Find us on Facebook

Responsive Advertisement

मनिगाउँमा भूमि शिबिर सम्पन्न

Friday, January 3, 2025


रसुवा, उत्तरगया गाउँपालिका- ४ मनिगाउँमा भूमि शिबिर सम्पन्न भयो ।  कार्यक्रममा जिल्ला भूमि अधिकार मञ्चका पदाधिकारी तथा  गाउँमञ्चका सदस्यहरू गरी ४१ जनाको सहभागिता रहेको थियो । 

शिबिरमा बिर्ता तथा भूमिका सवालहरू, सदस्यता र जनसंगठन परिचालन बारे छलफल भयाे ।  जिल्ला मञ्चद्वारा भैरहेको गतिविधि तथा प्रयास बारे जानकारी गराउदै  बिर्ता अभियान तथा  र भूमिहीनहरूलाइ जग्गा व्यवस्थापन प्रकिया तथा कानुनी व्यवस्था,  छुट जग्गा निवेदन पेसलगायतको सवालमा अभिमुखिकरण भयो । साथै गाउँ मञ्चको अभियान र संगठनको अवस्थाको समेत समीक्षा भयो । 

यस अघि भूमि आन्दोलनबाट बिर्ता जग्गाको जग्गाधनी प्रमाणपूर्जा पाएका जीतबहादुर थिङको अनुभवले सबैलाई प्रेरणा दियो। ूसंगठन छाड्ने स्वार्थी मात्र हुन्, तर मैले आफ्नो हक पाएको छु भनेर पछि हट्ने सवालै छैन। सबैले हक नपाएसम्म आन्दोलन जारी राख्छु,ू उनले दृढतापूर्वक भने। उनका शब्दले शिविरमा सहभागिलाई जोश दिलायो, र सबैले ताली बजाए । ूआन्दोलन र संगठनले हामीलाई साथी र आफन्त जस्तै बनाएको छ। यहाँ हामीले एक अर्काबाट सहयोग, सान्त्वना र ऊर्जा पाएका छौं,ू भूमि अधिकार मञ्चका अगुवा सान्ता ग्लानले थपिन्।

निरन्तर संगठनमा छलफल, नविकरण, कोष संकलन र अभियानमा सहभागीता जनाइरहेका सदस्यहरूले अझै सक्रिय रुपमा अभियानमा लाग्ने बताएका छन् । शिविरमा सहभागी सबै सदस्यहरुले घरघरबाट चामल, तरकारी, नुन, तेल  संकलन गरी सामूहिक रूपम खाजा, खाना व्यवस्थापन गरेकाे जिल्ला भूमिअधिकार मञ्च रसुवाका अभियानकर्ता कल्पना आचार्यले बताए ।
Share this article :

0 comments:

Speak up your mind

Tell us what you're thinking... !

 
Support : Creating Website | Johny Template | Mas Template
Copyright © 2011. यही हो हाम्रो रसुवा - All Rights Reserved
Template Created by Creating Website Inspired by Sportapolis Shape5.com
Proudly powered by Blogger