कालिका गाउँपालिका बढी बेरुजु, उतरगयामा सबैभन्दा कम

रसुवा, पाँचवटा गाउँपालिका रहेको रसुवाको जिल्लामा सबैभन्दा बढी बेरुजु कालिका गाउँपालिकामा देखिएको छ । महालेखा परीक्षकको कार्यालयले ६१ औँ वार्षिक प्रतिवेदन स्वरूप आर्थिक वर्ष २०७९र८० को लेखाजोखा प्रतिवेदन विवरणमा सबैभन्दा भन्दा बढी बेरुजु कालिका गाउँपालिका र सबैभन्दा कम उतरगयामा देखिएको हो । 

कालिकाको बेरुजु ४ दशमलव २४ प्रतिशत रहेको छ । उतरगयाको सबैभन्दा कम बेरुजु शून्य दशमलव ६० प्रतिशत रहेको छ । यस्तै गोसाईंकुण्ड गाउँपालिकाको बेरुजु १ दशमलव ८५ प्रतिशत छ भने नौकुण्ड गाउँपालिकाको २ दशमलव २३ प्रतिशत रहेको छ । 

आमाछोदिङमो गाउँपालिकाको बेरुजु ३ दशमलव ५३ प्रतिशत रहेको महालेखा परीक्षकको कार्यालयले जनाएको छ । कार्यालयले देशैभरिका ७ सय ५३ मध्ये ४ सय ४८ गाउँपालिकाहरूको बेरुजु सार्वजनिक गरेको छ ।