रसुवा, आसन्न प्रतिनिधिसभा सदस्य निर्वाचन २०८२ लाई शान्तिपूर्ण र भयरहित बनाउन रसुवामा सुरक्षा प्रबन्ध चुस्त पारिएको छ । मतदानको दिन नजिकिँदै गर्दा सुरक्षाका दृष्टिबाट कुनै कमी हुन नदिन एकीकृत निर्वाचन सुरक्षा योजना लागू गरिएको छ ।
निर्वाचन निजकिदै जाँदा सुरक्षाका लागि चारवटै सुरक्षा निकाय परिचालित गरिएको सहायक प्रमुख जिल्ला अधिकारी द्रुव प्रसाद अधिकारी ले जानकारी दिनुभयो । जिल्ला सुरक्षा समितिले मतदानस्थललाई अतिसंवेदनशील, संवेदनशील र सामान्यमा वर्गीकरण गरी सुरक्षा विश्लेषण सहित आवश्यक रणनीति तयार गरेको छ । “मतदानस्थलको नियमित अनुगमन भइरहेको छ, सुरक्षा विश्लेषणका आधारमा मतदानस्थलको सुरक्षा प्रबन्धलाई चुस्त र प्रभावकारी बनाइएको उहाँले बताए ।
नेपाली सेना, नेपाल प्रहरी, सशत्र प्रहरी बल र राष्ट्रिय अनुसन्धान विभागको जनशक्ति निर्वाचनको सुरक्षामा खटिएको सहायक प्रजिअ अधिकारी बताउनुभयो । जिल्लामा रहेका एकवटा निर्वाचन क्षेत्रमा नेपाली सेनाले सुरक्षा बेस स्थापना गरी सुरक्षा निगरानी बढाएको छ । सशस्त्र प्रहरी बलले पनि सुरक्षा बेस खडा गरी निर्वाचन सुरक्षार्थ परिचालित गरिएको हो । नेपाली सेनाबाट सात सय बढी र सशत्र प्रहरी बलबाट करिब २ सय ५० जनशक्ति निर्वाचनमा परिचालित गरिएको जिल्ला सुरक्षा समितिले जनाएको छ ।
तिन सय बढी नेपाल प्रहरी र ३ सय ३६९ जना निर्वाचन प्रहरी खटिने सहायक प्रजिअ अधिकारीले बताउनुभयो । जिल्लामा एक महिनाअघि नै निर्वाचन केन्द्रित सुरक्षा योजना तयार गरी कार्यान्वयन गरिएको थियो । निर्वाचन सुरक्षालाई दृष्टिगत गरी सुरक्षा निकायले नियमित गस्ती र सुरक्षा निगरानी बढाइरहेका छन् । ५ वटै पालिकामा एकीकृत निर्वाचन सुरक्षा योजनाबमोजिम नेपाल प्रहरी मतदानस्थलको भित्री घेराको सुरक्षामा खटिने सहायक प्रजिअ अधिकारीले बताए ।
नेपाली प्रहरीसँगै निर्वाचन प्रहरी पनि पहिलो तहको सुरक्षा घेरामा परिचालित हुने उहाँको भनाइ छ । दोस्रो तहको सुरक्षा घेरामा सशत्र प्रहरी बल र सुरक्षा घेराको बाहिरी तहबाट नेपाली सेनाले सुरक्षा प्रदान गर्ने जनाइएको छ ।
0 Comments :
Post a Comment