रसुवा, नुवाकोटको विदुर नगरपालिका–१०, बेत्रावतीस्थित उत्तरगया आयल ट्रेडर्स ठूलो वित्तीय क्षती र पारिवारिक संकटमा परे पनि सञ्चालक समूहले रसुवामा इन्धन आपूर्ति सेवा निरन्तरता दिएको छ।
बाढीकाे बितण्डाका कारण साे पम्प सञ्चालकका सदस्य तथा कर्मचारी गरी चार जना अझै बेपत्ता हुँदा तथा ठूलाे क्षती भएकाे अवस्थामा पनि जिल्लालाइ कालिकास्थानबाट पेट्राेलियम पदार्थकाे सेवा पुर्याएकाे छ ।
पम्पका सञ्चालक उद्धवप्रसाद रिजालका अनुसार विभिन्न सवारी तथा कम्पनीबाट करिब ३ करोड रुपैयाँ उधारो उठ्न बाँकी रहेकाे छ । छ। ९ रोपनी जग्गा, भौतिक सम्पत्ति तथा वित्तीय दायित्व समेत जोड्दा करिब १८ करोड रुपैयाँ बराबरको प्रत्यक्ष तथा अप्रत्यक्ष क्षती भएको छ ।
रिजाल समेत सिताराम पौडेल, शंकर न्यौपाने र बलराम ढकालको समूहले रसुवाको कालिकास्थानमा सञ्चालित ‘गन्तव्य पेट्रोल पम्प’मार्फत इन्धन आपूर्ति भने रोकेको छैन।
भौगोलिक कठिनाइका बावजुत ड्रममा समेत इन्धन सेवा दिन ढुवानी गर्दै आएको समूहले इन्धन बोकेको ट्र्याक्टर दुर्घटनामा परेर करिब ४ लाख रुपैयाँ बराबरको तेल खोलामा बगेपछि थप क्षति व्यहोरेको छ।
लगातारको संकटका बाबजुद नागरिकलाई इन्धन अभाव हुन नदिई सेवा जारी राखेको भन्दै स्थानीयवासीले सञ्चालक समूहको सेवा प्रयासको प्रशंसनीय रहेकाे बताएका छन् ।
No comments:
Post a Comment