रसुवा, लेन्देखोलाहुँदै भोटेकोशी नदिमा ०८३ भदौ १३ गते आएको विनाशकारी बाढीका कारण क्षति पुगेको रसुवाको गोसाइकुण्ड गाउँपालिका स्याफ्रुबेँसी बजार क्षेत्रमा यातायात पुनः सञ्चालनका लागि तीव्र गतिमा काम भइरहेको छ।
आमाछोदिङमो गाउँपालिका र गोसाइकुण्ड—१, २, ३, ४ र ५ को कोही भागमा यातायात सम्पर्क जोड्न बेलीब्रिज राख्ने तयारीका लागी स्थलमार्ग निर्माणको कार्य भइरहेको छ । बाढीले बगाएको पुल भएको स्थानमा अस्थायी बेलिब्रिज राख्ने तयारीका लागि स्काभेटर प्रयोग गरी पहुँच मार्ग निर्माणका काम भइरहेको छ । चिलिमे जलविद्य्त केन्द्र तथा वारीको भागमा बाढीले कटान गरी भिर तथा पहरो निकालेकोले पहुँच मार्ग बनाउन ढिलाइ भएको गोसाइकुण्ड गाउँपालिकाले जनाएको छ ।
बाढीका कारण सडक सम्पर्क विच्छेद हुँदा स्थानीय बासिन्दाका साथै उत्तर–दक्षिण व्यापारिक गतिवधिका लागि आवतजावतमा ठूलो असर परेको छ । अस्थायी बेलिब्रिज स्थापना गर्नका लागि आवश्यक मेसिनरी तथा सामग्रीहरू निर्माण स्थलसम्म पुर्याउन पहुँच मार्ग बनाउनु पहिलो प्राथमिकता भएकाले स्काभेटरको प्रयोग गरी पहुँच मार्ग निर्माण गर्ने काम भइरहेको छ ।
No comments:
Post a Comment