उत्तरगयाधाममा महायज्ञमा पूर्वयुवराज पारस शाह

 

​

रसुवा, रसुवा र नुवाकोट जिल्लाको सङ्गमस्थल, पवित्र तथा प्रसिद्ध धार्मिक तीर्थस्थल उत्तरगयाधाम बेत्रावतीमा सोमबारदेखि सञ्चालित पितृमोक्ष महायज्ञमा विहीबार पूर्वयुवराज पारस शाहको उपस्थिति रहेको छ ।

शाहले उत्तरगयाधाममा पूजा-आराधना गरी धार्मिक आस्था प्रकट गर्नुभएको छ । ​गुरु गोरखनाथ पीठ सिद्धाञ्चल, मृगस्थली, काठमाडौँको आह्वानमा सञ्चालन भइरहेको यो महायज्ञ आगामी कात्तिक २० गतेसम्म सञ्चालन हुनेछ । गत भदौ १० गते आएको विनाशकारी बाढीका कारण अकालमा ज्यान गुमाएकाहरूको आत्माको शान्ति तथा दिवङ्गत पितृहरूको मोक्षको कामना गर्ने पवित्र उद्देश्यका साथ यो महायज्ञ आयोजना गरिएको आयोजक समितिले जनाएको छ।