रसुवा, रसुवाको कालिका गाउँपालिका–५, जिवजिवेमा सञ्चालन गरिएको दुई दिने निःशुल्क मुटु परीक्षण तथा उपचार शिविरमा ९ सय ८० जनाले स्वास्थ्य सेवा लिएका छन्।
जिवजिवे ग्रामीण अस्पतालको आयोजना तथा सहिद गंगालाल राष्ट्रिय हृदय केन्द्र, काठमाडौंको प्राविधिक सहयोगमा जेठ ९ र १० गते शिविर सञ्चालन गरिएको हो।
शिविरमा ९ सय २० जनाको इको ECHO परीक्षण तथा १२० जनालाई इसिजी ECG सेवा प्रदान गरिएको अस्पतालले जनाएको छ। परीक्षणका क्रममा मुटुमा गम्भीर समस्या देखिएका १२ जना बिरामीलाई थप उपचारका लागि काठमाडौंस्थित सहिद गंगालाल राष्ट्रिय हृदय केन्द्रमा सिफारिस गरिएको जनाइएकाे छ।
ग्रामीण क्षेत्रका सेवाग्राहीलाई लक्षित गर्दै सञ्चालन गरिएको उक्त शिविरमा ठूलो संख्यामा स्थानीय बासिन्दाले आफ्नो मुटु स्वास्थ्य परीक्षण गराएका थिए।
0 Comments :
Post a Comment