कालिकामा बाढी प्रभावित १९५ परिवारलाई नगद राहत ६ हजार रुपैयाँ वितरण

 

​रसुवा, भोटेकोशी नदीमा आएको विनाशकारी बाढीबाट प्रभावित परिवारहरूलाई राहतस्वरूप नगद रकम हस्तान्तरण गरिएको छ । बाढीका कारण ज्यान गुमाएका, बेपत्ता भएका पीडित परिवारलाई तत्काल राहत पुर्‍याउने उद्देश्यले यो आर्थिक सहायता उपलब्ध गराइएको हो ।

​अमेरिकास्थित Gameeej नामक संस्थाको विशेष पहलमा रसुवाका बाढीपीडितहरूलाई नगद सहयोग हस्तान्तरण गरिएको हो । बाढीका कारण आफन्त गुमाएर गहिरो पीडामा परेका परिवारलाई घाउमा मलम लगाउने हेतुले राहत वितरण गरिएको आयोजक संस्थाले बताएकाे छ ।

​मंगलबार कालिका गाउँपालिकाका वडा नं. १, ३ र ५ का गरी कुल १९५ परिवारलाई ६ हजार रुपैयाँका दरले नगद रकम कालिका गाउँपालिका उपाध्यक्ष मिरा तामाङले वितरण गरेकी हुन् । आयोजक संस्थाका अनुसार कालिका गाउँपालिकाका बाँकी रहेका दुई वटा वडाका परिवारहरूलाई पनि तत्काल राहत रकम हस्तान्तरण गरिने छ ।

ऐतिहासिक तथा धार्मिक दृष्टिले प्रसिद्धि कमाएको पवित्र स्थलको कालिका मन्दिर

 

कालिका गाउँपालिका-२, कालिकास्थानमा रहेको ऐतिहासिक तथा प्रसिद्ध धार्मिक तीर्थस्थल कालिका मन्दिरमा वडा दशैमा चहलपहल हुने गर्दछ तर यसवर्ष दशैकाे चहलपहल धेरै हुन सकेन । भाेटेकाेसीकाे बाढीका कारण केही गुमेका तथा आफन्त बेपत्ता भएका कारण पनि पुजाआजा गरेनन् भने रमाइलो पनि भएन ।

महत्व

प्राकृतिक दृश्यको धनी, ऐतिहासिक तथा धार्मिक दृष्टिले प्रसिद्धि कमाएको पवित्र स्थलको प्रत्यक्ष स्थलगत दर्शन गर्न पासाङल्हामु सडक मार्गवाट ५ मिनेटमात्र पैदल यात्रा गरी कालिकामाई मन्दिरको दर्शन गर्न सकिन्छ । दोस्रो पटक नेपाल (चीन युद्द हुँदा चिनीया फौजले नेपाली फौजलाई लघारेर बेत्रावती पुर्या एपछि चिनीयाहरूले यस मन्दिरमा गाई, गोरू बली चढाएका थिए, जसको प्रभाव चट्याङ, हावाहुरी जस्ता विपत्तिसहित ठूलो संख्यामा चिनीयाँ फौज मरेका थिए । त्रिशूलीमा होमिन पुगेका थिए भनिएको छ । त्यसैबेलादेखि कालिका माईको शक्ति स्थापित भएको हो भन्ने भनाई रहेको छ । 

परापूर्व कालमा अन्यत्र जोडिएको जस्तो स्थानीय धार्मिक कार्यका लागि भाँडाकुँडा दिने प्रचलन यहाँ पनि थियो । हाल रहेको मन्दिरभन्दा केही तल पहरामा अवस्थित कालिका माईले आवश्यकता र नियमानुसार कार्यको लागि भाँडाकुँडा माग भपमा उपलब्ध गराउने गरेकाे जनविस्वास छ । पछि नियमानुसार प्रयोग नभएपछि माई रिसाएर भाँडाकुँडा माग्दा दिन छोडेकी हुन् भन्ने किंबदन्तीसमेत् रहेको छ । 

वि सं २०६० सालमा राम्चेको पहिरोले त्यहाँ स्थित सैनिक ब्यारेक बगाएपछि विस्थापित सेना यस मन्दिर परिसरमा बस्दै आएका छन् । पहिले त्यहाँ काठमाण्डौं, ललितपुर, भक्तपुर र नुवाकोटका विभिन्न स्थानबाट समेत वनभोज र कालिकामाईको दर्शन गर्न तथा त्यहाँबाट देखिने विभिन्न दृष्यको अवलोकन गर्न आउँथे । यो स्थान ब्यारेकले ओगटेपछि अहिले दैनिक रूपमा पूजा आजा गर्न आउनेको संख्या घटेको छ भने वनभोज गर्न आउनेका लागि पनि ठाउँ अभाव भएको छ । सैनिक ब्यारेक अन्यत्र सारेर त्यस ठाउँलाई धार्मिक तथा ऐतिहाँसिक रूपमा विकास गरी पिकनिक स्थलको रूपमा पनि विकास गर्न सकिने स्थानीयबासी बताउँछन् । 

यही मन्दिरको पूर्वपट्टि चिउरीबोट नजिकै नेपाल (चीन युद्द हुँदा बखत् निर्माण भएको कोतघर जुन् अहिले अवशेष छैन । यहाँ वरपर रहेका ऐतिहाँसिक गढीहरू कमारेगढी, घलेगढी जस्ता ऐतिहाँसिक स्थलहरूको उचित प्रचारप्रसार गर्न सके यहाँ वरपरका वस्तीहरू पर्यटकीय क्षेत्र बन्न सक्नेछ ।

कालिका मन्दिर वरपर रहेका विभिन्न महत्वपूर्ण स्थलहरू

कालिका मन्दिरसँग सम्बन्धित लेखहरू

सबै हेर्नुहोस् →

कालिका मन्दिरसँग सम्बन्धित् भिडियोहरू

बाढीकाे बितण्डामा समेत इन्धन आपूर्ति सेवा निरन्तर

रसुवा, नुवाकोटको विदुर नगरपालिका–१०, बेत्रावतीस्थित उत्तरगया आयल ट्रेडर्स ठूलो वित्तीय क्षती र पारिवारिक संकटमा परे पनि सञ्चालक समूहले रसुवामा इन्धन आपूर्ति सेवा निरन्तरता दिएको छ।

बाढीकाे बितण्डाका कारण साे पम्प सञ्चालकका सदस्य तथा कर्मचारी गरी चार जना अझै बेपत्ता हुँदा तथा ठूलाे क्षती भएकाे अवस्थामा पनि जिल्लालाइ कालिकास्थानबाट  पेट्राेलियम पदार्थकाे सेवा पुर्याएकाे छ । 

पम्पका सञ्चालक उद्धवप्रसाद रिजालका अनुसार विभिन्न सवारी तथा कम्पनीबाट करिब ३ करोड रुपैयाँ उधारो उठ्न बाँकी रहेकाे छ । छ। ९ रोपनी जग्गा, भौतिक सम्पत्ति तथा वित्तीय दायित्व समेत जोड्दा करिब १८ करोड रुपैयाँ बराबरको प्रत्यक्ष तथा अप्रत्यक्ष क्षती भएको छ । 

रिजाल समेत सिताराम पौडेल, शंकर न्यौपाने र बलराम ढकालको समूहले रसुवाको कालिकास्थानमा सञ्चालित ‘गन्तव्य पेट्रोल पम्प’मार्फत इन्धन आपूर्ति भने रोकेको छैन। 

कालिकास्थानमा सञ्चालन गर्दै आएको ‘गन्तव्य पेट्रोल पम्प’ अहिले रसुवाका लागि इन्धन आपूर्तिको महत्वपूर्ण आधार हाे । भौगोलिक विकटता, सडकको असहज अवस्था र बाढी पछिकाे उत्पन्न कठिन परिस्थितिका बीच पनि उनीहरूले इन्धन ढुवानीलाई निरन्तरता दिइरहेका छन्। आवश्यक पर्दा ड्रममा समेत तेल बोकेर विभिन्न स्थानसम्म पुर्‍याउँदै रसुवामा इन्धन अभाव हुन नदिन उनीहरू सक्रिय छन्।

भौगोलिक कठिनाइका बावजुत ड्रममा समेत इन्धन सेवा दिन ढुवानी गर्दै आएको समूहले इन्धन बोकेको ट्र्याक्टर दुर्घटनामा परेर करिब ४ लाख रुपैयाँ बराबरको तेल खोलामा बगेपछि थप क्षति व्यहोरेको छ।

लगातारको संकटका बाबजुद नागरिकलाई इन्धन अभाव हुन नदिई सेवा जारी राखेको भन्दै स्थानीयवासीले सञ्चालक समूहको सेवा प्रयासको प्रशंसनीय रहेकाे बताएका छन् । 

हराएकी बालिका खोजी दिन आग्रह

 

रसुवा, कालिका गाउँपालिका–३, धारापानी निवासी इन्द्रजित तामाङ र सिर्जना तामाङकी ६ वर्षीया छोरी जेसिका तामाङ बेपत्ता भएकी छिन् । 

भदाै १० गतेकाे उत्तरगया पब्लिक बोर्डिङ इङलिस स्कुल आग्लीटारमा अध्ययनरत बालिका बाढी आउँदै गर्दा सोही विद्यालयमा कक्षा ९ मा अध्ययनरत एक विद्यार्थीले उनलाई उद्धार गरी सुरक्षित स्थानमा पु¥याएका थिए । 

“जिवित उद्धार भएको खबरले उत्साह थपेको थियो भेट्ने आशा अझै मरेको छैन । ” बालिकाकी आमा सिर्जनाले बताइन् ।  उनले भनीन् भेटेर उद्धार भएकाे भन्ने खबर पाएकाे अहिलेसम्म हाम्राे सम्पर्कमा छैन । 

त्यसपछि अन्य बालबालिकाको उद्धार गर्न गएको र फर्केर आउँदा आफूले छोडेको स्थानमा जेसिकालाई नदेखेको कुरा ती विद्यार्थीले अभिभावकलाई पटक–पटक बताउँदै आएका छन् ।

तर अहिलेसम्म कुनै पत्तोपत्तो छैन । बालिकाकी आमा सिर्जनाले भनीन् “आशा छ नानी फर्किने हामी प्रतीक्षामा छौं ।”कहीं कतै कसैले जेसिकालाई देख्नुभएको छ कि ? कसैले उद्धार गरेर सुरक्षित स्थानमा राख्नुभएको छ कि ?

जेसिकाको फोटो हेरेर कुनै पनि स्थानमा देख्नुभएमा वा कुनै जानकारी प्राप्त भएमा वाशंका लागेमा सो को सूचना तुरुन्त नजिकको प्रहरीचौकी वा उनका अभिभावकलाई खबर गरिदिनुहोस् परिवारले अनुरोध गरेका छन् । 

बालिकाको तस्वीर सहित छ 

विस्तारित बैठक तथा पार्टी जागरण अभियानको सुरू

 

रसुवा, नेपाल कम्युनिष्ट पार्टी (एमाले) रसुवा जिल्ला कमिटीको आयोजनामा कालिकास्थानमा विस्तारित बैठक तथा पार्टी जागरण अभियानको औपचारिक शुभारम्भ गरिएको छ। सो कार्यक्रममा जिल्लाभरका नेता तथा कार्यकर्ताहरूको उत्साहजनक उपस्थिति रहेको थियो।

कार्यक्रमलाई सम्बोधन गर्दै प्रमुख अतिथि, एमाले केन्द्रीय सचिव एवं बागमती प्रदेश कमिटी इन्चार्ज महेश बस्नेतले पार्टी जागरण अभियानको घोषणा गरे । उनले आगामी दिनमा साङ्गठनिक सुदृढीकरण, अनुशासित कार्यकर्ता परिचालन र जनस्तरमा पार्टीको पहुँचलाई अझ बलियो बनाउनुपर्नेमा जोड दिए ।

बैठक बारे जानकारी दिँदै जिल्ला कमिटीका कार्यवाहक अध्यक्ष कैसाङनुर्पु तामाङले कार्यक्रममा जिल्लाको वर्तमान साङ्गठनिक अवस्थाको समीक्षा गर्दै भावी कार्ययोजना र पार्टीलाई थप क्रियाशील बनाउने रणनीतिक विषयहरूमा गहन छलफल भएको बताए । भेलामा नेकपा एमाले नेताहरू तेम्रेल लामा, उद्धव रिजाल, कुलप्रसाद भट्ट, अशाेक घिमिरे, रमेश आचार्यलगायतका नेताहरूले मन्तब्य दिएका थिए ।

बैठकले रसुवामा एमालेको साङ्गठनिक पकडलाई अझ मजबुत बनाउँदै जनताका मुद्दाहरूमा केन्द्रित भएर काम गर्ने प्रतिबद्धता जनाएको छ।

सहमति पछि हड्ताल फिर्ता

रसुवा, स्याफ्रुवेशी स्थित चिलिमे हाइड्रोपावर अगाडिबाट सवारीसाधनसहित भोटेकोशी नदीमा बेपत्ता भएका चालक सविन तामाङको खोजी कार्य आज पनि जारी रहेको छ। 

अस्ति बेलुका करिब ५ बजेर ४० मिनेटमा भएको घटनापछि तामाङको अवस्था अझै अज्ञात रहेको प्रहरीले जनाएको छ। घटनापछि पीडित परिवारलाई राहत तथा क्षतिपूर्तिको माग गर्दै धारापानी क्षेत्रमा गरिएको सडक अवरोध हिजो साँझ सम्बन्धित पक्षबीच सहमति भएपछि हटाइएको थियो।

 

सहमति अनुसार पीडित परिवारलाई राहतस्वरूप रु. १३ लाख उपलब्ध गराइने तथा कानुनी प्रक्रियाअनुसार बीमा दाबीमार्फत प्राप्त हुने रु. ५ लाख ५० हजारसमेत उपलब्ध गराइनेछ। यसरी पीडित परिवारले कुल रु. १८ लाख ५० हजार प्राप्त गर्ने सहमति भएको हो। सहमतिपत्रमा ढुवानी जिम्मेवारी प्राप्त कम्पनी कस्टम्स क्लियरिङ एन्ड लजिस्टिक्स प्रा.लि. का सञ्चालक श्रीधर आचार्य र पीडितका तर्फबाट चालक सविन तामाङका बुबा सुकराम तामाङले कालिका गाउँपालिका वडा नं ३ का अध्यक्ष फडिन्द्र यौपानेको रोहवरमा हस्ताक्षर गरेका छन्। यसैबीच, बेपत्ता तामाङको खोजीलाई तीव्र बनाउँदै घटनाको निष्पक्ष अनुसन्धान गर्न स्थानीयले माग गरेका छन्।

इभी र चालक बेपत्ता भएपछि स्थानीयले गरे पासाङ ल्हामु राजमार्ग अवरुद्ध

रसुवा- साउन ९ गते भोटेकोशी नदीमा ईभी गाडी खसेर भएको दुर्घटनालाई लिएर पीडित परिवार तथा स्थानीयवासीले विभिन्न माग राख्दै पासाङ ल्हामु राजमार्ग अवरुद्ध गरेका छन् ।

रसुवाको कालिका गाउँपालिका–३ स्थित धारापानी क्षेत्रमा सडक ठप्प पारेका हुन् । राजमार्ग अवरुद्ध कारण उक्त सडक खण्डमा यातायात सेवा पूर्ण रूपमा प्रभावित बनेको छ।

सडक अवरुद्ध भएसँगै चीनको मानसरोवरतर्फ जाँदै गरेका तीर्थयात्री बोकेका सवारीसाधनका साथै दर्जनौँ मालवाहक तथा यात्रुवाहक गाडीहरू बाटोमै रोकिएका छन् । साँझ ५ बजे छलफल गरी समस्या समाधान गर्ने गरी इलाका प्रहरी चाैकी कालिकास्थानमा छलफल पछि बीमा दावी रकम समेत १८ लाख ५० हजार पीडितका परिवारलाइ प्रदान गर्ने सहमति पछि अवरूद्ध सडक खुलेकाे छ ।

रसुवा पूर्णखोप सुनिश्चितता जिल्ला घाेषणा

 

रसुवा, स्थानीय स्रोतको उपयोग, स्वामित्व र सहभागिता पूर्णखोप सुनिश्चितता हाम्रो प्रतिबद्धता भन्ने नारा सहित

रसुवा जिल्ला पूर्णखोप सुनिश्चितता तथा दिगोपना घोषणा भयाे ।

जिल्ला जनस्वास्थ्य कार्यालयले जिल्लाका ५ वटै स्थानीय तह तथा वडाहरूलाई पूर्णखोप घोषणा गरेसँगै जिल्लालाई नै पूर्ण रूपमा घोषणा गर्न बागमती प्रदेशबाट खटिएका निरीक्षकहरूको टोलीले विस्तृत अनुगमन सम्पन्न गरेको छ।

राष्ट्रिय खोप कार्यक्रमको पूर्णखोप सुनिश्चितता निर्देशिका २०७१ ९तेस्रो संस्करण २०७७०ू मा व्यवस्था भए बमोजिम नेपाल सरकार स्वास्थ्य सेवा विभागको अनुसूची १० अन्तर्गतको प्रमाणीकरण तथा अनुगमन चेकलिस्ट अनुसार यो अनुगमन गरिएको हो।

जिल्ला जनस्वास्थ्य कार्यालयका प्रमुख एवं जनस्वास्थ्य अधिकृत निरध्वज घर्ती मगरका अनुसार जिल्लाभर गरिएका विभिन्न सर्वेक्षण र अनुगमनका क्रममा हाल रसुवा जिल्लामा एक जना पनि बालबालिका खोप पाउनबाट नछुटेको सुनिश्चित भएको छ। साे अवसरमा गाउँपालिका स्वास्थ्य शाखा प्रमुख तथा खाेप कार्यकर्ता सम्मान गरिएकाे थियाे ।

जिल्ला खोप समन्वय समिति, रसुवाको आयोजनामा सो कार्यक्रम सम्पन्न भएको हो । कार्यक्रममा जिल्लालाई पूर्णखोप सुनिश्चितता र यसको दिगोपनालाई कायम राख्नका लागि स्थानीय स्रोत साधनको अधिकतम उपयोग गर्दै समुदायको सहभागिता र स्वामित्व बढाउने प्रतिवद्धता व्यक्त गरेका थिए ।

घोषणा सभामा उपस्थित अतिथिहरूले रसुवा जिल्लालाई स्वास्थ्य क्षेत्रमा अझ अगाडि बढाउन र बालबालिकाहरूको पूर्ण खोप पाउने अधिकारलाई निरन्तरता दिन सबै स्थानीय तह र स्वास्थ्य संस्थाहरूको भूमिका महत्त्वपूर्ण रहने कुरामा जोड दिएका थिए ।