रसुवा, हिन्दू संस्कारअनुसार छोराले मात्रै बाबु आमाको काज–किरिया गर्ने परम्परालाई तोड्दै कालिका गाउँपालिका–२ की ४९ वर्षीया योगमाया ढकाल इश्वरीले बाबुको किरिया बसेकी छिन् ।
ब्राम्हण समुदायमा छोराले मात्रै बाबु आमाको काज–किरिया गर्ने परम्परा छ । याेगमाया ब्रम्हणकी जेठी छाेरी अबिबाहित हुन् । लामाे समयदेखि दमको समस्याबाट ग्रसित रोहिणीप्रसाद ढकालको माघ ६ गते ८१ वर्षको उमेरमा मृत्यू भयो । मृतक ढकालका सन्तान ३ छाेरीहरू याेगमाया, सरस्वती र गायत्री मात्र हुन्।
आफुलाइ जन्मदिने बाबु आमाको सेवा गर्ने र अन्त्यष्ठि कर्म पनि आफ्नै जिम्मेवारी हो योगमायाले भनिन् ‘छाेरा जत्तिकै छोरीको पनि भूमिका हुनुपर्ने र यस्ता लैङ्गिक असमानता हटाउन पनि बाबुको किरिया थालेकी हुँ ।’
उनकाे इच्छा अनुसार कपाल मुण्डन गरेर उनले काका टंकप्रसाद र अरू आफन्तको सहयाेगमा अन्त्यष्ठि कर्म गरिरहेकी छिन् । छोरा नहुँनेका परिवारमा छोरीले यसरी कपाल मुण्डन गरेर बाबुको काजक्रिया गर्न सुरूवात गरेको यो पहिलो कार्य हो ।
‘इश्वरी दिदीले नै दागबत्ती दिइन् नियमित काजक्रिया पनि सुरु गरिन् अब समाजमा संस्कार सुधारको थालनी भयो, यो सकरात्मक कुरा हो ।’ स्थानीय समाजसेवी शंकर न्यौपानेले भने ।
0 Comments :
Post a Comment