रसुवा, नेपाल चीन सिमानाबाट लेन्दे खोलाहुँदै घट्टेखोलामा आएको बाढीका कारण रसुवा भन्सार कार्यालयमा रहेका गाडी सहित अन्य सामग्री पनि बगाएकाले ठूलो क्षति भएको छ ।
भन्सारका ५ जना कर्मचारी सम्पर्कमा नआएकाे बाँकी कर्मचारीसहित टिमुरे बजारभन्दा माथिको डाडामा उद्धारको पर्खाइमा बसेको रसुवा भन्सार प्रमुख राजेन्द्र ढुंगानाले बताए ।
ढुंगानाकाअनुसार भन्सार यार्डमा चेकजाँचका लागि रहेका विद्युतीय गाडी, ढुवानी ट्रक गरी ३०० भन्दा बढी गाडी बगेका छन् । ‘यसबाहेक भन्सार चेकजाँचको क्रममा रहेका गाडी पनि बगेका छन् । तर तिनहरूको एकिन तथ्यांक आइसकेको छैन,’ ढुंगानाले भने ।
यद्यपि, क्षतिको विवरण आइनसकेको अर्थ मन्त्रालय स्रोतले जनाएको छ । सो भन्सार कार्यालयमा ३६ जना स्थायी र चार करारका कर्मचारी कार्यरत थिए । बाढीका कारण भएकाे कुनै क्षतीकाे विवरण अझै एकीन भएकाे छैन ।
No comments:
Post a Comment