उत्तरगयाधाममा महायज्ञमा पूर्वयुवराज पारस शाह

 

​

रसुवा, रसुवा र नुवाकोट जिल्लाको सङ्गमस्थल, पवित्र तथा प्रसिद्ध धार्मिक तीर्थस्थल उत्तरगयाधाम बेत्रावतीमा सोमबारदेखि सञ्चालित पितृमोक्ष महायज्ञमा विहीबार पूर्वयुवराज पारस शाहको उपस्थिति रहेको छ ।

शाहले उत्तरगयाधाममा पूजा-आराधना गरी धार्मिक आस्था प्रकट गर्नुभएको छ । ​गुरु गोरखनाथ पीठ सिद्धाञ्चल, मृगस्थली, काठमाडौँको आह्वानमा सञ्चालन भइरहेको यो महायज्ञ आगामी कात्तिक २० गतेसम्म सञ्चालन हुनेछ । गत भदौ १० गते आएको विनाशकारी बाढीका कारण अकालमा ज्यान गुमाएकाहरूको आत्माको शान्ति तथा दिवङ्गत पितृहरूको मोक्षको कामना गर्ने पवित्र उद्देश्यका साथ यो महायज्ञ आयोजना गरिएको आयोजक समितिले जनाएको छ।

भोटेकोशी बाढीपीडितको आवाज स् आफ्नै घर चाहियो

 रसुवा, भोटेकोशी हुँदै त्रिशुली नदीमा ०८३ भदौ १० गते आएको बाढीका कारण उत्तरगया गाउँपालिका–१, ४ र ५ बाट विस्थापित भई भिमसेनस्थान आधारभुत विद्यालय र सिड्स रसुवाको कार्यालय स्थित आश्रयस्थलहरुमा बसिरहेका पीडितहरुलाई यतिबेला आफ्नै आवासको बन्दोबस्तीको चिन्ता थपिएको छ ।

बाढी पीडितहरुको एउटै आवाज छ , राज्यले छिटो घर बनाइदिओस् । ‎पीडित विमला तामाङ आफू गर्भवती रहेको बताउदै आश्रयस्थलमा भन्दा सरकारले घर बनाइदिए आफ्नै घरमा गर्भको बच्चालाई हुर्काउने बताउछन् । 

‎पैरेवेशी रसुवाबाट विस्थापित भएका अर्का पीडित रामचन्द्र थापा मगर  बाढीमा एकै गाउँमा धेरैले ज्यान गुमाउदा गुमाएको पीडा सुनाउदै सरकारले विस्थापितहरुको दिर्घकालिन व्यवस्थापनका  लागि यथाशिघ्र सुरक्षित आवासको व्यवस्था गरिनुपर्ने बताए । 

‎हाल यी दुई होल्डिङ सेन्टरमा ७३ जना पीडितहरुले आश्रय लिइरहेका छ्न् । जसमा ४९ जना पुरुष र २४ जना महिला रहेका छन् ।  

होल्डिङ सेन्टरमा पाँच वर्ष मुनिका चार जना बालबालिका छन् भने ५ वर्षदेखि १८ वर्षका १५ जना गरी कुल २० जनाले अस्थायी आश्रय लिइरहेका छन् । 

काठेपुल बगाएपछि उत्तरी क्षेत्रको पैदल आवागमनमा पुनः समस्या

कात्तिक १३ गते आएको अविरल वर्षाका कारण उत्तरी रसुवाको स्याफ्रु भोटेकोसी नदीमा स्थानीयवासीले जनश्रमदानबाट निर्माण गरेको काठेपुल बगाएपछि उत्तरी क्षेत्रको पैदल आवागमनमा पुनः समस्या उत्पन्न भएको छ । 

गत भदौ १० गते भोटेकोसी–त्रिशूली नदीमा आएको विनाशकारी बाढीले स्याप्र mुबेँसी बजारसँगै रहेको मोटरेबल पुल बगाएपछि स्थानीयवासीले जनश्रमदानबाट काठको फड्के निर्माण गरी पैदल आवागमन सहज बनाएका थिए । तर, यही कात्तिक १३ गते आएको अविरल वर्षाका कारण भोटेकोसी नदीमा पानीको बहाव बढ्दा काठेपुल बगाएको स्याप्र mुबेँसीका समाजसेवी नुर्पुछिरिङ तामाङले बताउनुभयो । 

बाढीले मोटरेबल पुल बगाएपछि उत्तरी रसुवाका स्थानीयवासीलाई आवतजावत गर्न सहज होस् भन्ने उद्देश्यले गोल्जुङ, गत्लाङ र चिलिमेका बासिन्दाले श्रमदान गरी गत महिना काठेपुल बनाएका थिए । पुल निर्माणमा नेपाली सेना, नेपाल प्रहरी तथा सशस्त्र प्रहरी बलका सुरक्षाकर्मीले समेत सहयोग पु¥याएको बताइएको छ । स्थानीयको श्रम र सुरक्षाकर्मीको मिहिनेतबाट निर्माण गरिएको पुल पुनः बगाएपछि स्थानीयवासी निराश भएका छन् । 

चिलिमेका बहादुर तामाङको अगुवाइमा निर्माण गरिएको काठेपुल नदीको सतहमा केही होचो स्थानमा बनाइएकाले पानीको बहाब बढ्नासाथ बगाएको स्थानीयवासीको भनाइ छ । वर्षा कम हुँदै जाने पूर्वानुमानका आधारमा पुल निर्माण गरिए पनि नदीको सम्भावित बहाब र पानीको सतहलाई पर्याप्त ध्यान दिन नसक्दा क्षति व्यहोर्नुपरेको स्थानीयवासीले बताएका छन् । पुल बगेसँगै हजारौँ स्थानीयवासीको दैनिक पैदल आवागमन प्रभावित भएको छ । राज्यको तर्फबाट निर्माण गरिएको कोक्रो (तुइन)बाट वारिपारि गर्नुपर्ने अवस्था रहे पनि त्यसमा प्रयोग भएका लट्ठा साना भएकाले यात्रा गर्न जोखिम महसुस हुने गरेको स्थानीयवासी बताउँछन् । कोक्रो तान्ने व्यक्तिको अभाव हुँदा सुरक्षाकर्मीको सहयोगमा भर पर्नुपर्ने र वारिपारि गर्न घण्टौँसम्म कुर्नुपर्ने समस्या रहेको उहाँहरूको भनाइ छ । 

काठेपुल सञ्चालनमा रहँदा सहज भएको उत्तरी रसुवाको आवागमन पुनः प्रभावित भएपछि स्थानीयवासीलाई दैनिक उपभोग्य सामग्री ओसारपसार गर्नसमेत कठिनाइ भएको छ । यसअघि काठेपुलको सहायताले बोकेर ढुवानी गर्न थालिएको गत्लाङ क्षेत्रको आलु तथा बन्दाकोपी बजारसम्म पु¥याउने कामसमेत अवरुद्ध भएको छ । एकातिर हिमाली क्षेत्रमा चिसो बढ्दै गएको र अर्कोतर्फ नदीमा आवागमनका लागि बनाइएको अस्थायी पुलसमेत बगाएपछि गत्लाङका किसान थप चिन्तित बनेका छन् । बारीमा उत्पादन भएको आलु तथा बन्दाकोपी समयमै बजार पु¥याउन नसक्दा उत्पादन बिग्रने र आर्थिक नोक्सानी व्यहोर्नुपर्ने चिन्तामा कृषक रहेका छन् । स्थानीय पूर्वाधारको स्थायी व्यवस्था नहुँदा उत्तरी रसुवाका बासिन्दाले पटकपटक आवागमनको समस्या भोग्नुपरेको छ । 

उत्तरगयाधाममा पितृमोक्षका लागि हवन् महायज्ञ सुरु

 

​रसुवा, रसुवा र नुवाकोट जिल्लाको सङ्गमस्थल पवित्र तथा प्रसिद्ध धार्मिक पर्यटकीय तीर्थस्थल उत्तरगयाधाम बेत्रावतीकाे साँस्कृतिक पुनस्थापनाका लागि सोमबारदेखि पाँचदिने पितृमोक्ष हवन् महायज्ञ सुरु भएको छ ।

​गुरु गोरखनाथ पीठ सिद्धाञ्चल, मृगस्थली, काठमाडौँको आह्वानमा सञ्चालन सुरू भएकाे साे हवन महायज्ञ आगामी कात्तिक २० गतेसम्म सञ्चालन हुने छ । ​गत भदौ १० गते आएको विनाशकारी बाढीका कारण अकालमा ज्यान गुमाएकाहरूप्रति आत्मशान्ति तथा दिवङ्गत पितृहरूको मोक्षकामना गर्ने पवित्र उद्देश्य सहित हवन् महायज्ञ आयोजना गरिएको आयोजक समितिले जनाएको छ।

स्थानीयकाे समेत सहभागितामा हवन् मण्डप लगार गरी बगरमा तीतेपाती तथा चरू हवन् गरी पितृ माेक्ष तथा विश्व शान्तिकाे कामना गरी थालनी भएकाे हवन् महायज्ञबाट पवित्र उत्तरगया धामकाे साँस्कृतिक पुनस्थापनामा समेत मद्दत मिल्ने सहभागी प्रल्हाद खतिवडाले बताए ।

नेपाल–तिब्बत युद्धका क्रममा नेपाली पक्ष विजयी भएपश्चात् दुई देशबीच ‘बेत्रावती सन्धि’ भएको स्थानको ऐतिहासिक ढुङ्गाको संरक्षणका लागि स्थानीयले सक्रियता देखाएको हो। बाढीमा बगेकाे बजार तथा धाम लगायत अन्य संरचना र बेत्रावती सन्धिस्थलको संरक्षणसहित प्रवर्द्धनका कार्य अघि बढाउन लागिरहेको सन्दर्भमा पुरातात्त्विक संरचनाको पुनर्निर्माणमा सरकारले जाेड् दिनुपर्ने स्थानीय दिनकृष्ठ श्रेष्ठले बताए ।

बाढीले ध्वस्त पारेको ऐतिहासिक उत्तरगयाधाम र स्थानीय कला, संस्कृति र परम्पराको पनि पुनस्थापा गर्नुपर्ने स्थानीय शशी डंगोल बताउछन् ।

उत्तरगयाका महिला स्वास्थ्य स्वयंसेविकाहरूका लागि क्षमता अभिवृद्धि कार्यक्रम सुरु

​रसुवा, उत्तरगया गाउँपालिका-५ माझागाउँमा मानसिक स्वास्थ्य सेवा विस्तार तथा क्षमता अभिवृद्धि सम्बन्धी कार्यक्रम सुरु भएको छ ।

​उत्तरगया गाउँपालिकाका महिला स्वास्थ्य स्वयंसेविकाहरूलाई लक्षित गरी तीन दिने मानसिक स्वास्थ्य सेवा विस्तार तथा क्षमता अभिवृद्धि तालिम सोमबारबाट सुरु भएको हो । उक्त कार्यक्रममा उत्तरगया गाउँपालिकाभित्रका महिला स्वास्थ्य स्वयंसेविकाहरूको सक्रिय सहभागिता रहेको छ ।

​Wiseđena Foundation, 8xmille, Unione Buddhista Italiana, ASIA र PiPAL को संयुक्त सहकार्यमा यो कार्यक्रम आयोजना गरिएको आयोजक संस्थाले बताएकाे छ ।

यस कार्यक्रमले स्थानीय स्तरमा मानसिक स्वास्थ्य सेवाको पहुँच विस्तार गर्न तथा सम्बन्धित क्षेत्रका जनशक्तिको क्षमता अभिवृद्धि गर्न महत्त्वपूर्ण सहयोग पुर्‍याउने अपेक्षा गरिएको एसिया नेपालका उमेश भट्टराइले बताए ।

संविधानसभा सदस्य तथा एमालेका नेता तामाङको अन्त्येष्टि

 

राष्ट्रिय सम्मानका साथ अन्तिम बिदाइ तस्वीर : दिपक लामा

रसुवा, जिल्लाको कम्युनिष्ट आन्दोलनका अग्रज व्यक्तित्व, नेकपा (एमाले) का केन्द्रीय सल्लाहकार परिषद्का सदस्य तथा संविधानसभा सदस्य ६५ वर्षिय छोवाङ तेन्जेन तामाङको पार्थिव शरीरमा पार्टीको झण्डा ओढाएर नेता तथा कार्कर्ताहरू र स्थानीयले अन्तिम श्रद्धाञ्जली अर्पण गरिएको छ।

​गोसाइँकुण्ड गाउँपालिका वडा नं. ६, धुन्चे निवासी तामाङको शनिबार बिहान निधन भएको हो। उनको निधनले रसुवाको राजनीतिक तथा सामाजिक क्षेत्रमा अपूरणीय क्षति पुगेको छ। ​धुन्चेमा आयोजित श्रद्धाञ्जली कार्यक्रममा नेकपा एमाले बागमती प्रदेश कमिटीका अध्यक्ष कैलाश ढुङ्गेलले तामाङको पार्थिव शरीरमा पार्टीको झण्डा ओढाएर सबैले भावपूर्ण श्रद्धाञ्जली अर्पण गरे ।

गोसाइँकुण्ड गाउँपालिकाका अध्यक्ष तथा नेकपा एमाले जिल्ला कमिटी अध्यक्ष कैसाङनुर्पु तामाङले उहाँको निधनले रसुवाको राजनीतिक तथा सामाजिक क्षेत्रमा अपूरणीय क्षति पुगेको बताए ।

त्यसैगरी, प्रतिनिधिसभा सदस्य मोहन आचार्य, संविधानसभा सदस्यद्वय प्रेम तामाङ र जनार्दन ढकालले उहाँको पार्थिव शरीरमा नेपालको राष्ट्रिय झण्डा ओढाएर सम्मान व्यक्त गरे । अन्तिम श्रद्धाञ्जली सभामा विभिन्न राजनीतिक दलका नेता, कार्यकर्ता, समाजसेवी तथा सर्वसाधारणको उल्लेख्य उपस्थिति रहेको थियो ।

​कम्युनिष्ट आन्दोलनलाई स्थापित गर्न अग्रणी भूमिका निर्वाह गर्नुभएका तामाङ नेकपा (एमाले) रसुवाका संस्थापक सदस्य हुन् । उनले आफ्नो जीवनको लामो कालखण्ड रसुवाको राजनीतिक, सामाजिक र साङ्गठनिक विकासमा समर्पित गरे । २०५४ सालको स्थानीय निकायको निर्वाचनमा साविक धुन्चे गाउँविकास समितिको अध्यक्षका रूपमा निर्वाचित भई उनले गाउँमा संस्कार सुधार तथा जनसेवाको सुरुआत गरेका थिए ।

उनले ​पार्टी संगठन निर्माणका क्रममा नेकपा (एमाले) रसुवाको जिल्ला सचिव, अध्यक्ष र प्रदेश सदस्यहुँदै केन्द्रीय सल्लाहकार परिषद् सदस्यको जिम्मेवारीसम्म पुगे । बि सं २०७० सालको निर्वाचनमा संविधानसभा सदस्य भई नेपालको नयाँ संविधान निर्माणको ऐतिहासिक यात्रामा रसुवा जिल्लाको तर्फबाट महत्वपूर्ण जिम्मेवारी निर्बाह गरेका थिए । २०७९ सालको आमनिर्वाचनमा नेकपा (एमाले) का तर्फबाट प्रतिनिधिसभा सदस्यका उम्मेदवार समेत भएका थिए ।

सामाजिक क्षाेत्रमा समेत यहाँकाे ठूलाे याेगदान रहेकाे छ । उनले सैसस महासंघ, शिक्षक संगठन र घरेलु तथा साना उद्याेग महासंघमा समेत स्थापनाकालमा नेतृत्वदायी भूमिका निर्वाह गरेका थिए । शव यात्रामा जिल्ला स्थित नागरिक समाजका अध्यक्ष तथा जिल्ला स्थित नेता, कार्यकर्ता र जिल्लावासीकाे सहभागिता रहेकाे थियाे ।

स्वास्थ्यकर्मीहरूको क्षमता विकास अभिमुखीकरण सम्पन्न

 

बालबालिका तथा किशोर किशोरीको मानसिक स्वास्थ्य परीक्षण, प्रारम्भिक पहिचान तथा प्रेषण सम्बन्धी स्वास्थ्यकर्मीहरूको क्षमता विकास अभिमुखीकरण कार्यक्रम २०८३ कात्तिक १४ गते विदुर नगरपालिका–४, नुवाकोटमा सम्पन्न भयाे । 

सिविन नेपालको आयोजना तथा प्लान इन्टरनेशनलको सहयोगमा सञ्चालित कार्यक्रममा ४६ जना सहभागी मध्ये ३४ महिला र १२ पुरुष थिए।  अभिमुखीकरणमा विभिन्न स्वास्थ्य संस्थाका ३८ जना स्वास्थ्यकर्मीको सहभागिता रहेको कार्यक्रममा मानसिक स्वास्थ्य समस्या, तनाव, चिन्ता, डिप्रेसन, प्रारम्भिक पहिचान, मनोसामाजिक परामर्श तथा प्रेषण प्रक्रियाबारे जानकारी प्रदान गरिएको थियो।

क्लिनिकल साइकोलोजिस्ट डा अञ्जन ढकाल तथा मनोचिकित्सक डा. भीष्म के.सी. र डा. शुभा श्रेष्ठले सहजीकरण गरेका थिए । कार्यक्रममा कान्ति बाल अस्पतालमार्फत टेलिपरामर्श तथा फलोअप सेवाको व्यवस्था बारे समेत जानकारी दिइएको थियो।