रसुवा, भूमि व्यवस्था, सहकारी तथा गरिबी निवारण मन्त्री माननीय बलराम अधिकारीको उपस्थितिमा भूमिघर कालिकास्थानमा विर्ता पीडित किसान एवं सरोकारवालाबीच बिर्ता समाधानबारे छलफल भयो । छलफलमा ११५ जना सहभागी भएका थिए ।
तत्कालिन राजा पृथ्वी नारायण शाहले वि.सं. १८०१ मा नुवाकोट जितेपछि आफुसँगै गएका सहयोगीलाई किसानकै जग्गा विवरण गरी सुरुवात भएको विर्ता प्रथा अहिलेसम्म पनि बाँकी रहँदा किसानहरुले दुःख पाइरहेका छन् ।
रसुवाको तीन वटा गाउँपालिकाको ७ वडाका ७१८ परिवारले जोतभोग गरेका करिव २३८९ रोपनी जग्गा विर्ता अन्तर्गत छ । लामो समयदेखि लालपुर्जा लिनको लागि सङ्घर्ष गरिररहेका किसानहरुले जोतभोगको आधारमा लालपुर्जा दिन माग राखेका छन् । किसानका समस्या यथासक्य समाधान गरिदिन जिल्लास्थित राजनीतिक दल, स्थानीय सरकार र सम्बन्धित सरोकारवालाहरूले पनि माननीय मन्त्रीलाई अनुरोध गरेका छन् ।
किसानहरुसँग छलफल गर्दै माननीय मन्त्री बलराम अधिकारीले भन्नुभयो, वर्तमान कानुनले रसुवा र नुवाकोटमा बाँकी रहेको विर्ता समस्या समाधान विर्तासम्बन्धी कानुन संशोधन वा निर्माण गरेरै भएपनि किसानलाई यो समस्याबाट छुट्कारा दिलाइ छाड्ने प्रतिवद्धता व्यक्त गर्नुभएको छ ।
0 Comments :
Post a Comment