आमाछोदिङमो गाउँपालिका–१ र २ को हाकुबेसीदेखि ठूलोहाकु, नेसिङ हुँदै ग्रेगाउँ जोड्ने सडकका लागि कम्पनीले पुर्वसहमति अनुसार ४५ करोड रुपैयाँ विनियोजन गरेपनि स्थानीयको माग अनुसार नभएको स्थानीय सुब्बा तामाङले बताए ।
गुणस्तरिय कामका लागि स्थानीय निर्माण कम्पनीहरूलाइ योजना नदिन स्थानीयको माग रहेको छ । बुधबार भएको छलफलमा सहभागी गाउँपालिका अध्यक्षले नै समझदारी गराउनुको साटो हातपात गरेको बताए ।
सडक मर्मतका लागि गाउँपालका र कम्पनी बीच १ वर्ष अघि नै सहमति भएको र काम गर्नका लागि २० दिन अघि नै ६ वडा कम्पनीलाइ कार्यादेश दिए पनि काम सुरु हुन नसकेको गाउँपालिका अध्यक्ष बुचुङ तामाङले बताए । उनले भने केही युवाहरूले कम्पनीले नै काम गर्न भने पनि उनीहरूले सहमतिमा काम गर्न भने पनि अवराेध हुन भएन ।
स्थानीय तहका जनप्रतिनिधिहरुले आफ्नै निर्माण कम्पनीमार्फत काम गर्न लागेको युवाहरूकाे आरोप छ । उनीहरुले यस अघि गरेको कामका आधारमा गुणस्तरिय काम नहुने स्थानीयको गुनासो छ । वडा अध्यक्ष, गाउँपालिका अध्यक्ष र उनका भाइ हाकु माविका प्रधानाध्यापक दावा नोर्चुङ तामाङ, स्थानीय साङतेम्पा तामाङ, तेम्रेल तामाङलगायतका ६ वटा निर्माण कम्पनीलाइ काम गर्न दिने सहमति भएको कम्पनीले जनाएको छ ।
गाउँपालिका अध्यक्षले हातपात गरी २ जनालाइ चोटपटक लागेको छ जन प्रतिनिधिकै दादागिरी छ यस्ताे भए कसरी सहमति हुन्छ ? मंगलबार भएकाे भेलामा गाउँपालिका अध्यक्ष बुचुङ तामाङले कुटपीट गरेकाे स्थानीयले सुब्बा तामाङले बताए । उनले भने शान्तिपूर्ण रूपमा सम्पन्न गर्ने हाम्रो स्पष्ट उद्देश्य थियो। तर गाउँपालिका प्रमुख स्वयं फर्ममा संलग्न रहेको अवस्थामा पनि स्थानीय युवासँग गाउँपालिका प्रमुखबाट हातपात भएको घटनाप्रति हामी गम्भीर आपत्ति जनाउँछौँ।
शान्तिपूर्ण रूपमा आफ्ना जायज माग राखिरहेका स्थानीय युवामाथि भएको यस प्रकारको व्यवहार निन्दनीय तथा कानून विपरीत छ। यस्तो अवस्थामा स्थानीय युवाहरूको सुरक्षा र संरक्षणको जिम्मेवारी कसले लिने भन्ने प्रश्न गम्भीर रूपमा उठेको छ।
कोरियाली लगानीकर्ताको लगानीमा बन्ने ‘माथिल्लो त्रिशूली–१’२१६ मेगावाट क्षमताको सो जलविद्युत् आयोजनाको निर्माणाधीन अवस्थामा स्थानीयसँग धेरै बिबाद हुने गरेकाे छ । आयोजना निर्माण आगामी सन् २०२६ सम्ममा सम्पन्न गरिसक्ने आयोजना प्रवर्धक नेपाल वाटर एन्ड इनर्जी डेभलपमेन्ट कम्पनीको लक्ष्य छ ।
कुल अनुमानित लागत ६४ करोड ७३ लाख अमेरिकी डलर (निर्माण अवधिको ब्याजसहित) रहेको आयोजनामा स्थानीय लगानीकर्ताको १० प्रतिशत बाहेक सबै स्वामित्व तथा ऋण विदेशीकै रहेको छ । अन्तर्राष्ट्रिय वित्तीय संस्थाहरूले ४५ करोड ३२ लाख अमेरिकी डलर लगानी गर्ने सम्झौता गरेका छन् । बाँकी १९ करोड ४२ लाख अमेरिकी डलर रकम स्वपुँजी जुटाइएको छ ।
मंगलबार भएकाे छलफलमा भएकाे बिबाद भिडियाेमा हेर्नुहाेस् ।
0 Comments :
Post a Comment