रसुवा, स्रष्टा घर रसुवाको आयोजनामा कालिका गाउँपालिका-२, कालिकास्थानस्थित कालिका मन्दिर परिसरमा ११८औँ लक्ष्मी जयन्ती नेपाली साहित्यकार तथा स्थानीय स्रष्टाहरूद्वारा विभिन्न साहित्यिक गतिविधिहरू सञ्चालन गरी भव्य रूपमा मनाइयो।
साे अवसरमा माेतनाथ धिताल, प्रेमप्रसाद पाैडेल, झंकनाथ न्याैपाने, शिशिर न्याैपाने, रूद्रप्रसाद , हेमन्त खतिवडा, अंकिता न्याैपानेलगायतका सर्जकहरूले सिर्जना तथा देवकाेटाकाे जीवनी चर्चा गरेका थिए ।
रसुवा, बाढी प्रभावित रसुवाको पुननिर्माण लगायत निर्णय गरी शुक्रबार जिल्ला विपद् जोखिम न्यूनीकरण तथा व्यवस्थापन समितिको बैठक सम्पन्न भएको छ ।
बैठकमा रसुवा भोटेकोशी बाढीका कारण सम्पर्क विहीन वा बेपत्ता भएका व्यक्तिहरूको विवरण एकिन गर्ने सम्बन्धमा छलफल गरिएको छ। जिल्ला स्थित स्थानीय तहहरूको वडा कार्यालयमा प्राप्त निवेदनका आधारमा सम्बन्धित स्थानीय विपद् जोखिम न्यूनीकरण तथा व्यवस्थापन समितिले गरेको निर्णय अनुसार बाढीका कारण सम्पर्क विहीन वा बेपत्ता भएका व्यक्तिहरूको विवरण एकिन गर्ने र उक्त विवरणलाई औपचारिक रूपमा अनुमोदन गरी राष्ट्रिय विपद् जोखिम न्यूनीकरण तथा व्यवस्थापन प्राधिकरण, सिंहदरबारमा सिफारिस गर्ने निर्णय गरिएको छ ।
साथै भोटेकोशी बाढी प्रभावितका लागि बसोबास र जीविकोपार्जन अनुदान रकम वितरण प्रक्रिया, २०८३ बमोजिम लाभग्राहीको पहिचान गर्ने विषयमा समेत विस्तृत छलफल भएको छ। सो अवसरमा आमाछोदिङमो गाउँपालिका– १ हाकुबेसी गाउँका १ सय ५६ घर उच्च जोखिममा परेकोले बस्ती अन्यत्र सार्न स्थानीयले माग गरेका छन् ।
बाढीका कारण नदि कटान र पहिरोको जोखिममा परेकोले सरकारले सुरिक्षात आवासको अधिकार दिनुपर्ने बताउदै हाकुबेसीका निमा कैसाङ तामाङले बाढी पछि गाउँ पहिरोको जोखिममा रहेकोले अन्यत्र सर्नुपर्ने बताए । प्रमुख जिल्ला अधिाकारी कमल प्रसाद पाण्डेले भूगर्भविदले अध्ययन गरेपछि निणर्य लिने बताउनुभयो ।
हेमनाथ खतिवड
रसुवा, गत भदौ १० गते गएको विनाशकारी बाढीबाट प्रभावित उत्तरगयाका बाढीपीडितहरूलाई हिमानी ट्रस्टले बिहीबार राहत वितरण गरेको छ ।
रसुवा, नेपाली कांग्रेस रसुवा देउवा समूहको बिहीबार सदरमुकाम धुन्चेमा सम्पन्न १५औँ नियमित जिल्ला अधिवेशनबाट उपेन्द्रराज लम्साल सभापतिमा सर्वसम्मत चयन भएका छन् ।
बिहिवार सदरमुकाम धुन्चेमा सम्पन्न जिल्ला अधिवेशनले दुईवटा प्रदेश समिति र पाँचवटा गाउँपालिकाका सभापति पनि सर्वसम्मत चयन गरेको छ । जस अनुसार प्रदेश सभा क को सभापतिमा तेम्पानुर्पु तामाङ र ख को सभापतिमा धनबहादुर गुरुङ चयन भएका छन् ।
त्यसैगरी, गाउँपालिकातर्फ नौकुण्ड गाउँपालिकाको सभापतिमा डिवराज न्यौपाने, कालिकामा माधव न्यौपाने, उत्तरगयामा ध्रुवप्रसाद आचार्य, आमाछोदिङ्मोमा चेरसिंग तामाङ र गोसाइँकुण्ड गाउँपालिकाको सभापतिमा प्रकाश तामाङ चयन भएका छन् ।
अधिवेशनले केन्द्रीय महाधिवेशन प्रतिनिधि, प्रदेश महाधिवेशन प्रतिनिधि तथा सभापति मात्र चयन गरेको र केन्द्रीय महाधिवेशनपछि जिल्ला, प्रदेश र पालिका समितिका पदाधिकारी तथा सदस्य थपेर कार्यसमिति पूर्ण बनाइने नवनिर्वाचित सभापति उपेन्द्रराज लम्सालले जानकारी दिए । उनका अनुसार त्यसपछि वडा अधिवेशन समेत गरिने छ ।
नयाँ जाेस् जाँगरका साथ नव युवाहरू पार्टीमा वडा र गाउँपालिका तहमा जिम्मेवारी दिने तयारीमा रहेकाे जनाइएकाे छ ।
रसुवा, भोटेकोशी हुँदै त्रिशुली नदीमा ०८३ भदौ १० गते आएको बाढीका कारण उत्तरगया गाउँपालिका–१, ४ र ५ बाट विस्थापित भई भिमसेनस्थान आधारभुत विद्यालय र सिड्स रसुवाको कार्यालय स्थित आश्रयस्थलहरुमा बसिरहेका पीडितहरुलाई यतिबेला आफ्नै आवासको बन्दोबस्तीको चिन्ता थपिएको छ ।
बाढी पीडितहरुको एउटै आवाज छ , राज्यले छिटो घर बनाइदिओस् । पीडित विमला तामाङ आफू गर्भवती रहेको बताउदै आश्रयस्थलमा भन्दा सरकारले घर बनाइदिए आफ्नै घरमा गर्भको बच्चालाई हुर्काउने बताउछन् ।
पैरेवेशी रसुवाबाट विस्थापित भएका अर्का पीडित रामचन्द्र थापा मगर बाढीमा एकै गाउँमा धेरैले ज्यान गुमाउदा गुमाएको पीडा सुनाउदै सरकारले विस्थापितहरुको दिर्घकालिन व्यवस्थापनका लागि यथाशिघ्र सुरक्षित आवासको व्यवस्था गरिनुपर्ने बताए ।
हाल यी दुई होल्डिङ सेन्टरमा ७३ जना पीडितहरुले आश्रय लिइरहेका छ्न् । जसमा ४९ जना पुरुष र २४ जना महिला रहेका छन् ।
होल्डिङ सेन्टरमा पाँच वर्ष मुनिका चार जना बालबालिका छन् भने ५ वर्षदेखि १८ वर्षका १५ जना गरी कुल २० जनाले अस्थायी आश्रय लिइरहेका छन् ।
