रसुवा, गएरातिदेखि पहिरोका कारण ठाडे–धुन्चेको बोकेझुण्डा क्षेत्र तथा ठाउँठाउँमा पहिरो खसेर अवरुद्ध रहेको पासाङल्हामु सडक खुल्ला भएको छ ।
माथिबाट पहिरोका कारण सवारी तथा मानिसहरूको आवत–जावतसमेत बन्द भएकोमा सडक बिभाग तथा अन्य सरोकारवालाहरुसँगको समन्वयमा अबरुद्ध सडक खुलाइएको जिल्ला प्रहरी कार्यालय रसुवाले जनाएको छ ।
अब कतै सडक अवरुद्ध छैन । गोसाइँकुण्ड जाने तीर्थयात्री तथा मानसरोवरतर्फ जाने यात्रुहरूढुक्कसँग यात्रा गर्न सक्ने जिल्ला प्रहरी कार्यालयले जनाएको छ । वर्षातकाे पहिराेले धारापानी, ठाडेदेखि धुन्चेसम्म सडक अवरूद्ध थियाे ।
ठूलो रुख ढलेको र अरु रुखपनि ढल्न लागेकोले घटनास्थलमा प्रहरी पुगेको र आवश्यक उपकरण ल्याएर अवरुद्ध सडक खुलाएको जिल्ला प्रहरी कार्यालयका प्रहरी नावय उपरीक्षक अशोक थापाले जानकारी दिए ।
स्क्याभेटर तथा उपकारणहरु तयारी अवस्थामा रहेकोले गोसाइँकुण्ड मेला अवधिमा सडक कतै अवरुद्ध भएमा तत्काल खुलाउने जिल्ला प्रशासन कार्यालयका सहायक प्रमुख जिल्ला अधिकारी द्रुबप्रसाद अधिकारीले बताए ।
No comments:
Post a Comment