दुई जेष्ठ नागरिक उद्यमी सम्मानीत

रसुवा , नेपाल कपडा तथा सिलाइ व्यवसायी महासंघले २ जना दलित जेष्ठ नागरिकलाइ सम्मान गरेको छ । 

महासंघको आफ्नो सातौं स्थापना दिवसको अवसर पारेर २ जना दलित जेष्ठ नागरिकलाइ सिलाइ उद्यमी सम्मान कार्यक्रममा सम्मानीत हुनेमा कालिका गाउँपालिका– ५ की उजेली नेपाली र उत्तरगया गाउँपालिका–५ का कृष्णबहादुर दर्जीलाइ सम्मानीत गरेको हो । उनीहरु दुवै जना जेष्ठ नागरिक हुन् । नेपाल कपडा तथा सिलाइ व्यवसायी महासंघ रसुवाकाे सिफारिसमा सम्मानीत गरिएकाे रसुवा शाखाकी अध्यक्ष सुमित्रा सापकोटाले बताइन्  ।

तस्वीर : सुमित्रा सापकोटा 

हाकुकाे वनमा लागेको डँढेलो नियन्त्रणमा

रसुवा, आमाछोदिङमो गाउँपालिका १ हाकु स्थित रिलुपाखा सामुदायिक वनमा लागेको डँढेलो नियन्त्रणमा आएको छ । 

ठूलोहाकु गाउँ नजिकै रहेको रिलुपाखा सामुदायिक वनमा लागेको डँढेलो डिभिजन वन कार्यालयको टिम र हाकु प्रहरी चौकीका प्रहरीले रातभर खटेर नियन्त्रणमा लिएको डिभिजन वन कार्यालयका डिभिजनल वन अधिकृत शम्भु तामाङले बताए । 

२ दिन अघिदेखि लागेको आगो वन कर्मचारी र हाकु प्रहरी चौकीका प्रहरी सहित स्थानीय अगुवा वाङटासी लामा समेत भई नियन्त्रण गरेको बताए । डँढेलोले करिब १.५ हे.जति वन क्षेत्र डढेलोले नष्ट भएको छ । 

स्थानीय सामुदायिक वन उपभोक्ता समुहहरु निश्क्रिय रहेको र डँढेलो नियन्त्रण तथा वन संरक्षणमा उपभोक्ताको संक्रियता नदेखिएको स्थानीय सानु तामाङ बताउछन् । 

नाै ९ जना उम्मेदवारको जमानत जफत

रसुवा, प्रतिनिधिसभा सदस्य निर्वाचन २०७२ अन्तर्गत रसुवामा नौ उम्मेदवारको जमानत जफत भएको छ । खसेको सदर मतको १० प्रतिशत मत ल्याउन नसकेका नौजना उम्मेदवारले १० प्रतिशत मत ल्याउन नसक्दा जमानत जफत भएको हो । 

मुख्य निर्वाचन अधिकृत ध्रुवप्रसाद उप्रेतीका अनुसार धरौटी जफत हुनेमा ६ दल र तीन स्वतन्त्र उम्मेदवार रहेका छन् । प्रतिनिधिसभा सदस्य निर्वाचन ऐन, २०८२ को दफा ६४ बमोजिम जमानत जोगाउन नसक्नेमा नेकपाका माधवप्रसाद लामिछाने, उज्यालो नेपालका मानबहादुर तामाङ, मंगोल नेसनल अर्गनाइजेसनका विनोद थिङ, राष्ट्रिय प्रजातन्त्र पार्टीका हरिप्रसाद घिमिरे, प्रगतिशील लोकतान्त्रिकका दावामिङ्मार तामाङ र नेकपा (माओवादी) का होमप्रसाद आचार्य छन् । 

यसैगरी, स्वतन्त्र उम्मेदवार बनेका चित्रकुमारी देवकोटा, मिङ्मार तमाङ र सागर लामाले पनि धरौटी जोगाउन सकेनन् । निर्वाचनमा खसेको सदर मतको १० प्रतिशत प्राप्त गर्नुपर्नेमा सो प्रतिशत नपुगेका कारण उहाँहरूको धरौटी जफत भएको र सो रकम राज्यकोषमा सदर स्या गरिने जनाइएको छ । नियमअनुसार उम्मेदवार दर्ता गर्दा पुरुषले १० हजार रुैयाँ र महिलाले पाँच हजार रुपैयाँ राजस्व खातामा शुल्क दाखिला गर्नुपर्नृ नियम रहेको छ । 

नौ वटा दल र तीन स्वतन्त्र गरी कुल १२ जना उम्मेदवारमध्ये विजयी उम्मेदवार काङ्ग्रेसका मोहन आचार्य, रास्वपाका वसन्त भट्ट र नेकपा (एमाले)का प्रेम तामाङले नियमअनुसार धरौटी रकम फिर्ता पाउने बताइएको छ । निर्वाचन कार्यालयले निर्वाचन ऐन नियमअनुसार दल र स्वतन्त्र उम्मेदवार सबैलाई चुनावी खर्च विवरण ३५ दिनभित्र बुझाउन आइतबार पत्राचार गरिएको जिल्ला निर्वाचन अधिकारी राजन रायले बताए । 

वन डढेलो नियन्त्रण तथा व्यवस्थापनको लागि जनचेतना मुलक र्‍याली

रसुवा , सामुदायिक वनमा हुने डढेलो नियन्त्रणका लागि रसुवामा विशेष अभियान सञ्चालन गरिएको छ। डिभिजन वन कार्यालय रसुवाको आयोजना तथा सामुदायिक वन उपभोक्ता महासंघ रसुवाको सहकार्यमा सचेतना मूलक र्‍याली र कोणसभा गरी डढेलो नियन्त्रण बारे  जनचेतना मुलक र्‍याली गरिएकाे छ । 

वन डढेलो नियन्त्रण तथा व्यवस्थापन सचेतना सप्ताह ९चैत्र १-७ ० र्‍यालीमा प्रहरी तथा सुरक्षाकर्मीहरू, कर्मचारी, नागरिक समाज,सञ्चारकर्मी,उपभोक्ताहरू सहभागी थिए । 

कार्यक्रममा जिल्ला प्रशासन कार्यालयका सहायक प्रमुख जिल्ला अधिकारी द्रुवप्रसाद अधिकारी, जिल्ल समन्वय समितिका उपप्रमुख विजय लामा,डिभिजन वन कार्यालयका डिभिजनल वन अधिकृत शम्भु तामाङले सामुदायिक वनमा हुने आगलागी नियन्त्रण तथा व्यवस्थापनमा स्थानीय समुदायको महत्वपूर्ण जिम्मेवारी हुने भएकोले सबै सरोकारवालाहरू गम्भीर भएर लाग्नुपर्ने बताए । 

सरोकारवालाहरू सामुदायिक वनमा आगो लगाउने व्यक्ति पत्ता लगाएर कानुनी कारवाहीको दायरामा ल्याउनुपर्नेमा जोड् दिएका छन्। 

वन डढेलो नियन्त्रण तथा व्यवस्थापन सचेतना सप्ताह ९चैत्र १(७, २०८२० वन डढेलो नियन्त्रण तथा व्यवस्थापनको लागि आज धुन्चेबाट जनचेतना र्‍याली सहित प्रभातफेरी गरी शुरुवात गरिएको हो । श्री श्रीनाथ गणका गणपति, नेपाल प्रहरीका प्रनाउ, सशस्त्र प्रहरी वल,नेपाल २० नं गुल्मका गुल्मपति, कार्यालय प्रमुखहरु, नागरिक समाजका अध्यक्ष, सामुदायिक वन उपभोक्ता महासंघकाअध्यक्ष, सञ्चारकर्मीलगायत सम्पूर्ण सुरक्षाकर्मी र कर्मचारीहरु सहभागी थिए । 

अवका कार्यक्रमहरु सामुदायिक वनका उपभोक्ता, स्थानीय गाउँपालिका, विद्यालयका विद्यार्थीहरु, स्थानीय सुरक्षा निकाय समेतको सहभागितामा गाउँ गाउँमा वन डढेलो नियन्त्रण संजाल गठन र परिचालन, तालिम तथा अन्तरकृया कार्यक्रमहरु आयोजना गरिनेछ । साथै सामुदायिक वन उपभोक्ता महासंघ तथा रेडियो रसुवा र रेडियो लाङटाङसँगको सहकार्यमा  विभिन्न गाउँ, टोलमा वन डढेलो नियन्त्रण तथा रोकथाम सम्वन्धी सन्देशमुलक गीत सहित चेतना मूलक अन्तरकृया  कार्यक्रमहरु गरिने डिभिजन वन कार्यालयका डिभिजनल वन अधिकृत शम्भु तामाङले बताए ।

स्याफ्रु-रसुवागढी सडक १५ दिन पूर्ण रूपमा बन्द गरिने

रसुवा, चीनसँगको अन्तर्राष्ट्रिय व्यापारिक नाका रसुवागढी जोड्ने स्याफ्रु-रसुवागढी सडक १५ दिन पूर्ण रूपमा बन्द गरिने भएको छ। सडक स्तरोन्नति गर्नका लागि सडक बन्द गर्न लागिएको हो। 

जिल्लाको गोसाइँकुण्ड गाउँपालिकाले आज सूचना प्रकाशित गरेर आगामी चैत १८ गतेदेखि सडक बन्द हुने जानकारी दिएको हो। सडक स्तरोन्नतिका लागि आगामी चैत १ गतेदेखि नै सडक बन्द गर्ने तयारी थियो। 

तर, चिनियाँ निर्माण पक्षले चैत १८ गतेबाट काम सुरु गर्ने जनाएपछि बन्द गर्ने समय केही समयपछि धकेलिएको हो। प्रत्येक महिना १५ दिन सडक पूर्ण रूपमा बन्द गरि सडक निर्माण गरिने छ। 

मोहन आचार्य तेस्रो पटक प्रतिनिधिसभा सदस्यमा निर्वाचित

रसुवा, एक मात्र निर्वाचन क्षेत्र रहेको रसुवामा नेपाली कांग्रेसका उम्मेदवार इ मोहन आचार्य विजयी भएका छन्। उनी तेस्राे पटक प्रतिनिधिसभा सदस्यमा निर्वाचित भएका हुन् । 

उनले १० हजार ६ सय ५६ मत ल्याएर विजयी भएका हुन्। उनका निकटतम प्रतिद्वन्द्वी रास्वपाका वसन्त भट्टले ५ हजार ५ सय ७१ मत ल्याए। त्यस्तै नेकपा एमालेका प्रेमबहादुर तामाङले ४ हजार ६ सय ८८ हजार मत ल्याएकाे मुख्य निर्वाचन अधिकृतको कार्यालय रसुवाको सहायक निर्वाचन अधिकारी सरिता रिजालका बताइन् । 

उज्यालो नेपाल पार्टीका उम्मेदवार मानबहादुर तामाङले १ हजार ४ सय ५३ मत प्राप्त गर्नुभएको छ भने नेपाल कम्युनिस्ट पार्टीका उम्मेदवार माधवप्रसाद लामिछानेले ९ सय ६३ मत प्राप्त गरे । 

यस्तै मङ्गोल नेशनल अर्गनाइजेसनका उम्मेदवार विनोद थिङले ४ सय ४ मत प्राप्त गरे । अन्य उम्मेदवारहरूमा प्रगतिशील लोकतान्त्रिक पार्टीका दावा साङ्बो तामाङले १० मत, राष्ट्रिय प्रजातन्त्र पार्टीका हरिप्रसाद घिमिरेले ६० मत, नेकपा माओवादी केन्द्रका होमप्रसाद आचार्यले ५० मत प्राप्त गर्नुभएको छ। स्वतन्त्र उम्मेदवारहरू चित्रकुमारी देवकोटाले १२ मत, दावाफिन्जो तामाङले ३ मत र सागर तामाङले ११ मत प्राप्त गरे । जिल्लामा १ हजार १ सय ८१ मत बदर भएकाे छ ।  

रसुवामा ६१ प्रतिशतले मतदान

 रसुवा , प्रतिनिधि सभा सदस्य निर्बाचन, २०८२ रसुवामा ६१ प्रतिशत मतदाताले मतदान गरेका छन् । 

कुल ४१ हजार ४ सय ७१ जना मतदाता रहेको रसुवामा २५ हजार ४ सय ५८ जना ६१ प्रतिशतले मतदान गरेका छन् । जसमा पुरुष .१३४७३ जना महिला .११९८५जना मतदाताले मतदान गरेका छन । १२ जना उम्मेदवार निर्वाचनमा भिडेका छन् । लाङटाङबाट मतपेटिका हेलिकप्टरबाट ल्याएको र अरु मतदान केन्द्रबाट मतपेटिका ल्याइसकेपछि मतगणना सुरु हुने सहायक प्रमुख जिल्ला अधिकारी दु्ब प्रसाद अधिकारीले बताए । जिल्लामा शान्तिपूर्ण मतदान भएको छ । 

रसुवाका कपडा तथा सिलाइ व्यवसायीहरू संगठित

रसुवा, लामाे समय प्रयास पछि  सिलाइ उद्यमी महिलाहरूकाे संस्था नेपाल कपडा तथा सिलाइ व्यवसायी संघ रसुवा  दर्ता भएकाे छ । 

रसुवाका कपडा तथा सिलाइ व्यवसायीहरू संगठित भइ संस्था दर्ता गर्न खाेजेकाे लामाे समय भयाे । यस अघि सरकारी ढिलासुस्ती र अटेरीले  विगत ३ वर्षदेखि लगातार संस्था दर्ता प्रक्रियाका लागि दु:ख पाएकाे र यस वर्ष संस्था दर्ता भएपछि धेरै खुसीलागेकाे नेपाल कपडा तथा सिलाइ व्यवसाी संघ रसुवाकी अध्यक्ष  सुमित्रा सापकाेटा  बताइन् ।  यस अघि पटक पटक व्यवसाी संघ नामक संस्था दर्ता गर्न नमिल्ने भन्दै फर्कनु परेकाे थियाे उनले भनीन् याे प्रक्रियामा सहयाेग जिल्ला प्रशासन कार्यालय, स्थानीय तह तथा सहयाेगी  सबैलाइ धन्यवाद दिन चाहन्छु । संस्थाले जिल्लाभरका उद्यमीहरूकाे हक हित संरक्षण तथा एकतावद्ध गरी उद्यम र सीप विकासका लागि काम गर्ने सापकाेटाले बताइन् । 

यस पटक भने दर्ता गर्ने काम सहज रूपमा काम भयाे उनले भनीन् । जिल्ला प्रशासन कार्यालयमा संस्था दर्ता एेन २०३४ काे दफा ४ बमाेजिम दर्ता नं ५२७ रहेकाे संस्था दर्ता गरी सहायक प्रमुख जिल्ला अधिकारी द्रुवप्रसाद अधिकारीले प्रमाणपत्र प्रदान गरेका हुन् । 

प्रतिनिधिसभा सदस्यका लागि २०६४ देखि २०८२ सम्म १० जना महिला उम्मेदवार

 

सरस्वती न्याैपाने

प्रतिनिधिसभा सदस्यका लागि २०६४ देखि २०८२ सम्म १० जना महिला उम्मेदवार  वनेका छन् । 

रसुवा जिल्ला वाट आसन्न प्रतिनिधि सभा सदस्य का लागि २०६४ साल देखि २०८२ साल सम्म आईपुग्दा १० जना महिला उम्मेदवार बनेका छन् ।  जिल्ला निर्वाचन कार्यालय रसुवाका अनुुसार २०६४ सालमा २ जना,२०७० सालमा ४ जना,२०७४ सालमा २ जना,२०७९ सालमा १ जनाले उम्मेदवारी दिएका थिए र छन् ।

 २०६४ साल देखि २०७९ सम्म ९ जना महिलाहरू प्रतिनिधि सभा सदस्य मा भाग लिएतापनि सफल हुन सकेनन र २०८२ काे प्रतिनिधि सभा सदस्य का लागि १ जना स्वतन्त्र उम्मेदवार बन्नुभएकाे छ ।  

रसुवा जिल्ला भरवाट कुल मतदाता संख्या ४१ हजार ४ सय ७१ जना रहेका छन मतदान स्थल ३६ वटा,मतदान केन्द्र ५७ र अस्थायी मतदान केन्द्र २ वटा रहेका छन ।कारागार १ र कर्मचारी १

निर्वाचन प्रचार बारे सन्चारकर्मीसँग अन्तरक्रिया

रसुवा, जिल्ला निर्वाचन कार्यालय रसुवाद्वारा प्रतिनिधि सभा सदस्य निर्वाचन २०८२ लाई लक्षित निर्वाचन प्रचारप्रसार सम्बन्धि अन्तरक्रिया कार्यक्रम फागुन १३ गते धुन्चे सम्पन्न भएको छ ।

जिल्ला स्थित क्रियाशील सन्चारकर्मीहरूसँग आयोजना गरिएको कार्यक्रम मा निर्वाचन आचारसंहिता,मतदाता सचेतना,निष्पक्ष सुचना प्रवाह तथा सन्चार माध्यम को के के भुमिका हुनुपर्छ ? भन्ने बारेमा कार्यालय प्रमुख राजन रायले प्रस्तुती गरे । प्रस्तुतीपछि सहभागी सन्चारकर्मी वीच विस्तृत छलफल समेत भएको थियो ।

कार्यक्रम मा पत्रकार महासंघ जिल्ला शाखा रसुवाका अध्यक्ष केशव पौडेल,उपाध्यक्ष महेश्वर गजुरेल,राससका ज्ञानेन्द्र न्यौपाने,नेपाल टेलिभिजनका सुशील कोईराला,कान्तिपुर मिडिया ग्रुपका वलराम घिमिरे,रेडियो लाङटाङका गिता न्यौपाने,रेडियो रसुवाका गंगा कुमारी मिजार,नेपाल समाचारपत्र दैनिकका सरस्वती न्यौपाने लगायतको सहभागी रहेको थियो । 

प्रतिनिधिसभा सदस्य निर्वाचन २०८२ काे तयारी पुरा

 

रसुवा, आसन्न प्रतिनिधिसभा सदस्य निर्वाचन २०८२ लाई शान्तिपूर्ण र भयरहित बनाउन रसुवामा सुरक्षा प्रबन्ध चुस्त पारिएको छ । मतदानको दिन नजिकिँदै गर्दा सुरक्षाका दृष्टिबाट कुनै कमी हुन नदिन एकीकृत निर्वाचन सुरक्षा योजना लागू गरिएको छ । 

निर्वाचन निजकिदै जाँदा सुरक्षाका लागि चारवटै सुरक्षा निकाय परिचालित गरिएको सहायक प्रमुख जिल्ला अधिकारी द्रुव प्रसाद अधिकारी ले जानकारी दिनुभयो । जिल्ला सुरक्षा समितिले मतदानस्थललाई अतिसंवेदनशील, संवेदनशील र सामान्यमा वर्गीकरण गरी सुरक्षा विश्लेषण सहित आवश्यक रणनीति तयार गरेको छ । “मतदानस्थलको नियमित अनुगमन भइरहेको छ, सुरक्षा विश्लेषणका आधारमा मतदानस्थलको सुरक्षा प्रबन्धलाई चुस्त र प्रभावकारी बनाइएको उहाँले बताए  ।

नेपाली सेना, नेपाल प्रहरी, सशत्र प्रहरी बल र राष्ट्रिय अनुसन्धान विभागको जनशक्ति निर्वाचनको सुरक्षामा खटिएको सहायक प्रजिअ अधिकारी बताउनुभयो । जिल्लामा रहेका एकवटा निर्वाचन क्षेत्रमा नेपाली सेनाले  सुरक्षा बेस स्थापना गरी सुरक्षा निगरानी बढाएको छ । सशस्त्र प्रहरी बलले पनि सुरक्षा बेस खडा गरी निर्वाचन सुरक्षार्थ परिचालित गरिएको हो । नेपाली सेनाबाट सात सय बढी र सशत्र प्रहरी बलबाट करिब २ सय ५० जनशक्ति निर्वाचनमा परिचालित गरिएको जिल्ला सुरक्षा समितिले जनाएको छ ।

तिन सय बढी नेपाल प्रहरी र ३ सय ३६९ जना निर्वाचन प्रहरी खटिने सहायक प्रजिअ अधिकारीले बताउनुभयो । जिल्लामा एक महिनाअघि नै निर्वाचन केन्द्रित सुरक्षा योजना तयार गरी कार्यान्वयन गरिएको थियो । निर्वाचन सुरक्षालाई दृष्टिगत गरी सुरक्षा निकायले नियमित गस्ती र सुरक्षा निगरानी बढाइरहेका छन् । ५ वटै पालिकामा एकीकृत निर्वाचन सुरक्षा योजनाबमोजिम नेपाल प्रहरी मतदानस्थलको भित्री घेराको सुरक्षामा खटिने सहायक प्रजिअ अधिकारीले बताए ।

 नेपाली प्रहरीसँगै निर्वाचन प्रहरी पनि पहिलो तहको सुरक्षा घेरामा परिचालित हुने उहाँको भनाइ छ । दोस्रो तहको सुरक्षा घेरामा सशत्र प्रहरी बल र सुरक्षा घेराको बाहिरी तहबाट नेपाली सेनाले सुरक्षा प्रदान गर्ने जनाइएको छ ।

दलहरू निर्वाचन प्रचारमा जुटे, घोषणा पत्र सार्वजनिक

रसुवा, प्रतिनिधि सभा निर्वाचन २०८२ का लागि प्रचारमा गाउँगाउँमा घरदैलाेमा जुटेका दलहरुले आफ्ना प्रतिवद्धता पत्र सार्वजनिक गरेको छ ।

नेकपा एमाले, नेकपा, नेपाली काँग्रेस र रास्वपाले आफ्नो प्रतिवद्धता पत्र सार्वजनिक गरेका हुन् । एमाले उम्मेदवार उम्मेद्धवार प्रेमबहादुर तामाङले उत्तरगयाधाममा प्रतिवद्धता पत्र पढेर सार्वजनिक गरे । प्रतिवद्धतामा जिल्लाको शिक्षामा समग्र गुणस्तर कायम गर्न ध्यान दिई सामुदायिक विद्यालयहरूमा सुधार, शिक्षालाई पूर्णतः निःशूल्क गरिनेछ, आधारभूत तहदेखि नै विद्यार्थी र शिक्षकलाई प्रविधिमा पहुँच पुर्याइने, हाम्रो लगानीमा हाम्रै दक्ष जनशक्ति (डाक्टर, इञ्जिनियर, नर्स, कृषि विज्ञान, पशु विज्ञान, वन विज्ञान, गणित, अंग्रेजी, विज्ञान विषयका शिक्षक) तयार गर्न, स्थानीय, प्रदेश र सङ्घीय सरकारसँग समन्वय गरिने, सामुदायिक विद्यालयहरूलाई विद्यार्थी सङ्ख्याको आधारमा मर्जरमा लाने र आवश्यकता अनुसार आवासीय विद्यालयहरूको स्थापना गर्दै लैजान पहल गर्ने उल्लेख छ । 

त्यसैगरी स्वास्थ्य सेवालाई जनताको पहुँचमा पुर्याइने छ, स्वास्थ्य सेवा पूर्णतः निःशूल्क गर्न समन्वय एवं पहल गरिनेछ । वन्यजन्तुबाट (बाँदर, बदेल, भालु, मृग, दुम्सीलगायत) हुने अन्नबाली क्षतिको उचित संरक्षण र किसानलाई क्षतिपूर्तिको ग्यारेण्टी गर्नको लागि आवश्यक नीति निर्माण र कार्यान्वयन, रसुवागढी नाकामा रहेको पशु क्वारेन्टाइन कार्यालयलाई व्यवस्थित बनाई जिल्लाको उत्पादनलाई जोड्दिन उल्लेख छ । पासाङल्यामू सडकको बेत्रावती, कालिकास्थान, धुन्चेदेखि स्याफ्रुबेसीसम्म स्तरउन्नती र राष्ट्रिय गौरवको योजनाको रूपमा रहेको गल्छी–त्रिशुली–मैलुङ, स्याफ्रुबेसी र रसुवागढी नाकासम्मको सडकको निर्माण कार्य छिटो सम्पन्न गर्नको लागि पहल र पैरवी गरिने छ । 

सवै दलले जिल्लामा हाल निर्माणाधिन जलविद्युत आयोजनाको निर्माण कार्य सम्पन्न गर्नको लागि आवश्यक सहयोग र सहजीकरण गरिने छ । साथै रोजगारीमा स्थानीय जनशक्तिलाई प्राथमिकता दिन पहल लिई, रोजगारी सुनिश्चितता गरिने छ । जलविद्युत् निर्माणकै चरणमा  सम्बन्धित कम्पनीहरूले अनिवार्य गर्नुपर्ने सामुदायिक विकास सहयोगका कार्यक्रमहरू स्थानीय तहसँग समन्वय गरी सञ्चालन गर्न सहजीकरण गरिने प्रतिवद्धता गरेका छन् ।  

एमालेले जिल्लामा एक नगरपालिका घोषणा र कार्यान्वयनको लागि आवश्यक पहल गरिने छ । युवा बेरोजगारी न्युन गर्नका लागि कम्तीमा एक घर, एक रोजगार कार्यान्वयनको लागि पहल गरिने छ । यसको लागि जिल्लामा रहेको जलविद्युत् कम्पनी, विभिन्न उद्योग, निर्माण क्षेत्र, सरकारी कार्यालय, गैरसरकारी संघ संस्था, सहकारी, उद्यमी एवं व्यापार–व्यावसायीहरूसँग समन्वय र सहकार्य गरिने बताइएको छ । 

प्रतिवद्धता पत्रमा रसुवागढी अन्तर्राष्ट्रिय नाकालाई व्यवस्थित र प्रविधिमैत्री आधारित सेवा प्रवाहको लागि सहजीकरण गरिनेछ । रसुवाबाट केरुङतर्फ जाने प्रवेश पासमा भइरहेको अनियमिततालाई रोक्न पहल गरिने उल्लेख छ ।

रसुवागढी र केरुङ बजारमा रसुवावासीले गर्दै आएको पेशा, व्यवसाय र रोजगारीमा जोडिएका जनताहरूको सुरक्षा र सम्बर्दन साथै केरुङ बजारसम्म निजी सवारी साधानहरूलाई निर्वाध रुपम आवातजावत गर्न लागि आवश्यक पहल गरिने घोषणा पत्रमा उल्लेख छ । 

नेपाली काँग्रेसको तर्फबाट रसुवाका प्रतिनिधिसभा सदस्य उम्मेदवार मोहन आचार्यले आगामी फागुन २१ गते हुने प्रतिनिधिसभा सदस्य निर्वाचनका लागि आफ्नो घोषणापत्र (प्रतिज्ञापत्र) सार्वजनिक गरे । 

बुधबार आमाछोदिङ्मो गाउँपालिका–५ थाम्बुचेतमा आयोजित कार्यक्रममा आचार्यले ‘समुन्नत रसुवाको आधार ः शिक्षा, स्वास्थ्य, पर्यटन र पूर्वाधार’ भन्ने मूल नारासहित प्रतिज्ञापत्र सार्वजनिक गरेका हुन् । 

त्यसैगरी नेपाली कम्युनिष्ट पार्टीका उम्मेदवार माधब लामिछाने, राष्ट्रिय स्वतन्त्र पार्टीका उम्मेदवार बसन्त भट्टले पनि आफ्नो प्रतिवद्धता पत्र सार्वजनिक गरी जिल्लाको समृद्धिका लागि बिभिन्न विषयहरु उल्लेख गरेका छन् । उनीहरुले भ्रष्टाचारको अन्त्य गरी जिल्लाका सम्भावना खोजेर समृद्ध रसुवाका लागि जोड्दिने जनाएका छन् । 

राष्ट्रिय स्वतन्त्र पार्टी रसुवाका प्रतिनिधिसभा सदस्य पदका उम्मेदवार बसन्त भट्टले सुशासन, कृषि, पर्यटन तथा संस्कृति, जडिबुटी, शिक्षा, स्वास्थ्य र रसुवागढी नाकाको समग्र विकासलाई प्राथमिकतामा राख्दै आफ्नो चुनावी वाचापत्र सार्वजनिक गरे । 

रसुवा र नुवाकाेटमा निर्वाचनको तयारी सम्बन्धमा अन्तर्क्रिया तथा अनुगमन सम्पन्न

रसुवा, २०८२ फागुन २१ गते सम्पन्न हुने प्रतिनिधि सभा सदस्य निर्वाचनकाे पुर्व अनुगमन तथा  निर्वाचनको तयारी सम्बन्धमा अन्तर्क्रिया रसुवा र नुवाकाेटमा सम्पन्न भयाे । 

अनौपचारिक क्षेत्र सेवा केन्द्र (इन्सेक) निर्वाचनकाे पुर्व अनुगमन  गर्ने क्रममा इन्सेक बागमती प्रदेश  संयाेजक शिबप्रसाद खकुरेलकाे नेतृत्वमा आएकाे पर्यवेक्षक टाेलीले विभिन्न सराेकारवाला निकायसग भेट गरी स्वच्छ , भय रहित र निष्पक्ष निर्वाचनको लागि भएको तयारीका सम्बन्धमा आवश्यक जानकारी लिने करममा  मुख्य निर्वाचन अधिकारी जिल्ला न्यायाधीश ध्रुबकुमार उप्रेतीले निर्वाचनकाे आवश्यक तयारी पूरा भएको तथा मतपत्र प्राप्त भएको  जानकारी दिए ।  

निर्वाचनमा खटिने मतदान अधिकृत र सहायक मतदान अधिकृतहरुलाइ तालिम प्रदान गरिसककाे बताउदै निर्वाचनको अन्तिम तयारी पूरा भएको  बताए । प्रमुख जिल्ला अधिकारी राजेश पन्थीले  स्वच्छ , मर्यादित र भयरहित वातावरण निर्वाचन हुने विस्वास ब्यक्त गर्दै मतदानदेखि मतगणना सम्मकाे तयारी पूरा भएको  बताए ।  उनले त्यसका लागि एकीकृत सुरक्षा याेजना  बनाइ चारबटै सुरक्षा निकाय परिचालन गरिएको र मतदननमा खटिने जनशक्तिहरुकाे आवश्यक व्यवस्थापन भएको जानकारी दिदै हालसम्म दलबाट निर्वाचन आचार संहिता उलङ्घन नभएको जानकारी दिए ।  

अनौपचारिक क्षेत्र सेवा केन्द्र (इन्सेक) काे निर्वाचन पुर्व पर्यवेक्षणका क्रममा भएको छलफलमा नेपाल प्रहरी नायव उपरीक्षक  अशाेक थापा, नेपाली सेनाका गणपति प्रधुम्न  गौतम, राष्ट्रिय अनुशन्धानका डिएसपी मदन पौडेल , सशस्त्र प्रहरीका डिएसपी विष्णुप्रसाद पाेखरेल, निर्वाचन कार्यलयका प्रतिनिधिलगायतका सुरक्षा प्रमुखहरुकाे उपस्थिति रहेकाे थियो । 

इन्सेकका बागमती प्रदेश सयाेजक शिव खकुरेलले नेपालमा प्रजातान्त्रकाे पुनःस्थापन पछि भएका सबै  निर्वाचनहरुमा अनुगमन तथा पर्यवेक्षण गर्दै आएकाे बताउदै यस पटक पनि मुलुकभर निर्वाचन पर्यवेक्षणका लागि २ सय ३२ जना पर्यवेक्षक खटाइएको जानकारी दिए ।  यसै गरी नागरिक समाज रसुवाका अध्यक्ष बाबुलाल तितुङसँग पनि रसुवाको निर्वाचन तयारी अवस्था बारे छलफल भयाे । यस क्रममा सुरक्षा प्रमुख तथा नागरिक समाज रसुवाका अध्यक्ष नेपाल रेडक्रस साेसाइटीका सभापति बाबुलाल तितुङलगायसँग संयाेजक खकुरेलले भय रहित निर्वाचनका लागि नागरिककाे अवस्था बारे छलफल भयाे । 

इन्सेक बागमती प्रदेशका संयोजक शिव प्रसाद खकुरेल र बागमती प्रदेश कार्यालयका सहायक अभिलेखीकरण अधिकृत अनमोल पन्त सम्मिलित टोलीले नुवाकोट जिल्लामा पूर्वनिर्वाचन अनुगमन गरेको छ ।

आगामी निर्वाचनको सन्दर्भमा गरिएको अनुगमनका क्रममा टोलीले इन्सेकका जिल्लास्थित निर्वाचन पर्यवेक्षकहरूसँग भेटघाट गरी जिल्लाको निर्वाचन अवस्था, चुनौती र तयारीबारे छलफल गरेको थियो । अनुगमनमा इन्सेकका निर्वाचन पर्यवेक्षकहरूको पनि सक्रिय सहभागिता रहेको थियो । 

अनुगमनका क्रममा टोलीले सहायक प्रमुख जिल्ला अधिकारी कृष्णप्रसाद हुमागाईंसँग भेट गरी स्वच्छ, भयमुक्त र निष्पक्ष निर्वाचनका लागि गरिएको तयारीबारे जानकारी लिएको थियो । हुमागाईंका अनुसार जिल्लामा निर्वाचन तयारी अन्तिम चरणमा पुगेको छ र हालसम्म सबै कामहरू अवरोधरहित रूपमा अघि बढिरहेका छन् ।

सुरक्षा व्यवस्थाबारे उनले माघ २१ गतेदेखि नेपाली सेना परिचालन भइसकेको र अन्य सुरक्षा निकायको तैनाथी पनि अन्तिम चरणमा रहेको जानकारी दिए । उनका अनुसार जिल्लाभर करिब २ हजार निर्वाचन प्रहरी, सोही हाराहारीमा नेपाल प्रहरी तथा सशस्त्र प्रहरी र करिब १ हजार सेना परिचालन गरिएको छ । हालसम्म जिल्लाको चुनावी वातावरण शान्त र सामान्य रहेको उनले स्पष्ट पारे ।

यसै क्रममा टोलीले मुख्य निर्वाचन अधिकृत हेमबहादुर थापा मगरसँग पनि भेट गरी तयारीबारे छलफल गरेको थियो । उनले निर्वाचन तयारी सुरक्षित र प्रभावकारी रूपमा भइरहेको बताए । 

उनका अनुसार हालसम्म आचारसंहिता उल्लंघनका लिखित उजुरी प्राप्त भएका छैनन् भने मौखिक रूपमा आएका गुनासाहरूलाई प्रमाणीकरण तथा समाधान गर्ने काम भइरहेको छ । निर्वाचनमा खटिने जनशक्तिलाई तालिम पनि जारी रहेको उनले जानकारी दिए ।

एमाले रसुवाकाे निर्वाचन प्रतिवद्धतापत्र सार्वजनिक

रसुवा, नेकपा एमाले निर्वाचन परिचालन कमिटी, रसुवाले पार्टीका उम्मेदवार प्रेम बहादुर तामाङबाट प्रतिवद्धतापत्र सार्वजनिक गरिएकाे छ ।

हाम्रो सङकल्प समृद्ध रसुवा सुखी रसुवाली भन्ने मुल नाराको साथ शिक्षामा लगानीस् सक्षम र सभ्य समाज निर्माण, स्वास्थ्यस् पहिलो धन, कृषि तथा पशुपालनस् उत्पादन र स्वरोजगारी प्रवर्द्धन, खेलकुदस् युवा सहभागिता, भूमि सुधारस् विर्ता र गुठी समस्या समाधान भूमिहिनलाइ जग्गा, पुर्वाधार विकासस् सहज जीवन यापन, पर्यटन प्रवर्द्धनस् रोजगारी र आर्थिक समृद्धिलाई समेटेर शनिबार उत्तरगया गाउँपालिका-५ को उत्तरगयाधाममा भएको कार्यक्रममा नेकपा एमाले रसुवाको प्रतिवद्धतापत्र सार्वजनिक गर्नु भएको छ ।

‘विपद् जोखिम न्यूनीकरण तथा व्यवस्थापन’ सम्बन्धि सञ्चारकर्मीहरुसँग कार्यशाला सम्पन्न

रसुवा, नेपाल पत्रकार महासंघ रसुवा शाखासँगको सहकार्यमा कालिकास्थानमा शुक्रबार सञ्चारकर्मीहरूका लागि ‘विपद् जोखिम न्यूनीकरण तथा व्यवस्थापन’ सम्बन्धिएक दिवसीय कार्यशाला सम्पन्न भएको छ।

विपद्का समयमा सूचना प्रवाहलाई थप जिम्मेवार र प्रभावकारी बनाउने उद्देश्यले आयोजित कार्यशाखामा रसुवा र  नुवाकोटमा क्रियाशील पत्रकारहरूको सहभागिता रहेको थियो।

कार्यक्रममा विपद् पत्रकारिता सञ्जालकी केन्द्रीय सचिव देवी सापकोटाले आफु सुरक्षित रहेर जनतालाइ सुसुचित गर्न विपद्को बेला मानवीय समवेदना र पत्रकारिता आचारसंहिताको पूर्ण पालना गर्दै तथ्यपरक समाचार सम्प्रेषणमा जोड् दिनुपर्ने बताईन् । उनले हाल सञ्चारमाध्यमहरूमा कार्यक्रम केन्द्रित समाचारले बढी प्राथमिकता पाइरहेकोमा दुःख व्यक्त गर्दै अबका समाचारहरू विपद्का वास्तविक जोखिम र नागरिकको सुरक्षामा केन्द्रित हुनुपर्ने बताइन् । 

कार्यशालामा मौसम पूर्वानुमान, पूर्वकार्यको अवधारणा र विपद् संवेदनशील सामाजिक सुरक्षालगायतका विषयमा गहन प्रस्तुतीकरण र छलफल गरिएको थियो।

सहभागी सञ्चारकर्मीहरूलाई विपद्का घटना हुनुअगावै प्राप्त हुने सूचनालाई कसरी सर्वसाधारणसम्म पुर्‍याउने र घटनापश्चात् कसरी संवेदनशीलता अपनाउने भन्ने विषयमा प्रष्ट पारिएको थियो । 

कार्यक्रमलाई प्रतिबद्ध, विपद् पत्रकारिता सञ्जाल, सामुदायिक आत्मनिर्भरता केन्द्र, युरोपियन युनियन, पिपुल इन निड, एसडब्लुएन र सेभ द चिल्ड्रेनले प्राविधिक सहयोगमा सम्पन्न भएको हो । आत्मनिर्भर केन्द्रका गोपाल बस्नेतलगायत प्रतिबद्ध परियोजनाका सहजकर्तहरुले सहजिकरण गरेका थिए । 

कार्यशालाले रसुवा जस्तो विपद्को जोखिम रहेको जिल्लामा कार्यरत पत्रकारहरूको कार्यक्षमता अभिवृद्धि गर्न महत्त्वपूर्ण भूमिका खेल्ने विश्वास लिइएको महासंघका अध्यक्ष केशवप्रसाद पौडेलले बताए ।

मृतकका परिवारलाई क्षतिपुर्ति दिने सहमति, बन्द फिर्ता

 

रसुवा, मृतक युवतीका पीडितका परिवारलाई १२ लाख ५० हजार रुपैयाँ क्षतिपूर्ति दिने सहमतिपछि रसुवा बन्द फिर्ता भएको छ । 

पीडितका आफन्त, स्थानीय अगुवा सरकारी सुरक्षा निकाय, जिल्ला प्रहरी कार्यालयमा भएको छलफल पछि मृतकका परिवारलाई १२ लाख ५० हजार रुपैयाँ क्षतिपूर्ति दिने सहमति पछि बन्द फिर्ता भएको जिल्ला प्रहरी कार्यालयका सुचना अधिकारी राजु शाहले बताए । 

 

मंगलबार साँझ मोटरसाइकललाई टिपरले ठक्कर दिँदा रसुवाको नौंकुण्ड गाउँपालिका–२ यार्सा निवासी २० वर्षीया युवती योमाया तामाङको मृत्यु भएको थियो । 

तामाङ सवार बा प्र ०२०५० प ८३१२ नम्बरको मोटरसाइकल पासाङल्हामु सडक खण्डको कालिका गाउँपालिका–२ को लामाटोलमा मंगलबार साँझ सोही दिशाबाट आउँदै गरेको ना ५ ख ६३३२ नम्बरको ट्रिपरको ठक्करबाट गम्भीर घाइते अवस्थामा त्रिशुली अस्पताल पठाइएको स्थानीय डिल्लीराज तामाङले बताए । 

पीडितका आफन्तले कालिकास्थान स्थित धुम्ती बजारमा क्षतिपुर्ति माग गर्दै प्रदर्शन गरी २ घण्टा पासाङल्हामु सडक तथा घुम्ती–जिवजिवे –नौकुण्ड सडकमा सवारी आवागमन बन्द गरेका थिए । 

चार सय १५ जना निर्वाचन प्रहरी छनोट

रसुवा, आगामी फागुन २१ गते हुने प्रतिनिधि सभा सदस्य निर्वाचन २०८२ का लागि रसुवाबाट ४  सय १५ जना निर्वाचन प्रहरी छनोट भएका छन्।

जिल्लामा नेपाल प्रहरीतर्फ ३ सय ६९ जना र सशस्त्र प्रहरीतर्फ ४६ जना गरी कुल ४ सय १५ जना निर्वाचन प्रहरी छनोट गरिएको हो। एक मात्र निर्वाचन क्षेत्र रहेको रसुवामा छनोट भएका निर्वाचन प्रहरीलाई माघ १८ गतेदेखि १० दिनको तालिम प्रदान गरिने जिल्ला प्रशासन कार्यालयले जनाएको छ। तालिम सम्पन्न भएपछि उनीहरूलाई मतदान स्थल तथा मतदान केन्द्रहरूमा खटाइने प्रहरी नायव उपरीक्षक अशोक थापाले बताए ।

जिल्ला निर्वाचन कार्यालयका अनुसार रसुवा जिल्लामा प्रतिनिधि सभा सदस्य निर्वाचनका लागि कुल मतदाता संख्या ४१ हजार ४ सय ७१ रहेको छ। जिल्लाभर ३६ वटा मतदान स्थल र ५७ वटा मतदान केन्द्र तोकिएका छन्। 

प्रतिनिधि सभा सदस्य निर्वाचनलाई शान्तिपूर्ण, निष्पक्ष र सुरक्षित रूपमा सम्पन्न गर्न आवश्यक सबै सुरक्षा तयारी तीव्र पारिएको छ भने सुरक्षा रतर्कता अपनाइने  जिल्ला प्रशासन कार्यालयका प्रमुख जिल्ला अधिकारी राजेश पन्थीले बताए । 

भूमि समस्या समाधानका लागि ध्यानाकर्षण पत्र पेस

 

रसुवा, जिल्ला भूमिअधिकार मञ्चले जिल्लाका भूमि समस्या समाधानका लागि सराेकारवाला समक्ष एक ध्यानाकर्षण पत्र पेस गरेकाे छ । 

जिल्ला भूमि अधिकार मञ्चका अध्यक्ष भवानीप्रसाद न्याैपानेकाे अगुवाइमा जिल्ला स्थित प्रमुख जिल्ला अधिकारी राजेश पन्थी, जिल्ला समन्वय समितिका प्रमुख अशाेक कुमार घिमिरे, मालपाेत अधिकृत गणेश श्रेष्ठ र नापी कार्यालयमार्फत नेपाल सरकारकाे माग पत्र पेस गरी जायज माग प्रति ध्यानाकर्षण गराएका हुन् । 

ध्यानाकर्षण पत्रमा जिल्लामा बिर्ता, गुठी, भूमिहीन, सुकुमवासी, अब्यवस्थित बसाेवासी र बिस्थापितका सवालहरू  समाधानका उपाय समेत समेटिएकाे छ । पीडितहरूमा जायज माग पुरा नगरे मालपोत धर्नालगायतका आन्दोलन गर्ने  जनाएकाे छ । 

जिल्ला भूमि अधिकार मञ्च रसुवाले जिल्ला प्रशासन कार्यालय, जिल्ला समन्वय समितिको कार्यालय, जिल्ला मालपोत कार्यालय, नापी कार्यालय पुगेर भूमि समस्या र समाधानबारे छलफल गरी ध्यानकर्षण पत्र पेश गरेको छ ।

२०८२ माघ २१ मा मञ्चका सदस्यहरुले बिर्ता, गुठी, भूमिहीन सुकुबासी, विस्थापित परिवारका जग्गा र आवाससँग सम्बन्धित समस्या समाधान गर्न सम्बन्धित मन्त्रालयमार्फत पहल लिनको लागि पनि अनुरोध गरेका छन् । साथै जिल्लामा बिर्ता जग्गा किनबेचमा हुन खोजीरहेको कार्यहरु रोक लगाउन पनि ध्यानकर्षण गराइएको छ ।

पछिल्लो समय गाउँगाउँमा बिर्ता जग्गा किनबेचको लागि विचौलियाहरु पुगेर किसानलाई डर, त्रास र धम्की दिने एवं जवरजस्ती पैसा उठाउन खोज्ने र दबाब दिने जस्ता कार्य बढ्दै गएकाले यस्ता कार्यहरु बन्द गराउन समन्वयकारी भूमिका निर्वाह गरिदिन पनि जिल्लाका कार्यालयहरुलाई ध्यानकर्षण गराइएको जिल्ला मञ्चका पुर्व अध्यक्ष हेमनाथ खतिवडाले बताए ।

मुख्य मागहरू : 

मञ्चले बुझाएको ध्यानाकर्षण पत्रमा रसुवा जिल्लामा दशकौँदेखि बल्झिरहेका बिर्ता, गुठी, भूमिहीन सुकुम्वासी, अव्यवस्थित बसोवासी र विस्थापितका समस्याहरूलाई मुख्य रूपमा उठाइएको छ।

१ बिर्ता र गुठी जग्गाको समस्यास् रसुवामा ठुलो क्षेत्रफलमा बिर्ता जग्गाको समस्या छ। जोताहा किसानहरूले वर्षौँदेखि भोगचलन गर्दै आए पनि जग्गाको लालपुर्जा नहुँदा उनीहरू राज्यको सेवा सुविधाबाट वञ्चित छन्। पत्रमा बिर्ता जग्गाको किनबेच र स्वामित्व हस्तान्तरणमा देखिएका कानुनी अड्चन फुकाउन माग गरिएको छ।

२ बिचौलियाको आतङ्क र डर(त्रासस् पछिल्लो समय गाउँ(गाउँमा बिर्ता जग्गा किनबेचको बहानामा बिचौलियाहरू सक्रिय भएको भन्दै मञ्चले गम्भीर चिन्ता व्यक्त गरेको छ। मञ्चका पूर्व अध्यक्ष हेमनाथ खतिवडाका अनुसार, बिचौलियाहरूले सोझा किसानलाई डर, त्रास र धम्की दिने, जबर्जस्ती पैसा असुल्न खोज्ने र दबाब दिने कार्य गरिरहेका छन्। ूविचौलियाको प्रवेशले किसानहरू असुरक्षित महसुस गरिरहेका छन्, प्रशासनले यसलाई तत्काल रोक्नुपर्छ,ू खतिवडाले भन्नुभयो।

३ सुकुम्वासी र विस्थापितका पीडास् विगतका प्राकृतिक प्रकोप र विकास निर्माणका क्रममा विस्थापित भएका परिवारले अझैसम्म उचित मुआब्जा र पुनर्स्थापनाको स्वामित्व पाउन सकेका छैनन्। अव्यवस्थित रूपमा बसोबास गरिरहेकाहरूलाई व्यवस्थित गरी उनीहरूको नाममा जग्गा धनी प्रमाण पुर्जा उपलब्ध गराउनु पर्ने मञ्चको अडान छ।

आन्दोलनको चेतावनी :

भूमि अधिकार मञ्चले सरकारलाई बुझाएको यो ध्यानाकर्षण पत्र मात्र नभएर अन्तिम चेतावनी समेत भएको बताएको छ। पत्रमा भनिएको छ कि यदि किसानका जायज मागहरूलाई बेवास्ता गरिएमा रसुवाका सम्पूर्ण भूमिहीन र पीडित किसानहरू सडकमा उत्रिन बाध्य हुनेछन्। हामीले पटक(पटक वार्ता र संवाद मार्फत समस्या समाधानको प्रयास गर्यौँ। तर अब पनि सुनुवाइ नभए मालपोत कार्यालय घेराउ गर्ने, धर्ना दिने र जिल्ला ठप्प पार्ने गरी आन्दोलनका कार्यक्रमहरू अगाडि बढाउनेछौँ,अध्यक्ष न्यौपानेले चेतावनी दिनुभयो।

बिर्ता जग्गाको कारोबारमा रोक लगाउन माग :

मञ्चले विशेष गरी बिर्ता जग्गाको अवैध किनबेच भइरहेको सूचना पाएकाले त्यसलाई तत्काल रोक्न मालपोत र नापी कार्यालयलाई आग्रह गरेको छ। वास्तविक किसानको हक अधिकार सुनिश्चित नहुन्जेलसम्म यस्ता जग्गाको हक हस्तान्तरण रोकिनुपर्ने उनीहरूको माग छ।

सर्वदलीय बैठकमा निर्वाचन आचारसंहिता बारे छलफल

 

रसुवा, प्रतिनिधि सभा सदस्य निर्वाचन, २०८२ लाई स्वच्छ, स्वतन्त्र, निष्पक्ष, विश्वसनीय र भयमुक्त वातावरणमा सम्पन्न गर्न सर्वदलीय बैठक सम्पन्न भयाे । 

सहायक प्रमुख जिल्ला अधिकारी द्रुव अधिकारीका अनुसार  प्रतिनिधि सभा सदस्य निर्वाचन, २०८२ लाई स्वच्छ, स्वतन्त्र, निष्पक्ष, विश्वसनीय र भयमुक्त वातावरणमा सम्पन्न गर्न एवम् निर्वाचन आचारसंहिता, २०८२ परिपालना लगायत निर्वाचन केन्द्रित छलफल गरी सर्वदलीय बैठक भएकाे हाे । बैठकमा उम्मेदवार, दलप्रतिनिधि, सुरक्षा प्रमुख तथा पत्रकारहरू सहभागी थिए । 

बैठकमा आसन्न प्रतिनिधि सभा सदस्य निर्वाचन आचारसंहिता परिपालना, शान्ति सुरक्षा व्यवस्थापन, मतदाता शिक्षाको अवस्था, निर्वाचन प्रचार–प्रसारको मर्यादा, सामाजिक सञ्जालको प्रयोग, आचारसंहिता उल्लङ्घनको रोकथाम तथा निर्वाचनलाई मर्यादित र विश्वसनीय बनाउने विषयमा विस्तृत छलफल गरिएको थियो।

मोटरसाइकललाई ट्रिपरले ठक्कर दिँदा युवतीको मृत्यु

रसुवा, मोटरसाइकललाई टिपरले ठक्कर दिँदा रसुवाको नौंकुण्ड गाउँपालिका–२ यार्सा निवासी २० वर्षीया युवती योमाया तामाङको मृत्यु भएको छ । 

राम्चे वाट कालिकास्थान तर्फ जाँदै गरेको तामाङ सवार बा प्र ०२०५० प ८३१२ नम्बरको मोटरसाइकल पासाङल्हामु सडक खण्डको कालिका गाउँपालिका–२ को लामाटोलमा गए साँझ सोही दिशाबाट आउँदै गरेको ना ५ ख ६३३२ नम्बरको ट्रिपरको ठक्करबाट गम्भीर घाइते अवस्थामा त्रिशुली अस्पताल पठाइएको थियो । 

घाइतेलाई एम्बुलेन्सबाट उपचारका लागि त्रिशुली अस्पताल लगिएको थियो । अस्पतालमा चिकित्सकको जाँच लगतै उनको मृत्यु भएको घोषणा गरिएको हो । ट्रिपर चालक नुवाकोट तादी गाउँपालिका–६ गैरीगाउँका २९ वर्षीय कामीसिङ तामाङलाई प्रहरीले पक्राउ गरी जिल्ला प्रहरी कार्यालय पठाएको छ ।