुवा माविले हात पार्न सफल भएको छ ।  पौष २ गतेदेखि ४ गतेदेिख  ३ दिनसम्म उक्त प्रतियोगिता सञ्चालन भएकाे थियो। बिहिबार रसुवाको गोसाइँकुण्ड गाउँपालिका वडा नं ५ स्याफ्रुबेंशी  स्थित खम्बाटारमा  सम्पन्न पालिका स्तरिय पाचौँ राष्ट्रपति रनिङ शिल्ड प्रतियोगिता २०८१ का विभिन्न प्रतियोगिताहरुमा सहभागी भइ विद्यालयले ७ स्वर्ण ,६ रजत र ७ कास्य पदक प्राप्त गरी उपाधि अात परेकाे थियाे ।  त्यसैगरी नमुना एभारग्रिन इङलिस बोर्डिङ स्कुल ७ स्वर्ण २ रजत र ७ कांस्य सहित द्वितीय र हाईल्याण्ड आवासीय मावि ६ स्वर्ण ४ रजत र ७ कांस्य सहित तेस्रो भएको छ । बागमती प्रदेशको भौतिक पूर्वाधार विकास मन्त्री माननीय अमन कुमार मास्केले खेलकुदले युवाहरु माथि अनुशासन, समय ब्यबस्थापन र आत्मविश्वासमा यस्ले महत्पूर्ण भूमिका खेल्ने गरेको बताउनु भयो। युवाहरु वर्गहरुलाई लक्षित गर्दै उहाँले दर्शकको रूपमा मात्र सीमित नभई राष्ट्रको लागि उदाहारण भएर खेल्नु पर्ने बताए ,  गोसाइँकुण्ड केबल कार सञ्चालन गर्न का निम्ति मन्तीले...

  रसुवा, जिल्लामा पुर्वाधर विकास कार्यालय स्थापना भएकाे छ । बिहिबार बागमती प्रदेश सरकारका भाैतिक पूर्वाधार विकास मन्त्री अमनकुमार मास्केले पुर्वाधार कार्यालय उद्घाटन गरेका हुन् ।  पूर्वाधार विकास कार्यालय रसुवाकाे नवस्थापित कार्यालयकाे भाैतिक पूर्वाधार विकास मन्त्री अमनकुमार मास्केले एक कार्यक्रमका बीचमा ०८१ पुस ४ गते उद्धघाटन गरे । कार्यक्रममा जिल्ला समन्वय समिति प्रमुख अशाेककुमार घिमिरे, उपप्रमुख विजय लामा, संबिधान सभा सदस्य तथा नेकपा एमालेका नेताहरू जनार्दन ढकाल, प्रेम तामाङ, रास्वपाका मान बहादुर तामाङ तथा राजनीतिक दलका प्रतिनिधि, कार्यालय प्रमुख, पत्रकार सहभागी थिए ।

रसुवा,राष्ट्रिय युवा संघ नेपाल र अनेरास्ववियू रसुवाले अभियानकै रूपमा सहयाेग जुटाएर कालिका गाउँपालिका-१ ग्राङगाउँमा आगलागीबाट पीडित ३ घरलाइ राहत बितरण गरेकाे छ । स्थानीयवासी नेमा नुर्बु तामाङको घरमा जडान गरेको बिजुलीको मिटर बक्समा विद्युत सर्ट भएर सल्केको आगोले निजको एउटा घर, छिमेकी दुई जनाको  छिरिङ पेम्बा तामाङ र मान बहादुर तामाङको घर जलेर नष्ट भएको  थियाे । पीडित ३ परिवारलाइ युवा संघले संकलन गरेकाे रकमबाट २/२ बण्डल जस्तापाता खरिद गरी एक कार्यक्रम गरी प्रदान गरेकाे युवा संघ रसुवाले जनाएकाे छ ।   बण्

रसुवा, गोसाईकुण्ड गाउँपालिका–५ स्याफ्रुवेसी स्थित खम्बाटारमा गाउँपालिका स्तरीय पाँचौँ राष्ट्रपति रनिङ शिल्ड खेलकुद प्रतियोगिता सुरु भएको छ। मगंलबारदेखि सुरु भएर ४ गते सम्पन्न हुने प्रतियोगितामा पालिका भित्रका विभिन्न ८ वटा विद्यालयको सहभागीता रहेको छ। खम्बाटार चौर मैदानमा विभिन्न ४ विधाका प्रतियोगितात्मक खेल सञ्चालन हुने छ। पाँचौं राष्ट्रपति रनिङ शिल्ड प्रतियोगिताको जिल्ला समन्वय समितिका प्रमुख अशोक कुमार घिमिरेले उद्घाटन गर्नुभयो। त्यस अवसरमा उहाँले यस अन्य पालिकाको तुलनामा साच्चै पृथक तरिकाले संचालन गरेको पाइन्छ बताउनु भयो। खेलाडीलाई अनुशासनलाई ख्याल गरेर प्रतियोगितामा सञ्चालन हुने खेलमा प्रतिस्पर्धा गर्न आग्रह गर्नुभयो।  प्रतियोगितामा विजेता विद्यालयलाई रनिङ शिल्ड, ट्रफी, मेडल र प्रमाण पत्रद्वारा पुरस्कृत गरिने गाउँपालिका जनाएको छ । दोस्रो र तेस्रो हुने विद्यालयलाई पनि ट्रफी, मेडल र प्रमाणपत्रद्वारा पुरस्कृत गरिनेछ ।  साथै उक्त कार्यक्रमको समापन गर्दै पालिका प्रमुख कैसाङ नुर्पू तामाङले सुरुवात राम्रो भए संगै अन्त्य पनि उतिकै राम्रो हुने आशा रहेको र पालिकाद्वारा गर्न सकिने ह...

रसुवा, सामुदायिक वन उपभोक्ता महासंघ रसुवाले स्थानीय महासंघ बैठक तथा संगठन सुदृढीकरण कार्यक्रम सम्पन्न गरेको छ ।  गोसाइकुण्ड गाउँपालकामा स्थायीय महासंघका भएको कार्यक्रममा जिल्ला महासंघका अध्यक्ष हेमनाथ खतिवडा, कोषाध्यक्ष न्हिमाटासी तामाङले सामुदायिक वन उपभोक्ता समुहले बिधान र कार्ययोजना अनुरुप लेखा परिक्षण वार्षिक साधारण सभा, प्यान र आयव्याय सार्वजनिक गर्ने तथा नियमित बैठक गरी नियमानुसार सञ्चालन हुनुपर्नेमा जोड्दिए ।  महासंघ तथा डिभिजन वन कार्यालयसँग समन्वय गरेर समुहलाइ गतिशील बनाउनु पर्ने र सीप तथा क्षमता अभिबृद्धि, बृक्षरोपण तथा संरक्षणको काममा सहयोग गर्नुपर्ने सहभागीहरूले बताए ।   कार्यक्रममा सहभागी पासाङ तामाङले रसुवागढी जलविद्युत आयोजनाले तार ताने वापतको संझौता अनुसारको रकम भुक्तानी नगरेको बताए ।  स्थानीय दावायाङजेन तामाङले धेरैजसो समुहको वन कार्यालयोजना पुनरावलोकन गर्न नसकेकोको बताइन् । उनले समूहको आम्दानी नहुने र डिभिजन वन कार्यालयको कार्ययोजनामा नपरेको कारण यहाँका उपभाेक्ता समुहहरु पछि परेको बताइन् ।  “वनको दिगो व्यवस्थापनको लागि सामुदायिक अधिकार, उद...

रसुवा, लैङ्गिक हिसा बिरुद्धको १६ दिने अभियान अन्तर्गत रसुवामा बिभिन्न सामाजिक संस्थाहरुले संयुक्त रुपमा उत्तरगया गाउँपालिकामा ¥याली, सभा तथा हस्ताक्षर संकलन अभियान थालेका छन् ।  ‘हामी सबैको प्रतिवद्धता : लौङ्गिक हिंसा अन्त्यको लागि एक्यवद्धता’ भन्ने नाराका साथ बेत्रावती बजारबाट निस्केको अनुपम अभियान ¥याली कैदलेटारहुँदै खाल्टे स्थित गाउँपालिका पुगेर सभामा परिणत भयो ।  नागरिक संस्थाहरुको हस्ताक्षर संकलन अभियानमा उत्तरगया गाउँपालिका अध्यक्ष माधवप्रसाद अर्याल, उपाध्यक्ष चमेली गुरुङ र वडा अध्यक्षहरु मारसिं तामाङ, टुकु सुवेदी, यमनाथ आचार्य, अमर बुलुनलगायत कार्यपालिका सदस्यहरु, गाउँसभा सदस्यहरु, कर्मचारीहरु, गैसस महासंघ, सामुदायिक वन उपभोक्ता महासंघका प्रतिनिधिहरुले एक्यवद्धता जनाउदै हस्ताक्षर गरी सभाको सुरु भयो ।  साे सभामा अधिकारकर्मी हेमनाथ खतिवडा, गायत्री लामिछाने, टेवा नेपालकी संगीता प्रेमी, वडा अध्यक्षहरू सुकु सुवेदी, यमनाथ आचार्य, अमर बुलुन, गाउँपालिका उपाध्यक्ष चमेली गुरुङ, गाउँपालिका अध्यक्ष मावअप्रसाद अर्याललगायतका बक्ताले महिला अधिकारको रक्षाका लागि गाउँ, घर र समाज सच...

  रसुवा, स्थानीय तहका निर्वाचित जनप्रतिनिधिलाई जलवायु उत्थानशील कार्यसुदृढीकरणको लागि सचेतना मूलक अभिमुखीकरण कार्यक्रम मंसिर २३ गते नाैकुण्ड गाउँपालिकामा सम्पन्न भयाे ।  राष्ट्रिय प्रकृति संरक्षण कोष तथा अन्य राष्ट्रिय सरोकारवालाहरूसँगको सहकार्यमा हरित जलवायु कोषको सहायतामा गण्डकी जलाधार जलवायु उत्थानशील आयोजना क्षेत्रमा संकटासन्न समुदाय तथा पारिस्थतिकीय प्रणालीको जलवायु उत्थानशीलता सुधार ल्याउने, जलवायुजन्य विपद्, जोखिम न्यूनीकरण, विपद् प्रतिकार्य, प्रकृतिमा आधारित समाधान, जलवायु उत्थानशिलता, जलवायु कोडिङलगायतका विषयहरूमा स्थानीय सरकार र नागरिक समाजका प्रतिनिधिहरूको क्षमता अभिवृद्धि गर्ने उद्देश्यले कार्यक्रम गरिएकाे गैसस महासंघ रसुवाका काेषाध्यक्ष गायत्री लामिछाने रिमालले बताइन् ।  सहभागीहरू सामुदायिक वन उपभाेक्ता महासंघ नाैकुण्ड स्थानीय महासंघका शारदा गुरूङले जलवायु परिवर्तनले अहिले नै पानीकाे मूल सुक्दै गएकाेले पानीकाे समस्या देखा गर्न थालेकाे बताइन् । गाउँ कार्यपालिका सदस्य सुमिना नेपालीले जलवायु परिवर्तन बारे धेरै नयाँ कुरा थाहा भएकाे बताइन् ।  गाउँपालिका ...

  रसुवा, सुन जस्तो देखिने पहेंलो धातु सहित एकजना  प्रहरीले  गिरफ्तार मंसिर २३ गते गरेकाे छ ।   गोसाईकुण्ड गापा वडा नं. ०२ मा मित्र राष्ट्र चीनको केरुङबाट नेपालतर्फ आउदै गरेको पैदलयात्री जिल्ला रसुवा गोसाईकुण्ड गा.पा वडा नं. ०१ थुमन बस्ने वर्ष ४१ को मिङमार छिरिङलाई प्रहरीले गिरफ्तार गरेकाे हाे ।  इलाका प्रहरी कार्यालय टिमुर रसुवा र प्रहरी चौकी रसुवागढीबाट खटिएको प्रहरी टोली, रसुवा भन्सार कार्यालय र सशस्त्र प्रहरी बल नेपालको संयुक्त टोलीले चेकजाँच गर्ने क्रममा निजको साथबाट एक थान बेरुवा औठी र कम्मरमा बाध्ने छालाको जस्तो देखिने कम्मर पेटी (वेल्ट) को बकल सुन जस्तो देखिने पहेंलो धातुको बनाई बाहिर कालो रङ लेपन गरी कम्मरमा बाधेर लुकाई छिपाई ल्याएको अन्दाजी २४७.९७ ग्राम रहेकाे छ ।  जसकाे मुल्य रु. ३१,८२,५७०.९६ को सुन जस्तो देखिने पहेलो धातु र मानिस सहित नियन्त्रणमा लिई थप अनुसन्धानको लागि रसुवा भन्सार कार्यालय टिमुरे रसुवामा बुझाईएको प्रहरीले जनाएकाे छ । 

रसुवा , लैङ्गिक हिसा बिरुद्धको १६ दिने अभियान अन्तर्गत रसुवामा बिभिन्न सामाजिक संस्थाहरुले संयुक्त रुपमा कालिका गाउँपालिकामा हस्ताक्षर संकलन अभियान थालेका छन् ।  ‘हामी सबैको प्रतिवद्धता : लौङ्गिक हिंसा अन्त्यको लागि एक्यवद्धता’ भन्ने नाराका साथ अनौपचारिक क्षेत्र सेवा केन्द्र (इन्सेक) लगायत सामाजिक संस्थाहरुले आज कालिका गाउँपालिकामा हस्ताक्षर संकलन अभियान थालेका हुन् ।  सामुदायिक वन उपभोक्ता महासंघ जिल्ला तथा स्थानीय महासंघ, गैसस महासंघ, मानव अधिकार एलाइन्स, कालिका हिमालय एसएलसी २०५६ ब्याच, मानव अधिकार तथा सामुदायिक विकास स्राेत केन्द्र, नेपाल स्वयमसेवी रक्तदाता समाजलगायतका सामाजिक संस्थाहरुले लैङ्गिक हिसा बिरुद्धको १६ दिने अभियान अन्तर्गत हस्ताक्षर संकलन गरेका हुन् । 

  रसुवा,  बागमती प्रदेश सरकारका स्वास्थ्य मन्त्री किरण थापाले मंसिर १० गते बागमती प्रदेश सरकारकाे नेतृत्वमा रहेकाे स्वास्थ्य मन्त्रालयका टाेली सहित रसुवा भ्रमणमा रहेका छन् । टाेलीले रसुवाकाे सेवा प्रबाहकाे अवस्था बारे जानकारी लिएकाे छ । अस्पताल,जिल्ला जनस्वास्थ्य कार्यालय,आयुर्वेद तथा वैकल्पिक चिकित्सालयकाे अनुगमन गरी यहाँकाे समस्यालाइ पहिलाे प्राथमिकतामा राख्ने समेत बताए । मन्त्री थापाले संघ, प्रदेश, स्थानीय तहकाे सहयोग र समन्वयकाे प्रयासलाई निरन्तरता सहित अनुगमनका क्रममा अस्पताल भवन निर्माण प्रक्रिया अघि बढाउने, कर्मचारी आवास गृह निर्माणलाई विशेष प्राथमिकताको साथ अगाडि बढाउने, अस्पताल, जनस्वास्थ्य कार्यालय र आयुर्वेद तथा वैकल्पिक चिकित्सालयको संयुक्त डिपिआर तयारी गर्ने बताए । उनले कर्मचारी आवास निर्माणको विषयमा मन्त्रीले विशेष प्राथमिकताका साथ निर्देशन समेत दिए । जिल्ला समन्वय समिति र स्थानीय सरकारले मन्त्रीकाे स्वागत गरेका थिए ।