रसुवा, जिल्ला खेलकुद विकाश समितिको आयोजनमा १३औ जिल्ला स्तरीय राष्ट्रपति रनिङ शिल्ड प्रतियोगिता तथा खेलकुद महोत्सव २०८३ बैशाख ९ गतेबाट सुरू हुने भएकाे छ ।
‘स्वास्थ्यका लागि खेलकुद, राष्ट्रका लागि खेलकुद’ भन्ने मूल नाराका साथ १३औं जिल्लास्तरीय राष्ट्रपति रनिङ शिल्ड प्रतियोगिता तथा खेलकुद महोत्सव २०८३ रसुवाको कालिकास्थानमा आयोजना हुने भएको छ।
समापनस् वैशाख ११ गते बागमती प्रदेशका आर्थिक मामिला तथा योजना मन्त्री प्रभात तामाङबाट हुनेछ। उद्घाटनस् वैशाख ९ गते बागमती प्रदेश सरकारका युवा तथा खेलकुद मन्त्री श्रीमती उर्मिला नेपालबाट हुनेछ।
तीन दिनसम्म चल्ने यस महोत्सवमा जिल्लाका पाँचवटै गाउँपालिकाहरू गोसाईकुण्ड, कालिका, उत्तरगया, नौकुण्ड र आमाछोदिङ्मोबाट छनोट भएका ३ सयभन्दा बढी खेलाडीहरूको खेलमा सहभागी हुनेछन् । साे कुरा वैशाख ४ गते कालिकास्थानमा आयोजित पत्रकार सम्मेलनमा दिइएको जानकारी दिए ।
खेल विधा अनुसारको व्यवस्थापनका लागि सुरक्षा निकायसँग समन्वय गरिएको छ।
खेलाडीहरूको आपतकालीन स्वास्थ्य सेवा तथा प्राथमिक उपचारका लागि कालिका गाउँपालिकाको शिक्षा शाखासँग सहकार्य गरिएको छ।
खेलाडी सम्मान र सांस्कृतिक आकर्षण
खेलकुदका साथै महोत्सवमा सांस्कृतिक संरक्षणलाई पनि जोड दिइएको छ। कार्यक्रममा नेपालको सर्वोत्कृष्ट तेक्वान्दो टोलीबाट डेमोस्ट्रेसन प्रदर्शन हुनुका साथै रसुवाको परम्परागत संस्कृति झल्काउने छत्रनाच, भजनकीर्तन, बाजागाजा र लामा झाँक्री नाच समेत प्रदर्शन गरिनेछ।
0 Comments :
Post a Comment