रचना: डा. अनिता श्रेष्ठ
गोसाइँकुण्ड बाबा सँगको भेटले जीवन उज्यालो बनायो।
एकै छिनमा मस्तिष्कमा शान्तिको दीप बलायो।।
तिमी नै परम, तिमी नै पूरा, तिमी नै सत्यको आधार।
तिम्रो चरण सम्झिँदा खुल्छ मनको द्वार।।
हिमालजस्तै शान्त तिम्रो मुहार, आँखा करुणाले भरिएको।
तिम्रो बोली अमृतजस्तो, मेरो मनभित्र झरिएको।।
गोसाइँकुण्डको पावन छायाँ, तिमीले बाटो देखायौ।
अँध्यारोमा हराएको मनलाई, ज्योतिको चिनो दियौ।।
हे बाबा, तिमी गुरु, तिमी नै मेरो सहारा।
तिम्रो नाम जप्दा हट्छ, मनको सबै अँध्यारा।।
तिमी नै शिव, तिमी नै शक्ति, तिमी नै प्रेम अपार।
तिम्रै कृपाले खुलोस् बाबा, मेरो अन्तर-द्वार।।
न धन चाहिन्छ, न मान चाहिन्छ, चाहिन्छ तिम्रो आशीर्वाद।
तिम्रो दर्शन पाएपछि, हरायो सबै विषाद।।
गोसाइँकुण्ड बाबा, मेरो जीवनको ज्योति।
तिम्रो चरणमा राख्छु बाबा, श्रद्धा, प्रेम र भक्ति।।
जय बाबा, जय गुरु, जय गोसाइँकुण्ड धाम।
तिम्रो नाम जपिरहूँ सधैँ, यही हो मेरो काम।।
0 Comments :
Post a Comment