रसुवा, राष्ट्रिय स्वतन्त्र पार्टी, रसुवाका सभापति मानबहादुर तामाङले सामाजिक सञ्जाल फेसबुकबाट राष्ट्रिय स्वतन्त्र पार्टीको साधारण सदस्य समेत नरहने गरी राजिनामा घोषणा गरेका छन् ।
फागुन २१ गते हुन प्रतिनिति सभा सदस्य निर्वाचनमा राष्ट्रिय स्वतन्त्र पार्टीले उम्मेद्धवारको टिकट आफुलाई नदिई पार्टीमा हालसम्म कुनै काम नगरेको व्यक्तिलाई उम्मेद्धवार बनाउने भएपछि पार्टीबाट बिद्राेह गरी असन्तुटी प्रकट गर्दै सभापति तामाङले सामाजिक सञ्जालबाट राजिनामा दिएको जानकारी दिए ।
तामाङले आफु आदिवासी जनजाति कोटाबाट पार्टीको तर्फबाट प्रतिनिधि सभा सदस्य समानुपातिक सदस्य बन्न इच्छुक भएको समानुपातिक तर्फ पनि तामाङलाई नसमेटेको र प्रत्यक्षक टिकट पनि अरुलाई दिने भएपछि पार्टी सभापति तामाङले राजिनामा दिएको बताएका छन् ।
राष्ट्रिय स्वतन्त्र पार्टीले फागुन २१ गते हुन प्रतिनिति सभा सदस्य निर्वाचनमा नेपाली कांग्रेस पार्टी रसुवाका क्रियाशील सदस्य समेत रहेको बसन्त भट्टलाई उम्मेद्धवार बनाउने भएकाे उनले बताएकाछन् ।
0 Comments :
Post a Comment