रसुवा, जिल्ला प्रशासन कार्यालय रसुवाले भोटेकोशी नदीमा आएको बाढीका कारण कागजात गुमाएका प्रभावितहरूलाई काठमाडौ स्थित होल्डिङ सेन्टरहरूबाटै नागरिकताको प्रतिलिपि दिन सुरू गरिएको छ ।
गत २०८३ भदौ १० गते भोटेकोशी नदीमा आएको भीषण बाढीका कारण रसुवामा ठूलो जनधनको क्षति भएको थियो। बाढीका क्रममा सर्वसाधारणका महत्वपूर्ण कागजात तथा नागरिकता समेत हराएका वा नष्ट भएका थिए । नागरिकता नहुँदा राहत, पुनस्थापना तथा अन्य अत्यावश्यक प्रशासनिक कार्यमा ढिलाइ नहोस् भन्ने उद्देश्यले काठमाडौंमा रहेका बाढी प्रभवितहरूलाइ सम्बन्धित होल्डिङ सेन्टरहरूमा पुगेर प्रत्यक्ष सेवा दिन थालिएकाे हाे ।
जिल्ला प्रशासन कार्यालय रसुवाले गोसाइकुण्ड गाउँपालिकाकाे विशेष पहलमा यो सेवा सुरु गरिएको गोसाइकुण्ड गाउँपालिकाका अध्यक्ष कैसाङनूर्पु तामाङले बताए ।
नागरिकहरूलाई सहज सेवा दिन होल्डिङ सेन्टरबाटै नागरिकताको प्रतिलिपिकाे आवेदन फाराम सङ्कलन गर्ने, जिल्ला प्रशासन कार्यालय रसुवामा ल्याएर प्रमाणीकरण गर्ने, नागरिकता प्रिन्ट गर्ने र पुनः होल्डिङमै लगेर हस्तान्तरण गर्ने व्यवस्था मिलाइएको अध्यक्ष तामाङले बताए ।
पालिकाकाे अनुसार पहिलो चरणमा नागरिकताको प्रतिलिपि वितरणलाई तीव्रता दिइएको छ भने अन्य आवश्यक प्रशासनिक सेवाहरू पनि क्रमशः उपलब्ध गराउँदै लगिनेछ। बाढी प्रभवितहरूले घर बाढीले बगउदा धेरैकाे शैक्षिक प्रमणपत्र तथा अति महत्वपूर्ण कागजात हरएकाेले समस्यमा परेका छन् ।
No comments:
Post a Comment