ए ! पात्राका पाना अब म तिमीलाई पल्टाउँदिन

ए ! पात्राका पाना अब म तिमीलाई पल्टाउँदिन 

एउटा पाना सकिन्छ

अर्को पाना पल्टाउँछु

पल्टाउँदा पल्टाउँदा धेरै पाना पल्टिसके

पात्रामाथि पात्रा खप्टिसके

पात्राका पाना मात्र पल्टेपछि

पात्रामाथि पात्रा खप्टिएपछि

शान्तिका पाना नपल्टेपछि

ए ! पात्राका पाना अब म तिमीलाई पल्टाउँदिन ।। १

परिवर्तन हुने आशामा

प्रत्येक महिना पल्टाउँछु

पल्टाउँदा पल्टाउँदा धेरै महिना पल्टिसके

महिना माथि महिना खप्टिसके

महिनामाथि महिना खप्टिए पनि

वर्षमाथि वर्ष थुप्रिए पनि

तर कुनै परिवर्तन नआएपछि

ए ! पात्राका पाना अब म तिमीलाई पल्टाउँदिन ।। २

पहिले ज्योतिष पात्रो पल्टाउँथे

अहिले पात्रै पात्रो पल्टाउँछौं

कतै भित्तेपात्रो त कतै गोजी पात्रो

जति महिना पल्टेपनि

पात्रै पात्रा खप्टेपनि

शान्तिका पाना नपल्टेपछि

देशमा शान्ति नआए पछि

ए ! पात्राका पाना अब म तिमीलाई पल्टाउँदिन ।। ३

Also See This Poem in Prem Prasad Paudel's Blog 

Share on Google Plus

About Prem Prasad Paudel

This is a short description in the author block about the author. You edit it by entering text in the "Biographical Info" field in the user admin panel.