रसुवा, प्रतिनिधि सभा सदस्य निर्वाचन, २०८२ लाई स्वच्छ, स्वतन्त्र, निष्पक्ष, विश्वसनीय र भयमुक्त वातावरणमा सम्पन्न गर्न सर्वदलीय बैठक सम्पन्न भयाे ।
सहायक प्रमुख जिल्ला अधिकारी द्रुव अधिकारीका अनुसार प्रतिनिधि सभा सदस्य निर्वाचन, २०८२ लाई स्वच्छ, स्वतन्त्र, निष्पक्ष, विश्वसनीय र भयमुक्त वातावरणमा सम्पन्न गर्न एवम् निर्वाचन आचारसंहिता, २०८२ परिपालना लगायत निर्वाचन केन्द्रित छलफल गरी सर्वदलीय बैठक भएकाे हाे । बैठकमा उम्मेदवार, दलप्रतिनिधि, सुरक्षा प्रमुख तथा पत्रकारहरू सहभागी थिए ।
बैठकमा आसन्न प्रतिनिधि सभा सदस्य निर्वाचन आचारसंहिता परिपालना, शान्ति सुरक्षा व्यवस्थापन, मतदाता शिक्षाको अवस्था, निर्वाचन प्रचार–प्रसारको मर्यादा, सामाजिक सञ्जालको प्रयोग, आचारसंहिता उल्लङ्घनको रोकथाम तथा निर्वाचनलाई मर्यादित र विश्वसनीय बनाउने विषयमा विस्तृत छलफल गरिएको थियो।

0 Comments :
Post a Comment